დოკუმენტის სტრუქტურა
განმარტებების დათვალიერება
დაკავშირებული დოკუმენტები
დოკუმენტის მონიშვნები
უკან დაბრუნება | „საქართველოს გარემოსა და ბუნებრივი რესურსების დაცვის სამინისტროს ადმინისტრაციული დეპარტამენტის მოხელეთა დამატებითი საკვალიფიკაციო მოთხოვნების დამტკიცების შესახებ” საქართველოს გარემოსა და ბუნებრივი რესურსების დაცვის მინისტრის 2014 წლის 4 მარტის №108 ბრძანებაში ცვლილების შეტანის თაობაზე | |
|---|---|
| დოკუმენტის ნომერი | 221 |
| დოკუმენტის მიმღები | საქართველოს გარემოსა და ბუნებრივი რესურსების დაცვის მინისტრი |
| მიღების თარიღი | 10/09/2015 |
| დოკუმენტის ტიპი | საქართველოს მინისტრის ბრძანება |
| გამოქვეყნების წყარო, თარიღი | ვებგვერდი, 11/09/2015 |
| ძალის დაკარგვის თარიღი | 01/01/2017 |
| სარეგისტრაციო კოდი | 360160000.22.023.016344 |
|
„საქართველოს გარემოსა და ბუნებრივი რესურსების დაცვის სამინისტროს ადმინისტრაციული დეპარტამენტის მოხელეთა დამატებითი საკვალიფიკაციო მოთხოვნების დამტკიცების შესახებ” საქართველოს გარემოსა და ბუნებრივი რესურსების დაცვის მინისტრის 2014 წლის 4 მარტის №108 ბრძანებაში ცვლილების შეტანის თაობაზე
|
„ნორმატიული აქტების შესახებ“ საქართველოს კანონის მე-20 მუხლის მე-4 პუნქტის შესაბამისად, ვბრძანებ:
|
| მუხლი 1 |
„საქართველოს გარემოსა და ბუნებრივი რესურსების დაცვის სამინისტროს ადმინისტრაციული დეპარტამენტის მოხელეთა დამატებითი საკვალიფიკაციო მოთხოვნების დამტკიცების შესახებ“ საქართველოს გარემოსა და ბუნებრივი რესურსების დაცვის მინისტრის 2014 წლის 4 მარტის №108 ბრძანებით (სსმ, www.matsne.gov.ge, 04.03.2014 წ., სარეგისტრაციო კოდი: 360160000.22.023.01.6232) დამტკიცებულ საქართველოს გარემოსა და ბუნებრივი რესურსების დაცვის სამინისტროს ადმინისტრაციული დეპარტამენტის მოხელეთა დამატებით საკვალიფიკაციო მოთხოვნეbში შეტანილ იქნეს შემდეგი ცვლილებები:
|
1.
მე-2 მუხლის „ბ“ ქვეპუნქტი ჩამოყალიბდეს შემდეგი რედაქციით: „ბ) ადმინისტრაციულ/ფინანსურ სფეროში მუშაობის არანაკლებ 3-წლიანი გამოცდილება, მათ შორის ხელმძღვანელ თანამდებობაზე მუშაობის 1-წლიანი გამოცდილება, ასევე საჯარო სამსახურში მუშაობის გამოცდილება;“. |
2.
მე-3 მუხლის „ბ“ ქვეპუნქტი ჩამოყალიბდეს შემდეგი რედაქციით:
„ბ) სახელმწიფო შესყიდვების სფეროში მუშაობის არანაკლებ 2-წლიანი გამოცდილება, მათ შორის ხელმძღვანელ თანამდებობაზე მუშაობის გამოცდილება;“. |
3.
მე-4 მუხლის „ბ“ ქვეპუნქტი ჩამოყალიბდეს შემდეგი რედაქციით:
„ბ) სახელმწიფო შესყიდვების სფეროში მუშაობის არანაკლებ 1-წლიანი გამოცდილება;“ |
4.
მე-6 მუხლის „ბ“ ქვეპუნქტი ჩამოყალიბდეს შემდეგი რედაქციით:
„ბ) მატერიალურ-ტექნიკური უზრუნველყოფის სფეროში მუშაობის არანაკლებ 2-წლიანი გამოცდილება, მათ შორის ხელმძღვანელ თანამდებობაზე მუშაობის გამოცდილება და საჯარო სამსახურში მუშაობის არანაკლებ 1-წლიანი გამოცდილება;“. |
5.
