დოკუმენტის სტრუქტურა
განმარტებების დათვალიერება
დაკავშირებული დოკუმენტები
დოკუმენტის მონიშვნები
უკან დაბრუნება | საქართველოს მთავრობის სარეზერვო ფონდიდან საქართველოს ეკონომიკისა და მდგრადი განვითარების სამინისტროსათვის თანხის გამოყოფის შესახებ | |
|---|---|
| დოკუმენტის ნომერი | 1970 |
| დოკუმენტის მიმღები | საქართველოს მთავრობა |
| მიღების თარიღი | 14/09/2015 |
| დოკუმენტის ტიპი | საქართველოს მთავრობის განკარგულება |
| გამოქვეყნების წყარო, თარიღი | ვებგვერდი, 25/09/2015 |
| სარეგისტრაციო კოდი | 000000000.00.003.019965 |
საქართველოს მთავრობის
განკარგულება №1970
2015 წლის 14 სექტემბერი
ქ. თბილისი
საქართველოს მთავრობის სარეზერვო ფონდიდან საქართველოს ეკონომიკისა და მდგრადი განვითარების სამინისტროსათვის თანხის გამოყოფის შესახებ
თურქეთის საკურორტო ქალაქ ანტალიაში შექმნილი ვითარების გათვალისწინებით, ქალაქ ანტალიაში ტურისტული მიზნით მყოფი საქართველოს იმ მოქალაქეების (არაუმეტეს 400 მოქალაქე) საქართველოში გადმოყვანის მიზნით, რომელთა საქართველოში გამომგზავრებაც ვერ ხერხდება ტურისტულ კომპანიასა და ავიაკომპანიას შორის არსებული პრობლემების გამო, საქართველოს ფინანსთა სამინისტრომ „საქართველოს 2015 წლის სახელმწიფო ბიუჯეტის შესახებ“ საქართველოს კანონით გათვალისწინებული საქართველოს მთავრობის სარეზერვო ფონდიდან საქართველოს ეკონომიკისა და მდგრადი განვითარების სამინისტროს გამოუყოს არაუმეტეს 70 000 (სამოცდაათი ათასი) აშშ დოლარის ეკვივალენტი ლარი, შპს „ჯორჯიან ეარვეისის“ მიერ 2015 წლის 11, 12 და 13 სექტემბერს საქართველოს მოქალაქეთა თურქეთის ქალაქ ანტალიიდან საქართველოში გადმოყვანასთან დაკავშირებული მომსახურების ღირებულების დასაფარად.
პრემიერ-მინისტრი ირაკლი ღარიბაშვილი
დოკუმენტის კომენტარები