„საქართველოს სასჯელაღსრულებისა და პრობაციის სამინისტროს სპეციალური პენიტენციური სამსახურის მოსამსახურეთა ზოგიერთი დანამატის განსაზღვრის შესახებ“ საქართველოს სასჯელაღსრულებისა და პრობაციის მინისტრის 2015 წლის 10 აგვისტოს N86 ბრძანებაში ცვლილების შეტანის შესახებ

1. ბრძანების პირველი მუხლი ჩამოყალიბდეს შემდეგი რედაქციით:

„მუხლი 1

განისაზღვროს საქართველოს სასჯელაღსრულებისა და პრობაციის სამინისტროს პენიტენციური დეპარტამენტის სოციალური უზრუნველყოფის სამმართველოსა და პენიტენციური დაწესებულების სოციალური განყოფილების მოსამსახურეთა  დანამატის ოდენობა და გაცემის წესი №1 დანართის შესაბამისად.“.

2. ბრძანებას მე-3 მუხლის შემდეგ დაემატოს შემდეგი შინაარსის 3¹ მუხლი:

„მუხლი 3¹

განისაზღვროს სპეციალური პენიტენციური სამსახურის მოსამსახურეთა სხვა დანამატები №4 დანართის შესაბამისად.“.

3. ბრძანების პირველი მუხლით დამტკიცებული დანართი №1-ის:

ა) სათაური ჩამოყალიბდეს შემდეგი რედაქციით:

„საქართველოს სასჯელაღსრულებისა და პრობაციის სამინისტროს პენიტენციური დეპარტამენტის სოციალური უზრუნველყოფის სამმართველოსა და პენიტენციური დაწესებულების სოციალური განყოფილების მოსამსახურეთა დანამატის ოდენობა და გაცემის წესი“

ბ) პირველი მუხლი ჩამოყალიბდეს შემდეგი რედაქციით:

  „მუხლი 1 

ეს წესი განსაზღვრავს საქართველოს სასჯელაღსრულებისა და პრობაციის სამინისტროს პენიტენციური დეპარტამენტის სოციალური უზრუნველყოფის სამმართველოსა და პენიტენციური დაწესებულების სოციალური განყოფილების მოსამსახურეთათვის (შემდგომში – მოსამსახურე) დანამატების ოდენობასა და გაცემის წესს.“;

გ) მე-3 მუხლი ჩამოყალიბდეს შემდეგი რედაქციით:

„მუხლი 3

მოსამსახურეებს დანამატი მიეცემა ყოველ თვე, ნამუშევარი და ანაზღაურებადი შვებულების დღეების მიხედვით.“.

სამინისტროს №16 პენიტენციური დაწესებულების სექტორის სოციალური მუშაკების დანამატის ოდენობა განისაზღვრება 100 ლარის ოდენობით.

მუხლი 2

სამინისტროს №16 პენიტენციური დაწესებულების სექტორის სოციალურ მუშაკებს დანამატი მიეცემა ყოველ თვე, ნამუშევარი  და ანაზღაურებადი შვებულების დღეების მიხედვით.