„ხონის მუნიციპალიტეტის 2015 წლის ბიუჯეტის დამტკიცების შესახებ“ ხონის მუნიციპალიტეტის საკრებულოს 2014 წლის 25 დეკემბრის №61 დადგენილებაში ცვლილებების და დამატებების შეტანის შესახებ

საქართველოს განათლებისა და მეცნიერების სამინისტროს მიერ დამტკიცდა სასკოლო მზაობის სპეციალური პროგრამა, რომელიც ითვალისწინებს 5–6 წლის ბავშვების მომზადებას სკოლისათვის. დღესისათვის ასეთი ბავშვების რაოდენობა 60-ია.

ზემოაღნიშნული პროგრამის განსახორციელებლად ხონის მუნიციპალიტეტის გამგებლის მიერ წარმოდგენილი პროექტის მიხედვით მუნიციპალიტეტის პროგრამულ ბიუჯეტს ემატება  ახალი პუნქტი ,,დამატებითი სააღმზრდელო და საგანმანათლებლო მომსახურების პროგრამა“, რომლის დასაფინანსებლად საჭირო იქნება 1,5 ათასი ლარი.

აქედან გამომდინარე  1,5 ათასი ლარით მცირდება მუნიციპალიტეტის ბიუჯეტის  ,,დასვენება, კულტურა და რელიგია“ მუხლის ახალგაზრდულული პროგრამების დაფინანსება  და შესაბამისად იზრდება  ,,განათლება“ მუხლის ზოგადი განათლების დაფინანსების ხარჯები .

საქართველოს ორგანული კანონის ,,ადგილობრივი თვითმმართველობის კოდექსი“ 24-ე მუხლის პირველი პუნქტის ,,დ.ა“ ქვეპუნქტის, საქართველოს საბიუჯეტო კოდექსის 69-ე მუხლის, საქართველოს ზოგადი ადმინიტრაციული კოდექსის  63-ე მუხლის საფუძველზე  ხონის მუნიციპალიტეტის საკრებულო ადგენს:

,,42. დამატებითი სააღმზრდელო და საგანმანათლებლო მომსახურების პროგრამა (პროგრამული კოდი 04 07). პროგრამის მიზანია ხელი შეუწყოს მუნიციპალიტეტში სასკოლო მზაობის პროგრამის განხორციელებას და  აქედან გამომდინარე აღსაზრდელთა უნარ–ჩვევების განვითარებას ყველა მიმართულებით და 5–6 წლის ბავშვების მომზადებას სკოლისათვის.  პროგრამის ფარგლებში შეიქმნება ჯგუფები,  ჯგუფში აღსაზრდელთა რაოდენობა არ იქნება 25 ბავშვზე მეტი.  ჯგუფში დაფინანსდება  სპეცილაურად მომზადებული აღმზრდელ–პედაგოგი და თანაშემწე. სასკოლო მზაობის ჯგუფების ორგანიზება განხორციელდება ხონის მუნიციპალიტეტის გამგეობის მიერ საგანმანათლებლო რესურს–ცენტრთან შეთანხმებით შერჩეულ, პროგრამის განხორციელებისათვის აუცილებელი პირობების მქონე საგანმანათლებლო დაწესებულებების ბაზაზე. პროგრამა დაფინანსდება სუბსიდირების წესით.“