ქ.თბილისში, ვაკის რაიონში, დაბა წყნეთში, ქედქეთების ქუჩისთვის, მასთან არსებული გასასვლელისთვის და შესახვევისთვის სოფიკო ჭიაურელის სახელის მინიჭების შესახებ

ქალაქ თბილისის მუნიციპალიტეტის საკრებულოს

განკარგულება №346

2015 წლის 17 სექტემბერი

ქ. თბილისი

ქ.თბილისში, ვაკის რაიონში, დაბა წყნეთში, ქედქეთების ქუჩისთვის, მასთან არსებული გასასვლელისთვის და შესახვევისთვის სოფიკო ჭიაურელის სახელის მინიჭების შესახებ

1. საქართველოს ორგანული კანონის „ადგილობრივი თვითმმართველობის კოდექსი” 68-ე მუხლის პირველი პუნქტის „გ“ ქვეპუნქტის, „მუნიციპალიტეტის ადმინისტრაციულ საზღვრებში მდებარე გეოგრაფიული ობიექტების სახელდების წესის დამტკიცების შესახებ“, საქართველოს მთავრობის 2015 წლის 1 ივნისის №239 დადგენილებისა და „ქ.თბილისის მუნიციპალიტეტის ადმინისტრაციულ საზღვრებში მდებარე გეოგრაფიული ობიექტების სახელდების წესის დამტკიცების შესახებ“, ქ. თბილისის მუნიციპალიტეტის საკრებულოს 2015 წლის 16 ივნისის №14-59 დადგენილების თანახმად, ქ.თბილისის მუნიციპალიტეტის საკრებულომ დაადგინა:

ა) ვაკის რაიონში, დაბა წყნეთში, ქედქეთების ქუჩას, მასთან არსებულ გასასვლელს და შესახვევს მიენიჭოს მსახიობ სოფიკო ჭიაურელის სახელი, თანდართული რუკის თანახმად.

ბ) ქ.თბილისის მუნიციპალიტეტის მერიამ ოთხი თვის ვადაში უზრუნველყოს ამ განკარგულების შესასრულებლად საჭირო ღონისძიებების გახორციელება.

2. განკარგულება შეიძლება გასაჩივრდეს ერთი თვის ვადაში თბილისის საქალაქო სასამართლოს ადმინისტრაციულ საქმეთა კოლეგიაში (მისამართი: ქ. თბილისი, დავით აღმაშენებლის ხეივანი, მე-12 კმ , №6).

საკრებულოს თავმჯდომარე  გ. ალიბეგაშვილი