დოკუმენტის სტრუქტურა
განმარტებების დათვალიერება
დაკავშირებული დოკუმენტები
დოკუმენტის მონიშვნები
საქართველოს პარლამენტისა და მუნიციპალიტეტის საკრებულოს შუალედური არჩევნების ერთდროულად გამართვის შემთხვევაში ზოგიერთი საარჩევნო პროცედურის განსაზღვრის შესახებ | |
---|---|
დოკუმენტის ნომერი | 37/2015 |
დოკუმენტის მიმღები | საქართველოს ცენტრალური საარჩევნო კომისია |
მიღების თარიღი | 31/08/2015 |
დოკუმენტის ტიპი | საქართველოს ცენტრალური საარჩევნო კომისიის დადგენილება |
გამოქვეყნების წყარო, თარიღი | ვებგვერდი, 01/09/2015 |
სარეგისტრაციო კოდი | 010190020.15.008.016201 |
|
საქართველოს პარლამენტისა და მუნიციპალიტეტის საკრებულოს შუალედური არჩევნების ერთდროულად გამართვის შემთხვევაში ზოგიერთი საარჩევნო პროცედურის განსაზღვრის შესახებ
|
საქართველოს ორგანული კანონის „საქართველოს საარჩევნო კოდექსი“ მე-14 მუხლის მე-3 პუნქტისა და 77-ე მუხლის მე-5 პუნქტის საფუძველზე, საქართველოს ცენტრალური საარჩევნო კომისია ადგენს:
|
მუხლი 1 |
საქართველოს პარლამენტისა და მუნიციპალიტეტის საკრებულოს შუალედური არჩევნების ერთდროულად გამართვის შემთხვევაში:
1. საქართველოს პარლამენტის შუალედური არჩევნებისათვის პარტიის საარჩევნო რეგისტრაცია, თუ ასეთი პარტია იმავდროულად მონაწილეობს საკრებულოს შუალედურ არჩევნებშიც, აღარ საჭიროებს საკრებულოს შუალედური არჩევნებისათვის საარჩევნო რეგისტრაციის გავლის ცალკე პროცედურებს. 2. პარტიას, რომელმაც რეგისტრაცია გაიარა ამ დადგენილების პირველი მუხლის მოთხოვნების შესაბამისად და შემდგომ უარს განაცხადებს/დაკარგავს შესაბამის შუალედური არჩევნებში მონაწილეობის უფლებას, გააუქმდება საარჩევნო რეგისტრაცია, მხოლოდ შესაბამისი შუალედური არჩევნების რეგისტრაციის ნაწილში. 3. ადგილობრივი და საერთაშორისო სადამკვირვებლო ორგანიზაციები, თუ ისინი რეგისტრაციას გაივლიან პარლამენტის შუალედური არჩევნებისათვის, საკრებულოს შუალედური არჩევნებისათვის დაკვირვების განსახორციელებლად, შესაბამისი საარჩევნო კომისიისათვის განცხადებით მიმართვის შემთხვევაში, აღარ საჭიროებენ ცალკე სარეგისტრაციო პროცედურებს. 4. პრესისა და მასობრივი ინფორმაციის საშუალებები, თუ ისინი აკრედიტაციას გაივლიან პარლამენტის შუალედური არჩევნებისათვის, საკრებულოს შუალედური არჩევნებისათვის აკრედიტაციისათვის აღარ საჭიროებენ ცალკე სააკრედიტაციო პროცედურებს. |
მუხლი 2 |
ეს დადგენილება შეიძლება გასაჩივრდეს თბილისის საქალაქო სასამართლოს ადმინისტრაციულ საქმეთა კოლეგიაში (მისამართი: ქ. თბილისი, დავით აღმაშენებლის ხეივანი, მე-12 კილომეტრი, №6) მისი მიღებიდან 2 კალენდარული დღის ვადაში.
|
მუხლი 3 |
ეს დადგენილება ამოქმედდეს გამოქვეყნებისთანავე.
|
|
დოკუმენტის კომენტარები