„გორის მუნიციპალიტეტში პრემიის ოდენობის განსაზღვრის წესი“ გორის მუნიციპალიტეტის საკრებულოს 2014 წლის 12 სექტემბრის №25 დადგენილებაში ცვლილების შეტანის თაობაზე

ა) დადგენილების სათაური და დადგენილებით დამტკიცებული დანართის სათაური ჩამოყალიბდეს შემდეგი რედაქციით:

„გორის მუნიციპალიტეტში პრემიის ოდენობის განსაზღვრის წესის დამტკიცების შესახებ“;

ბ) დადგენილებით დამტკიცებული დებულების პირველი მუხლი ჩამოყალიბდეს შემდეგი რედაქციით:

„მუხლი 1. ამ წესის რეგულირების სფერო

ეს წესი განსაზღვრავს გორის მუნიციპალიტეტში დასაქმებულ საჯარო მოსამსახურეებზე გასაცემი პრემიის ოდენობას, მისი გაცემის წესსა და პირობებს“;

გ) დადგენილებით დამტკიცებული დებულების მე-3 მუხლი ჩამოყალიბდეს შემდეგი რედაქციით:

„მუხლი 3. პრემიის გაცემის უფლებამოსილება

1. გორის მუნიციპალიტეტში დასაქმებულ საჯარო მოსამსახურეებზე პრემიის გაცემის საკითხის ინიციირების უფლება აქვს უშუალო ხელმძღვანელ პირს და ზემდგომ თანამდებობის პირს.

2. პრემიის გაცემის შესახებ გამგეობის თანამდებობის პირების და გამგეობის სხვა საჯარო მოსამსახურეთა მიმართ გადაწყვეტილებას იღებს გორის მუნიციპალიტეტის გამგებელი, ხოლო საკრებულოს აპარატის უფროსის, აპარატის და სხვა საჯარო მოსამსახურეთა მიმართ – საკრებულოს თავმჯდომარე“;

დ) დადგენილებით დამტკიცებული დებულების მე-4 მუხლის პირველი პუნქტი  ჩამოყალიბდეს შემდეგი რედაქციით:

„1. გორის მუნიციპალიტეტში დასაქმებულ საჯარო მოსამსახურეებზე ერთჯერადად გაცემული პრემიის ოდენობა არ უნდა აღემატებოდეს აღნიშნული პირის თანამდებობრივ სარგოს“.

ე) დადგენილებით დამტკიცებული დებულების მე-4 მუხლის მე-2 პუნქტი  ჩამოყალიბდეს შემდეგი რედაქციით:

„2. გორის მუნიციპალიტეტში დასაქმებულ საჯარო მოსამსახურეებზე პრემია შეიძლება გაიცეს კვარტალში ერთხელ“.