დოკუმენტის სტრუქტურა
განმარტებების დათვალიერება
დაკავშირებული დოკუმენტები
დოკუმენტის მონიშვნები
უკან დაბრუნება | "საქართველოს სისხლის სამართლის საპროცესო კოდექსში” ცვლილებებისა და დამატებების შეტანის შესახებ | |
|---|---|
| დოკუმენტის ნომერი | 1496 |
| დოკუმენტის მიმღები | საქართველოს პარლამენტი |
| მიღების თარიღი | 26/06/1998 |
| დოკუმენტის ტიპი | საქართველოს კანონი |
| გამოქვეყნების წყარო, თარიღი | პარლამენტის უწყებანი, 25-26, 15/07/1998 |
| ძალის დაკარგვის თარიღი | 01/10/2010 |
| სარეგისტრაციო კოდი | 090.000.000.05.001.000.389 |
საქართველოს კანონი
საქართველოს სისხლის სამართლის საპროცესო კოდექსში დამატებების შეტანის შესახებ
საქართველოს პარლამენტი ადგენს:
I. საქართველოს სისხლის სამართლის საპროცესო კოდექსში (პარლამენტის უწყებანი, №13-14, 8.04.1998) შეტანილ იქნეს შემდეგი დამატებები:
1. 108-ე მუხლის მე-4 ნაწილს დაემატოს შემდეგი შინაარსის ტექსტი:
„საკითხს მოსამართლის აცილების შესახებ, რომელიც ერთპიროვნულად იხილავს საქმეს, წყვეტს თვით ეს მოსამართლე. აცილების მიღების შემთხვევაში მოსამართლე საქმეს გადასცემს სასამართლოს თავმჯდომარეს, რომელიც მას განსახილველად გადასცემს სხვა მოსამართლეს, ხოლო იმ შემთხვევაში, თუ აცილება მისცეს იმ რაიონული (საქალაქო) სასამართლოს მოსამართლეს, სადაც არ არის სისხლის სამართლის საქმის განმხილველი სხვა მოსამართლე, მაშინ სასამართლოს თავმჯდომარე საქმეს გადაუგზავნის საოლქო სასამართლოს“.
2. კოდექსს დაემატოს შემდეგი შინაარსის 6801 მუხლი:
„მუხლი 6801. სააპელაციო სასამართლოს უფლებამოსილება საოლქო სასამართლოების ამოქმედებამდე
1. საოლქო სასამართლოების ამოქმედებამდე რაიონულ (საქალაქო) სასამართლოში მოსამართლის აცილების გამო საქმის განხილვის შეუძლებლობის შემთხვევაში, რაიონული (საქალაქო) სასამართლოს თავმჯდომარე საქმეს უგზავნის სააპელაციო სასამართლოს, ხოლო აფხაზეთისა და აჭარის ავტონომიურ რესპუბლიკებში – აფხაზეთის ან აჭარის ავტონომიური რესპუბლიკების უმაღლეს სასამართლოებს.
2. სააპელაციო, აფხაზეთისა და აჭარის ავტონომიური რესპუბლიკების უმაღლესი სასამართლოების საგამოძიებო კოლეგიების მოსამართლეს საქმის მიღებიდან 48 საათში გამოაქვს დადგენილება საქმეს აცილებული სასამართლოს ახლომდებარე ან სხვა რაიონული (საქალაქო) სასამართლოსათვის საქმის განსახილველად გადაცემის შესახებ.
3. სააპელაციო, აფხაზეთისა და აჭარის ავტონომიური რესპუბლიკების უმაღლესი სასამართლოების საგამოძიებო კოლეგიების მოსამართლის დადგენილება რაიონული (საქალაქო) სასამართლოს მოსამართლის აცილების გამო საქმის სხვა რაიონული (საქალაქო) სასამართლოსათვის განსახილველად გადაცემის შესახებ პროცესის მონაწილე დაინტერესებულმა მხარეებმა შეიძლება გაასაჩივრონ დადგენილების გამოტანიდან არა უგვიანეს 7 დღისა საქართველოს უზენაესი სასამართლოს სისხლის სამართლის საქმეთა პალატაში.“.
II. ეს კანონი ამოქმედდეს 1998 წლის 1 აგვისტოდან.
საქართველოს პრეზიდენტი ედუარდ შევარდნაძე.
თბილისი,
1998 წლის 26 ივნისი.
№1496–IIს
დოკუმენტის კომენტარები