მე-8 მუხლი ჩამოყალიბდეს შემდეგი რედაქციით:
,,ადმინისტრაციული დეპარტამენტის მატერიალურ-ტექნიკური უზრუნველყოფისა და ქსელის ადმინისტრირების სამმართველოს მთავარი სპეციალისტი უნდა აკმაყოფილებდეს შემდეგ საკვალიფიკაციო მოთხოვნებს: |
ა)
უმაღლესი განათლება; |
ბ)
ქსელის ადმინისტრირების სფეროში მუშაობის არანაკლებ 2-წლიანი გამოცდილება;
|
გ)
,,საჯარო სამსახურის შესახებ“ საქართველოს კანონის, საქართველოს მთავრობის 2013 წლის 26 აპრილის №98 დადგენილებით დამტკიცებული საქართველოს გარემოსა და ბუნებრივი რესურსების დაცვის სამინისტროს დებულების, საქართველოს გარემოსა და ბუნებრივი რესურსების დაცვის მინისტრის 2013 წლის 10 მაისის №4 ბრძანებით დამტკიცებული საქართველოს გარემოსა და ბუნებრივი რესურსების დაცვის სამინისტროს ადმინისტრაციული დეპარტამენტის დებულების, საქართველოს ფინანსთა მინისტრის 2010 წლის 23 ივლისის №605 ბრძანებით დამტკიცებული საბიუჯეტო ორგანიზაციებში ქონების, მოთხოვნებისა და ვალდებულებების ინვენტარიზაციის ჩატარების წესის ცოდნა;
|
დ)
კომპიუტერული პროგრამების, ოპერაციული სისტემების – MS Office –
სრულყოფილად ცოდნა; IT ინფრასტრუქტურული გარემოსა და სისტემების ცოდნა; Microsoft და Linux პროდუქტებთან მუშაობის ცოდნა და გამოცდილება; კომპიუტერული ქსელის (საკაბელო, საჰაერო) მუშაობის პრინციპების, ადმინისტრირების, მომსახურების ცოდნა და გამოცდილება; კომპიუტერული ქსელის დაგეგმვის, მოწყობის, უსაფრთხოების უზრუნველყოფისა და მონიტორინგის ცოდნა და გამოცდილება; კომპიუტერული მოწყობილობების, სისტემების, დამხმარე მოწყობილობების (პრინტერი, სკანერი, ასლგადამღები) მართვა-მომსახურების ცოდნა და გამოცდილება; კომპიუტერული ნაწილების (Hardware) საფუძვლიანი ცოდნა; სასურველი – Cissco-ს ქსელური მოწყობილობების ადმინისტრირების, კონფიგურაციის, მომსახურების ცოდნა და გამოცდილება; სატელეფონო სისტემა Karel-ის ადმინისტრირების ცოდნა და გამოცდილება; საკონფერენციო ციფრული აუდიო სისტემის Denish Interpretation Systems ადმინისტრირება-მართვის ცოდნა და გამოცდილება; კომპიუტერული პროგრამების, ოპერატიული სისტემების: Microsoft Windows Platforms, Linux Platforms და Karel Platforms –
ის ცოდნა.“.
|
6.
მე-10 მუხლის „ბ“ ქვეპუნქტი ჩამოყალიბდეს შემდეგი რედაქციით:
„ბ) ფინანსურ სფეროში მუშაობის არანაკლებ 2-წლიანი გამოცდილება, მათ შორის ხელმძღვანელ თანამდებობაზე მუშაობის გამოცდილება და საჯარო სამსახურში მუშაობის არანაკლებ 1-წლიანი გამოცდილება;“. |
7.
მე-13 მუხლის „ბ“ ქვეპუნქტი ჩამოყალიბდეს შემდეგი რედაქციით:
„ბ) ბუღალტრული აღრიცხვა-ანგარიშგების სფეროში მუშაობის არანაკლებ 2-წლიანი გამოცდილება, მათ შორის ხელმძღვანელ თანამდებობაზე მუშაობის გამოცდილება და საჯარო სამსახურში მუშაობის არანაკლებ 1-წლიანი გამოცდილება;“. |
8.
მე-16 მუხლის „ბ“ ქვეპუნქტი ჩამოყალიბდეს შემდეგი რედაქციით:
„ბ) მუშაობის არანაკლებ 2-წლიანი გამოცილება, მათ შორის ადამიანური რესურსების მართვის, საქმისწარმოებისა და ადმინისტრირების კუთხით ხელმძღვანელ თანამდებობაზე მუშაობის გამოცდილება და საჯარო სამსახურში მუშაობის არანაკლებ 1-წლიანი გამოცდილება; |
9.
მე-17 მუხლის „ბ“ ქვეპუნქტი ჩამოყალიბდეს შემდეგი რედაქციით:
„ბ) საჯარო სამსახურში ადამიანური რესურსების მართვის სფეროში მუშაობის არანაკლებ 1- წლიანი გამოცდილება;“ . |
10.
მე-18 მუხლის „ბ“ ქვეპუნქტი ჩამოყალიბდეს შემდეგი რედაქციით:
„ბ) საჯარო სამსახურში საქმისწარმოების სფეროში და/ან არქივარიუსად მუშაობის არანაკლებ 1- წლიანი გამოცდილება;“.
|
| მუხლი 2 |
ეს ბრძანება ამოქმედდეს გამოქვეყნებისთანავე. |
|
დოკუმენტის კომენტარები