„საქართველოს ეკონომიკისა და მდგრადი განვითარების სამინისტროს იურიდიული დეპარტამენტის დებულების დამტკიცების შესახებ“ საქართველოს ეკონომიკისა და მდგრადი განვითარების მინისტრის 2011 წლის 30 დეკემბრის №1-1/2779 ბრძანებაში ცვლილების შეტანის თაობაზე

1. მე-3 მუხლის მე-4 პუნქტის „ი“ ქვეპუნქტი ჩამოყალიბდეს შემდეგი რედაქციით:
„ი) სამინისტროს სახელით ხელს აწერს საქართველოს ყველა ინსტანციის სასამართლოში წარსადგენ განცხადებებს, სასარჩელო განცხადებებს, სააპელაციო, საკასაციო და კერძო საჩივრებს, სასამართლოებში და სსიპ „საჯარო რეესტრის ეროვნულ სააგენტოში“ წარმომადგენლობითი უფლებამოსილების მინიჭების მინდობილობებს“ .

2. მე-3 მუხლის მე-4 პუნქტს  დაემატოს შემდეგი შინაარსის „კ“ და „ლ“ ქვეპუნქტები:

„კ) სამინისტროს სახელით ხელს აწერს ადმინისტრაციული საჩივრის ადმინისტრაციულ წარმოებასთან დაკავშირებულ ინდივიდუალურ ადმინისტრაციულ სამართლებრივ აქტებს, მათ შორის, ადმინისტრაციული საჩივრის განხილვის შედეგად მიღებულ გადაწყვეტილებებს.

ლ) ასრულებს სამინისტროს დებულებით, ამ დებულებით და სხვა ნორმატიული აქტებით განსაზღვრულ ფუნქციებს, აგრეთვე მინისტრისა და შესაბამისი მინისტრის მოადგილის ცალკეულ დავალებებს.“.

3. მე-3 მუხლის მე-7 პუნქტი ჩამოყალიბდეს შემდეგი რედაქციით:

„7. დეპარტამენტის უფროსის მოადგილე უფლებამოსილია ხელი მოაწეროს/ ვიზირება გაუკეთოს დეპარტამენტში მომზადებულ, სამინისტროს სხვა სტრუქტურულ ქვედანაყოფებში გასაგზავნ კორესპონდენციას, აგრეთვე ხელი მოაწეროს ადმინისტრაციულ საჩივართან დაკავშირებით სამინისტროდან გამავალ კორესპონდენციას.“.