შეზღუდული პასუხისმგებლობის საზოგადოების „კორპორაცია სინოჰიდროს ფილიალი საქართველოში“ სასარგებლო წიაღისეულის მოპოვების ლიცენზიისგან გათავისუფლების თაობაზე

საქართველოს მთავრობის

განკარგულება №1819

2015 წლის 27 აგვისტო

ქ. თბილისი

შეზღუდული პასუხისმგებლობის საზოგადოების „კორპორაცია სინოჰიდროს ფილიალი საქართველოში“ სასარგებლო წიაღისეულის მოპოვების ლიცენზიისგან გათავისუფლების თაობაზე

       1. „სასარგებლო წიაღისეულის მოპოვების ლიცენზიის გაცემის წესისა და პირობების შესახებ დებულების დამტკი­ცების თაობაზე“ საქართველოს მთავ­რობის 2005 წლის 11 აგვისტოს №136 დადგენილებით დამტკი­ცე­ბული დებულების 7⁴ მუხლის საფუძველზე, სახელმწიფოებრივი და საზოგადოებრივი ინტერესების გათვალისწინებით, ქობულეთის შემოვლითი საავტომობილო გზის კმ 12+400 და კმ 31+259 მონაკვეთზე სამშენებლო სამუშაოების შეუფერხებლად განხორციელების მიზნით, შეზღუდული პასუხისმგებლობის საზოგადოება„კორპორაცია სინოჰიდროს ფილიალი საქართველოში“ გათავისუფლდეს სასარგებლო წიაღისეულის (საშენი მასალების) მო­პო­ვების ლიცენზიისგან სამი თვის ვადით და მიეცეს უფლება, ქობულეთის მუნიციპალიტეტის სოფ. ზედა სამების მიმდებარე ტერიტორიაზე მოიპოვოს 198 000 მ³ ქვიშახრეში, შემდეგი X და Y   კო­­ორ­დინა­ტების საზღვრებში:

2. შეზღუდული პასუხისმგებლობის საზოგადოება „კორპორაცია სინოჰიდროს ფილიალი საქართველოში“ ვალდებულია:

ა) უზრუნველყოს საქართველოს გარემოსა და ბუნებრივი რესურსების დაცვის სამინისტროს სსიპ − გარემოს ეროვნული სააგენტოს შესაბამისი საინჟინრო-გეოლოგიური დასკვნით (გეოსაინფორმაციო პაკეტი) განსაზ­ღვრული პირობების შესრულება;

ბ) მოპოვებული სასარგებლო წიაღისეული გამოიყენოს მხოლოდ ამ განკარგულების პირველი პუნქტით გათვალისწინებული მიზნისათვის;

გ) მოპოვებული 198 000 მ³ სასარგებლო წიაღისეულიდან 20 000 მ³ გამოიტანოს წიაღის მოპოვების ადგილიდან და შავი ზღვის სანაპირო ზოლის ნაპირდაცვითი ღონისძიებების განსახორციელებლად ჩაყაროს შემდეგ X-730393 და Y-4633923 კოორდინატების ფარგლებში;

დ) დებულების 7⁴ მუხლის 2¹ პუნქტის შესაბამისად, ამ განკარგულების პირველი პუნქტით გათვლისწინებული სასარგებლო წიაღისეულის მოპოვების ლიცენზიისაგან გათავისუფლებისათვის უზრუნველყოს საქართველოს სახელმწიფო ბიუჯეტში გადასახდელი განსხვავებული თანხის _ 150 400 (ას ორმოცდაათი ათას ოთხასი) ლარის გადახდა, ამ განკარგულების ძალაში შესვლიდან ერთი თვის ვადაში.

3. ამ განკარგულების მე-2 პუნქტის „გ“ ქვეპუნქტით გათვალისწინებული ვალდებულების შესრულება შეზღუდული პასუხისმგებლობის საზოგადოებას„კორპორაცია სინოჰიდროს ფილიალი საქართველოში“ ჩაეთვალოს „შპს კორპორაცია სინოჰიდროს ფილიალი საქართველოშის” სასარგებლო წიაღისეულის მოპოვების ლიცენზიისაგან გათავისუფლების თაობაზე“ საქართველოს მთავრობის 2014 წლის 16 ივნისის №1074 განკარგულების მე-2 პუნქტის „გ“ ქვეპუნქტით განსაზღვრული ვალდებულების შესრულებად.

4. შეზღუდული პასუხისმგებლობის საზოგადოების „კორპორაცია სინოჰიდროს ფილიალი საქართველოში“ მიერ ამ განკარგულების შესაბამისად ლიცენზიისაგან გათავისუფლების საფუძველზე მოპოვებული სასარგებლო წიაღისეულის მიზნობრივად გამოყენების ზედამხედველობა განახორციელოს საქართველოს გარემოსა და ბუნებრივი რესურსების დაცვის სამინისტროს სახელმწიფო საქვეუწყებო დაწესებულებამ − გარემოსდაცვითი ზედამხედველობის დეპარტამენტმა (შემდგომში − გარემოსდაცვითი ზედამხედველობის დეპარტამენტი).

5. შეზღუდული პასუხისმგებლობის საზოგადოებამ„კორპორაცია სინოჰიდროს ფილიალი საქართველოში“ სასარგებლო წიაღისეულის მოპოვების ვადის გასვლიდან ორი კვირის ვადაში გარემოსდაცვითი ზედამხედველობის დეპარტამენტში წარადგინოს ინფორმაცია მოპოვებული ბუნებრივი რესურსის ოდენობის შესახებ.

პრემიერ-მინისტრი       ირაკლი ღარიბაშვილი