ჭიათურის მუნიციპალიტეტის სასარგებლო წიაღისეულის მოპოვების ლიცენზიისაგან გათავისუფლების თაობაზე

საქართველოს მთავრობის

განკარგულება №2198

 2015 წლის 13 ოქტომბერი

 ქ. თბილისი

ჭიათურის მუნიციპალიტეტის სასარგებლო წიაღისეულის მოპოვების ლიცენზიისაგან გათავისუფლების თაობაზე

1. „სასარგებლო წიაღისეულის მოპოვების ლიცენზიის გაცემის წესისა და პირობების შესახებ დებულების დამტკიცების თაობაზე“ საქართველოს მთავრობის 2005 წლის 11 აგვისტოს №136 დადგენილებით დამტკიცებული დებულების (შემდგომში − დებულება) 7⁴ მუხლის საფუძველზე, სახელმწიფოებრივი და საზოგადოებრივი ინტერესების გათვალისწინებით, ადგილობრივი მნიშვნელობის გზების სარეაბილიტაციო სამუშაოების განხორციელების მიზნით, ჭიათურის მუნიციპალიტეტი სამი თვის ვადით გათავისუფლდეს 6300 მ³ სასარგებლო წიაღისეულის (კირქვა (ღორღი), ტუფი (ღორღი), გრანიტოიდები (ღორღი)) მოპოვების ლიცენზიისაგან, ამ განკარგულების დანართში მითითებული X და Y კოორდინატების საზღვრებში.

2. ლიცენზიისაგან გათავისუფლებული პირი − ჭიათურის მუნიციპალიტეტი ვალდებულია:

ა) უზრუნველყოს საქართველოს გარემოსა და ბუნებრივი რესურსების დაცვის სამინისტროს სსიპ − გარემოს ეროვნული სააგენტოს შესაბამისი დასკვნებით (გეოსაინფორმაციო პაკეტები) განსაზ­ღვრული პირობების შესრულება;

ბ) მოპოვებული სასარგებლო წიაღისეული გამოიყენოს მხოლოდ ამ განკარგულების პირველი პუნქტით განსაზღვრული მიზნისათვის;

გ) სასარგებლო წიაღისეულის მოპოვების სამუშაოები საქართველოს საავტომობილო გზების დეპარტამენტის ბალანსზე არსებული საავტომობილო გზების გასწვრივ აწარმოოს სახელმწიფო საქვეუწყებო დაწესებულება − საავტომობილო გზების დეპარტამენტთან, ხოლო WREP მილსადენის გასწვრივ − კომპანია „BP-საქართველოსთან“ შეთანხმებითა და მოქმედი კანონმდებლობით დადგენილი წესით.

3. დებულების 7⁴ მუხლის 2¹ პუნქტის შესაბამისად, სასარგებლო წიაღისეულის მოპოვების ლიცენზიისგან გათავისუფლებისთვის ჭიათურის მუნიციპალიტეტისათვის დადგინდეს განსხვავებული გადასახდელი თანხა, შემდეგი ოდენობით:

ა) სოფ. ცხრუკვეთის მიმდებარე ტერიტორია − 700 მ³ კირქვის ღორღისთვის 140 (ას ორმოცი) ლარი;

ბ) სოფ. სკინდორის მიმდებარე ტერიტორია − 500 მ³ კირქვის ღორღისთვის 100 (ასი) ლარი;

გ) სოფ. ქ/ბერეთისას მიმდებარე ტერიტორია − 500 მ³ კირქვის ღორღისთვის 100 (ასი) ლარი;

დ) სოფ. მულუშეთის მიმდებარე ტერიტორია − 400 მ³ კირქვის ღორღისთვის 80 (ოთხმოცი) ლარი;

ე) სოფ. ტყემლოვანას მიმდებარე ტერიტორია − 500 მ³ გრანიტოიდების ღორღისთვის 100 (ასი) ლარი;

ვ) სოფ. ქ/ჭალოვანის მიმდებარე ტერიტორია − 500 მ³ ტუფის ღორღისთვის 100 (ასი) ლარი;

ზ) სოფ. რგანის მიმდებარე ტერიტორია − 600 მ³ კირქვის ღორღისთვის 120 (ას ოცი) ლარი;

თ) სოფ. ზ/ჭალოვანის მიმდებარე ტერიტორია − 600 მ³ ტუფის ღორღისთვის 120 (ას ოცი) ლარი;

ი) სოფ. ხრეითის მიმდებარე ტერიტორია − 500 მ³ კირქვის ღორღისთვის 100 (ასი) ლარი;

კ) სოფ. ქვაციხის მიმდებარე ტერიტორია − 700 მ³ კირქვის ღორღისთვის 140 (ას ორმოცი) ლარი;

ლ) სოფ. ზ/დარკვეთის მიმდებარე ტერიტორია − 100 მ³ კირქვის ღორღისთვის 20 (ოცი) ლარი;

მ) სოფ. მანდაეთის მიმდებარე ტერიტორია − 500 მ³ კირქვის ღორღისთვის 100 (ასი) ლარი;

ნ) სოფ. მოხოროთუბნის მიმდებარე ტერიტორია − 200 მ³ ტუფის ღორღისთვის 40 (ორმოცი) ლარი.

4. ჭიათურის მუნიციპალიტეტმა უზრუნველყოს ამ განკარგულების მე-3 პუნქტით განსაზღვრული თანხების საქართველოს სახელმწიფო ბიუჯეტში გადახდა განკარგულების ძალაში შესვლიდან ერთი თვის ვადაში.

5. ჭიათურის მუნიციპალიტეტის მიერ ლიცენზიისაგან გათავისუფლების საფუძველზე მოპოვებული სასარგებლო წიაღისეულის მიზნობრივად გამოყენების ზედამხედველობა განახორციელოს საქართველოს გარემოსა და ბუნებრივი რესურსების დაცვის სამინისტროს სახელმწიფო საქვეუწყებო დაწესებულებამ − გარემოსდაცვითი ზედამხედველობის დეპარტამენტმა (შემდგომში − გარემოსდაცვითი ზედამხედველობის დეპარტამენტი).

6. ჭიათურის მუნიციპალიტეტმა სასარგებლო წიაღისეულის მოპოვების ვადის გასვლიდან ორი კვირის ვადაში გარემოსდაცვითი ზედამხედველობის დეპარტამენტში წარადგინოს ინფორმაცია მოპოვებული ბუნებრივი რესურსის ოდენობის შესახებ.

პრემიერ-მინისტრი ი. ღარიბაშვილი