ქარელის მუნიციპალიტეტის საკრებულოს 2014 წლის 1 აგვისტოს №38 დადგენილებაში „ქარელის მუნიციპალიტეტის საკრებულოს წევრების უფლებამოსილების განხორციელებასთან დაკავშირებული ხარჯების ანაზღაურების შესახებ“ ცვლილებების და დამატებების შეტანის თაობაზე

ა) დადგენილებით დამტკიცებული   პირველი მუხლი ჩამოყალიბდეს შემდეგი რედაქციით:

,, მუხლი 1 

1. განისაზღვროს ქარელის მუნიციპალიტეტის საკრებულოს წევრების (გარდა თანამდებობის პირებისა) უფლებამოსილებათა განხორციელებისას გაწეული ხარჯების ანაზღაურების  ლიმიტი (ზღვრული ოდენობა) თვეში  397,5 ლარის (სამას ოთხმოცდაჩვიდმეტი ლარი და ორმოცდაათი თეთრი)  ოდენობით:

ა) საკრებულოს სხდომებში მონაწილეობისათვის;

ბ) საკრებულოს კომისიების მუშაობაში მონაწილეობისათვის;

გ) ამომრჩევლებთან თვის განმავლობაში არანაკლებ სამი შეხვედრისათვის“ .

ბ) დადგენილებით დამტკიცებული მეორე მუხლის მე-5 პუნქტი ჩამოყალიბდეს შემდეგი რედაქციით:

„5. თუ საკრებულოს წევრი ამ დადგენილების 1-ლი მუხლის 1-ლი პუნქტით განსაზღვრული საქმიანობიდან არ შეასრულებს ერთ-ერთ მოთხოვნას,  მის მიერ გაწეული ხარჯი აუნაზღაურდეს ხარჯების ანაზღაურებისათვის გათვალისწინებული თანხის ზღვრულ ოდენობაზე 50 (ორმოცდაათი) ლარის გამოკლებით, ხოლო, თუ საკრებულოს წევრი ამ დადგენილების 1-ლი მუხლის 1-ლი პუნქტით განსაზღვრული საქმიანობიდან არ შეასრულებს ორ მოთხოვნას,  მის მიერ გაწეული ხარჯი აუნაზღაურდეს ხარჯების ანაზღაურებისათვის გათვალისწინებული თანხის ზღვრულ ოდენობაზე 100(ასი) ლარის გამოკლებით, თუ საკრებულოს წევრი ამ დადგენილების 1-ლი მუხლის 1-ლი პუნქტით განსაზღვრული საქმიანობიდან არ შეასრულებს „ა“, „ბ“, „გ“ ქვეპუნქტებით განსაზღვრულ  სამივე მოთხოვნას,   მის    მიერ გაწეული ხარჯი არ ანაზღაურდება“.