„სამედიცინო მომსახურების მიმწოდებელთათვის პასპორტიზაციის წესის დამტკიცების შესახებ“ საქართველოს შრომის, ჯანმრთელობისა და სოციალური დაცვის მინისტრის 2013 წლის 4 აგვისტოს №01-33/ნ ბრძანებაში ცვლილების შეტანის შესახებ

„ა) საწოლთა ფონდთან დაკავშირებული მონაცემები. კერძოდ: მონაცემები რეანიმაციული (მოზრდილთა, პედიატრიული და ნეონატალური) საწოლების შესახებ. ასევე, რეანიმაციული საწოლების არსებობის შემთხვევაში, მონაცემები ადგილზე მწვავე შემთხვევების მართვისათვის საჭირო ჰემოდიალიზის სერვისით უზრუნველყოფის შესახებ. მონაცემები ქირურგიული (მ.შ. პედიატრიული), ინფექციური (მ.შ. პედიატრიული), სამეანო, ნეონატალური საწოლების თაობაზე უნდა განახლდეს ყოველი სამუშაო დღის დასაწყისში (10.00 საათზე).  ცალკე მიეთითება თავისუფალ საწოლთა რაოდენობა;

ბ) თავისუფალი რეანიმაციული (მოზრდილთა, პედიატრიული და ნეონატალური), და ინფექციური (მ.შ. პედიატრიული) საწოლების, თავისუფალი ხელოვნური სუნთქვის აპარატების და თავისუფალი კიუვეზების შესახებ ინფორმაციის ნებისმიერი ხარისხობრივი და რაოდენობრივი ცვლილება უნდა აისახოს მაქსიმუმ 1 (ერთი) საათის განმავლობაში;“;

„3¹. სამედიცინო მომსახურების მიმწოდებელი ვალდებულია, არანაკლებ 3 დღით ადრე შეატყობინოს სამინისტროს საგანგებო სიტუაციების კოორდინაციისა და რეჟიმის დეპარტამენტს რემონტის, რეკონსტრუქციის ან სხვა ტექნიკური მიზეზით სერვისის მიწოდების სრულად  ან ნაწილობრივ შეზღუდვასთან, მათ შორის რეანიმაციული საწოლების რაოდენობის შეზღუდვასთან დაკავშირებული დეტალური ინფორმაცია. აღნიშნული ინფორმაცია, ასევე, უნდა აისახოს ელექტრონული ჯანდაცვის საინფორმაციო პორტალზე .“.

„3. ,,დაწესებულების  ტიპის“ ბლოკში უნდა იქნეს ამორჩეული დაწესებულების ის ტიპი, რომელსაც მიეკუთვნება დაწესებულება. პასუხის შესაძლო ვარიანტებია: ამბულატორია=01; საოჯახო მედიცინის ცენტრი=02; სპეციალიზებული  ამბულატორიული დაწესებულება=03; სპეციალიზებული  კაბინეტი=04; მრავალპროფილური სტაციონარული დაწესებულება=05; მონოპროფილური (სპეციალიზებული) სტაციონარული დაწესებულება=06; სტომატოლოგიური კაბინეტი/კლინიკა=07. მიეთითება მხოლოდ კოდი.   ტიპიდან გამომდინარე დაწესებულების მონაცემების სვეტში ივსება  მხოლოდ ის გრაფები, რომელსაც აკმაყოფილებს დაწესებულება.“.