„საქართველოს სასჯელაღსრულებისა და პრობაციის სამინისტროს პენიტენციური დეპარტამენტის სტრუქტურული ერთეულის – სოციალური უზრუნველყოფის სამმართველოს დებულების დამტკიცების შესახებ“ საქართველოს სასჯელაღსრულებისა და პრობაციის მინისტრის 2015 წლის 10 აგვისტოს №85 ბრძანებაში ცვლილების შეტანის თაობაზე

1. ბრძანების პრეამბულა ჩამოყალიბდეს შემდეგი რედაქციით:

„საქართველოს სასჯელაღსრულებისა და პრობაციის სამინისტროს დებულების დამტკიცების შესახებ“ საქართველოს მთავრობის 2015 წლის 19 ივნისის №275 დადგენილებით დამტკიცებული დებულების მე-5 მუხლის მე-2 პუნქტის „ლ“ ქვეპუნქტის, მე-13 მუხლის მე-2 პუნქტისა და საქართველოს ზოგადი ადმინისტრაციული კოდექსის 61-ე მუხლის პირველი ნაწილის შესაბამისად,“.

2. ბრძანებით დამტკიცებული დებულების:

1. მე-2 მუხლის მე-2 პუნქტის ,,ზ“ ქვეპუნქტი ჩამოყალიბდეს შემდეგი რედაქციით:

,,ზ) კომპეტენციის ფარგლებში, ბრალდებულისათვის/მსჯავრდებულისათვის სასამართლო-სამედიცინო და სასამართლო-ფსიქიატრიული ექპერტიზის ჩატარებასთან დაკავშირებულ საქმისწარმოებაში მონაწილეობა;“.

2. მე-2 მუხლის მე-2 პუნქტს დაემატოს შემდეგი შინაარსის ,,ზ¹“ ქვეპუნქტი:

,,კომპეტენციის ფარგლებში განაჩენის აღსრულების გადავადებასთან დაკავშირებულ საქმისწარმოებაში მონაწილეობა, რომელიც უკავშირდება პენიტენციური დეპარტამენტის დირექტორის ინიციატივას საქართველოს სისხლის სამართლის საპროცესო კოდექსის 283-ე მუხლის შესაბამისად;“.