,,ქობულეთის მუნიციპალიტეტის საკრებულოს რეგლამენტის დამტკიცების შესახებ“ ქობულეთის მუნიციპალიტეტის საკრებულოს 2014 წლის 4 სექტემბრის N08 დადგენილებაში ცვლილებისა და დამატების შეტანის თაობაზე

ა) მე-3 მუხლის  მე-4 პუნქტიდან  ამოღებულ იქნეს  ,,დ“ ქვეპუნქტი;

ბ) მე-3 მუხლის  მე-7 პუნქტიდან ამოღებულ იქნეს   ,,ბ“ ,,ზ“ ,,კ“ ქვეპუნქტები;

გ) მე-3 მუხლის  მე-4 პუნქტს დაემატოს ,,ვ“ ქვეპუნქტი და ჩამოყალიბდეს შემდეგი რედაქციით:

,,ვ) ქობულეთის  მუნიციპალიტეტის კერძო სამართლის იურიდიული პირის  ხელმძღვანელობაზე  უფლებამოსილმა პირმა  გაწეული საქმიანობის  შესახებ  საკრებულოს წარუდგინოს ანგარიში  კალენდარული წლის  დასრულებიდან  ორი თვის ვადაში.“;

დ) მე-3 მუხლის მე-7 პუნქტის ,,ვ“ ქვეპუნქტი ჩამოყალიბდეს შემდეგი რედაქციით:

,,ვ) გამგებლისათვის თანხმობის მიცემა კერძო სამართლის სამეწარმეო და არასამეწარმეო (არაკომერციული) იურიდიული პირების დაფუძნების, რეორგანიზაციისა და ლიკვიდაციის შესახებ; სამეწარმეო და არასამეწარმეო (არაკომერციული) იურიდიული პირების დაფუძნებაში მონაწილეობისა და მათში გაწევრიანების შესახებ; სამეწარმეო იურიდიული პირის წილის/აქციების შეძენის შესახებ.“;

ე) მე-16 მუხლის პირველი პუნქტი  ჩამოყალიბდეს შემდეგი რედაქციით:

,,1. ქობულეთის მუნიციპალიტეტის საკრებულოს იმ წევრისათვის, რომელიც არ არის მუნიციპალიტეტის საკრებულოს თანამდებობის პირი, ასანაზღაურებელი ხარჯების ყოველთვიური რაოდენობა არ უნდა აღემატებოდეს ქობულეთის მუნიციპალიტეტის საკრებულოს თავმჯდომარის თანამდებობრივი სარგოს მაქსიმალური ოდენობის 15%-ს, რომელიც განისაზღვრება ქობულეთის მუნიციპალიტეტის საკრებულოს დადგენილებით, ხოლო მუნიციპალიტეტის საკრებულოს წევრის სამსახურებრივ მივლინებასთან დაკავშირებული ხარჯების ანაზღაურებაზე ვრცელდება საქართველოს კანონმდებლობით საჯარო მოსამსახურის მივლინების ხარჯების ანაზღაურებისათვის დადგენილი წესები.’’;

ვ) მე-17 მუხლის მე-2 პუნქტის ,,რ“ ქვეპუნქტი  ჩამოყალიბდეს შემდეგი რედაქციით:

,,რ) ამტკიცებს მუნიციპალიტეტის საკრებულოს აპარატის შინაგანაწესს და თანამდებობრივ ინსტრუქციებს, აგრეთვე მუნიციპალიტეტის  საკრებულოს აპარატის  მოხელეთა დამატებით საკვალიფიკაციო მოთხოვნებს.“.