„კასპის მუნიციპალიტეტის გამგეობის ადმინისტრაციული სამსახურის დებულების დამტკიცების შესახებ“ კასპის მუნიციპალიტეტის საკრებულოს 2014 წლის 1 აგვისტოს N35 დადგენილებაში ცვლილების შეტანის შესახებ

ა) დადგენილებით დამტკიცებულ დებულების 1-ლი მუხლის 1-ლი პუნქტი ჩამოყალიბდეს შემდეგი რედაქციით:

1. გამგეობის ადმინისტრაციული სამსახური (ტექსტში შემდგომ – სამსახური) არის მუნიციპალიტეტის გამგეობის სტრუქტურული ერთეული, რომელიც უზრუნველყოფს ადგილობრივი თვითმმართველობის ორგანოებისა და გამგეობის სამსახურების საქმისწარმოებას, მათ კომუნიკაციას ერთმანეთთან; ადგილობრივი შესყიდვების ორგანიზებასა და განხორციელებას, გამგებლის წარმომადგენლებთან ურთიერთობის კოორდინაციას, ადამიანური რესურსების მართვას და მატერიალურ-ტექნიკურ უზრუნველყოფას; ადგილობრივი თვითმმართველობის ორგანოების ურთიერთობის ორგანიზებას მოქალაქეებთან, იურიდიულ პირებთან და სხვა გაერთიანებებთან, სახელმწიფო ორგანოებთან, სხვა თვითმმართველ ერთეულებთან და საერთაშორისო ორგანიზაციებთან;   გამგეობის ოფიციალური ღონისძიებების დაგეგმვასა და ორგანიზებას; საჯარო ინფორმაციის ხელმისაწვდომობას, ასევე, მოქალაქეთა ინფორმირებულობას მუნიციპალიტეტის საქმიანობის შესახებ „კასპის მუნიციპალიტეტის გამგეობის დებულების დამტკიცების შესახებ“ კასპის მუნიციპალიტეტის საკრებულოს 2014 წლის 1 აგვისტოს №27 დადგენილების 35-ე მუხლის შესაბამისად.

ბ) დადგენილებით დამტკიცებულ დებულების მე-3 მუხლის „კ“ ქვეპუნქტი ჩამოყალიბდეს შემდეგი რედაქციით:

კ) მუნიციპალიტეტის ვებ-გვერდის ადმინისტრირებას;  საქართველოს ორგანული კანონის „ადგილობრივი თვითმმართველობის კოდექსის“ 54-ე მუხლით გათვალისწინებული გამგებლის უფლებამოსილებას მიკუთვნებული საკითხების შესაბამისად ამავე კანონის 85¹ მუხლით განსაზღვრული საჯარო ინფორმაციის პროაქტიულად გამოქვეყნებას;“.