„კასპის მუნიციპალიტეტის 2015 წლის ადგილობრივი ბიუჯეტიდან სოციალური დახმარების გაცემის წესის დამტკიცების შესახებ“ კასპის მუნიციპალიტეტის საკრებულოს 2014 წლის 19 დეკემბრის №4 დადგენილებაში ცვლილების შეტანის თაობაზე

ა) დადგენილებით დამტკიცებულ წესს დაემატოს შემდეგი შინაარსის 5¹ მუხლი:

„მუხლი 5¹.  ფენილკეტონურიით დაავადებული ბავშვების დახმარება

1. ფენილკეტონურიით დაავადებული ბავშვების (0-დან-18 წლამდე) სოციალური დახმარება, სამკურნალო კვების პროდუქტების შესაძენად, გაიცემა ყოველთვიურად 100  ლარის ოდენობით

2. ამ მუხლით გათვალისწინებულმა პაციენტმა ან მისი ოჯახის სრულწლოვანმა წევრმა მუნიციპალიტეტში უნდა წარმოადგინოს:

ა) განცხადება მუნიციპალიტეტის გამგებლის სახელზე;

ბ) განმცხადებლის პირადობის მოწმობის ასლი;

გ) დახმარების მიმღების პირადობის მოწმობის ასლი, ხოლო არასრულწლოვანი პირის შემთხვევაში – დაბადების მოწმობის ასლი;

დ) ცნობა ჯანმრთელობის მდგომარეობის შესახებ (ფორმა №100);

ე) ყოველთვიურად სამკურნალო კვების პროდუქტების სარეალიზაციო ობიექტის მიერ გაცემული სათანადო წესით დამოწმებული ანგარიშფაქტურა.”;

ბ) დადგენილებით დამტკიცებული წესის 24-ე მუხლის 1-ლი პუნქტი ჩამოყალიბდეს შემდეგი რედაქციით:

„1. დაუშვებელია ამ წესით გათვალისწინებული დახმარების გაცემა იმ დაავადებათა მკურნალობაზე, რაზედაც ანალოგიური დახმარების გაცემა გათვალისწინებულია მოსახლეობის იმ ჯგუფისათვის, რომლებიც სახელმწიფო პროგრამის მიხედვით, ითვლებიან დახმარების მიმღებად, გარდა ამ წესის 1-ლი, 1¹, მე-2 და მე-7 მუხლებით გათვალისწინებული დაფინანსებისა.” .