„ლტოლვილის ან ჰუმანიტარული სტატუსის მინიჭების პროცედურის დამტკიცების შესახებ” საქართველოს ოკუპირებული ტერიტორიებიდან იძულებით გადაადგილებულ პირთა, განსახლებისა და ლტოლვილთა მინისტრის 2012 წლის 16 აგვისტოს N100 ბრძანებაში ცვლილების შეტანის თაობაზე

ა) ბრძანებას დაემატოს შემდეგი შინაარსის 2² პუნქტი:

„2². დამტკიცდეს „თავშესაფრის მოთხოვნის შესახებ“ განცხადების ფორმა დანართი №5-ის და „თავშესაფრის მოთხოვნის შესახებ განცხადების გამოთხოვის თაობაზე“ განცხადების ფორმა დანართი №6-ის  შესაბამისად.“;

ბ) ბრძანების პირველი პუნქტით დამტკიცებული „ლტოლვილისა ან ჰუმანიტარული სტატუსის მინიჭების პროცედურის“ (დანართი №1) (შემდგომში – პროცედურა) მე-2 მუხლის პირველ პუნქტი ჩამოყალიბდეს შემდეგი რედაქციით:

„1. თავშესაფრის მაძიებელი პირი განცხადებით მიმართავს საქართველოს ოკუპირებული ტერიტორიებიდან იძულებით გადაადგილებულ პირთა, განსახლებისა და ლტოლვილთა სამინისტროს (შემდგომში – სამინისტრო), ამ ბრძანებით დამტკიცებული „თავშესაფრის მოთხოვნის შესახებ“ განცხადების – დანართი №5-ის შესაბამისად.“;

გ) პროცედურის მე-3 მუხლის მე-2 პუნქტი ჩამოყალიბდეს შემდეგი რედაქციით:

„2. სამინისტრო პირს განცხადების შეტანისთანავე არეგისტრირებს თავშესაფრის მაძიებლად.“;

დ) პროცედურის მე-3 მუხლის მე-5 პუნქტი ჩამოყალიბდეს შემდეგი რედაქციით:

„5. დეპარტამენტი თავშესაფრის მაძიებლად რეგისტრაციიდან 5 დღის განმავლობაში გასცემს ცნობას თავშესაფრის მაძიებელსა და მისი ოჯახის წევრებზე 6 თვის ვადით, რომელიც შეიძლება გაგრძელდეს კანონით გათვალისწინებულ შემთხვევებში. არასრულწლოვნის ცნობა გადაეცემა მის კანონიერ წარმომადგენელს.“;

ე) პროცედურის მე-3 მუხლის მე-6 პუნქტი ჩამოყალიბდეს შემდეგი რედაქციით:

„6. თავშესაფრის მაძიებელი პირის ცნობის მიღებისთანავე თავშესაფრის მაძიებელი ვალდებულია   სამინისტროს ჩააბაროს მისი პირადობის დამადასტურებელი ეროვნული დოკუმენტები, რომლებიც მას უბრუნდება:

ა) ლტოლვილის ან ჰუმანიტარული სტატუსის მინიჭებაზე უარის თქმის შემთხვევაში;

ბ) ლტოლვილის ან ჰუმანიტარული სტატუსის შეწყვეტის ან გაუქმების შემთხვევაში;

გ) „თავშესაფრის მოთხოვნის შესახებ“ განცხადების გამოთხოვის შემთხვევაში;

დ) კანონმდებლობით გათვალისწინებულ სხვა შემთხვევაში.“;

ვ) პროცედურას დაემატოს შემდეგი შინაარსის 6¹ პუნქტი:

„6¹. ამ მუხლის მე-6 პუნქტის „გ“ ქვეპუნქტით გათვალისწინებულ შემთხვევაში, თავშესაფრის მაძიებელი სამინისტროს მიმართავს ამავე ბრძანებით დამტკიცებული „თავშესაფრის მოთხოვნის შესახებ განცხადების გამოთხოვის თაობაზე“ განცხადებით – დანართი №6-ით.“;

ზ) პროცედურის მე-3 მუხლის მე-17 და მე-18 პუნქტები ამოღებულ იქნეს.