„ელექტრონული სამეცნიერო ჟურნალების შექმნის მიზნით სახელმწიფო სამეცნიერო საგრანტო კონკურსის გამართვის წესისა და საგრანტო პროექტების შეფასების კრიტერიუმების დამტკიცების შესახებ“ საქართველოს მთავრობის 2009 წლის 10 სექტემბრის №160 დადგენილებაში ცვლილების შეტანის თაობაზე

1.   მე-2 მუხლის:

ა) პირველი პუნქტი ჩამოყალიბდეს შემდეგი რედაქციით:

„1. ელექტრონული სამეცნიერო ჟურნალების (შემდგომში – ჟურნალი) შექმნის მიზნით სახელმწიფო სამეცნიერო გრანტების (შემდგომში – გრანტი) გაცემის ორგანიზებას ქართველოლოგიის, ჰუმანიტარული და სოციალური მეცნიერებების სფეროში ახორციელებს საქართველოს განათლებისა და მეცნიერების სამინისტროს სისტემაში შემავალი საჯარო სამართლის იურიდიული პირი – შოთა რუსთაველის ეროვნული სამეცნიერო ფონდი (შემდგომში – რუსთაველის ფონდი).“;

ბ) მე-3 პუნქტი ამოღებულ იქნეს;

გ) მე-6 პუნქტის „გ“ ქვეპუნქტი ჩამოყალიბდეს შემდეგი რედაქციით:

„გ) საკონკურსო კომისიის მიერ პროექტების შეფასების საფუძველზე გამარჯვებული პროექტის გამოვლენასა და რუსთაველის ფონდის გენერალური დირექტორის ინდივიდუალური ადმინისტრაციულ-სამართლებრივი აქტით დამტკიცებას;“.

2. მე-5 მუხლის პირველი, მე-2 და მე-3 პუნქტები ჩამოყალიბდეს შემდეგი რედაქციით:

„1. კონკურსში გამარჯვებული პროექტის/პროექტების გამოსავლენად იქმნება 9 წევრისაგან შემდგარი კომისია, რომლის შემადგენლობას ამტკიცებს რუსთაველის ფონდის გენერალური დირექტორი.

2. კომისია საკუთარი შემადგენლობიდან ირჩევს კომისიის თავმჯდომარეს.

3. კომისიის სხდომის მოწვევის შესახებ გადაწყვეტილებას იღებს რუსთაველის ფონდის გენერალური დირექტორი.“.

3. მე-7 მუხლის პირველი პუნქტი ჩამოყალიბდეს შემდეგი რედაქციით:

„1. გამარჯვებული პროექტის/პროექტების დაფინანსების მოცულობას განსაზღვრავს რუსთაველის ფონდის გენერალური დირექტორი ინდივიდუალური ადმინისტრაციულ-სამართლებრივი აქტით, სახელმწიფო ბიუჯეტიდან რუსთაველის ფონდისათვის გამოყოფილი ასიგნებების ფარგლებში. გამარჯვებულ პროექტზე/პროექტებზე გასაცემი გრანტის საერთო ოდენობა ერთობლიობაში არ უნდა აღემატებოდეს 150 000 ლარს, ხოლო წელიწადში – 50 000 ლარს.“.