„უმაღლესი და პროფესიული განათლების დამადასტურებელი სახელმწიფო დოკუმენტების – დიპლომისა და პროფესიული დიპლომის ფორმების დამტკიცების შესახებ“ საქართველოს განათლებისა და მეცნიერების მინისტრის 2011 წლის 22 ივლისის №126/ნ ბრძანებაში ცვლილების შეტანის თაობაზე

1. პირველი პუნქტით დამტკიცებული „უმაღლესი განათლების დამადასტურებელი სახელმწიფო დოკუმენტის  – დიპლომის ფორმის“(დანართი №1):

ა) მე-2 მუხლის:

ა.ა) პირველი პუნქტის „ბ“ ქვეპუნქტი ჩამოყალიბდეს შემდეგი რედაქციით:

„ბ) ულტრაიისფერი სხივების ქვეშ დიპლომის სახიან მხარეზე დასმული ნიშანი (ლოგო/გერბი), დიპლომის სერიისა და ინდივიდუალური ნომრის გამოსახულება უნდა გამოსცემდეს ლუმინესცენციას;“

ა.ბ) მე-5 პუნქტის „გ“ ქვეპუნქტი ჩამოყალიბდეს შემდეგი რედაქციით:

„გ) დაწესებულების ლოგო/გერბი (ასეთის არსებობის შემთხვევაში);“;

ა.გ) 7³ პუნქტის „ბ“ ქვეპუნქტი ჩამოყალიბდეს შემდეგი რედაქციით:

„ბ) საქართველოს საპატრიარქოს ლოგო/გერბი (ასეთის არსებობის შემთხვევაში);“;

ბ) მე-5 მუხლს დაემატოს შემდეგი შინაარსის მე-9 პუნქტი:

„9. 2016 წლის პირველ იანვრამდე გაცემულ დიპლომზე ამ დანართის მე-2 მუხლის მე-5 პუნქტის „ბ“ ქვეპუნქტითა და 6² პუნქტის „ა“ ქვეპუნქტით გათვალისწინებული დაწესებულების სრული სახელწოდება შესაძლებელია, მიეთითოს ორგანიზაციულ-სამართლებრივი ფორმის მითითების გარეშეც.“.

2. მე-2 პუნქტით დამტკიცებული „პროფესიული განათლების დამადასტურებელი სახელმწიფო დოკუმენტის – პროფესიული დიპლომის ფორმის“ (დანართი №2):

ა) მე-2 მუხლის:

ა.ა) პირველი პუნქტის „ბ“ ქვეპუნქტი ჩამოყალიბდეს შემდეგი რედაქციით:

„ბ) ულტრაიისფერი სხივების ქვეშ პროფესიული დიპლომის სახიან მხარეზე დასმული ნიშანი (ლოგო/გერბი), დიპლომის სერიისა და ინდივიდუალური ნომრის გამოსახულება უნდა გამოსცემდეს ლუმინესცენციას.“;

ა.ბ) მე-5 პუნქტის „გ“ ქვეპუნქტი ჩამოყალიბდეს შემდეგი რედაქციით:

„გ) დაწესებულების ლოგო/გერბი (ასეთის არსებობის შემთხვევაში);“;

 ბ) მე-4 მუხლის შემდეგ დაემატოს შემდეგი შინაარსის მე-5 მუხლი:

 „მუხლი 5. გარდამავალი დებულებები

2016 წლის პირველ იანვრამდე გაცემულ პროფესიულ დიპლომზე ამ დანართის მე-2 მუხლის მე-5 პუნქტის „ბ“ ქვეპუნქტით გათვალისწინებული დაწესებულების სრული სახელწოდება შესაძლებელია, მიეთითოს ორგანიზაციულ-სამართლებრივი ფორმის მითითების გარეშეც.“ .