შპს „კასლეთი 2-ისთვის“ სახელმწიფო ტყის ფონდით სპეციალური დანიშნულებით სარგებლობის ვადის განსაზღვრის შესახებ

საქართველოს მთავრობის

განკარგულება №166 5

2015 წლის 30 ივლისი

ქ. თბილისი

შპს „კასლეთი 2-ისთვის“ სახელმწიფო ტყის ფონდით სპეციალური დანიშნულებით სარგებლობის ვადის განსაზღვრის შესახებ

საქართველოს ტყის კოდექსის 52-ე მუხლის, „ტყითსარგებლობის წესის დამტკიცების შესახებ“ საქართველოს მთავრობის 2010 წლის 20 აგვისტოს №242 დადგენილებით დამტკიცებული წესის 27¹  მუხლის პირველი პუნქტის „ა“ ქვეპუნქტისა და 27⁴ მუხლის მე-5 პუნქტის შესაბამისად:

1. მესტიის მუნიციპალიტეტში „კასლეთი 2“ ჰესის ჰიდროკვანძების: მილსადენის, მისასვლელი გზისა და ელექტროგადამცემი კომუნიკაციების განთავსების მიზნით, სსიპ − ეროვნული სატყეო სააგენტოს (შემდგომში − სააგენტო) მართვას დაქვემდებარებულ, სამეგრელო-ზემო სვანეთის სატყეო სამსახურის, ხაიშის სატყეო უბანში მდებარე 20 678 კვ.მ მიწის ფართობზე (დანართი) (ხე-მცენარეების ჭრის უფლებით), სპეციალური დანიშნულებით სარგებლობის ვადა შპს „კასლეთი 2-ს“ (ს/ნ 406107118) განესაზღვროს 49 (ორმოცდაცხრა) წლით.

2. შპს „კასლეთი 2“ ვალდებულია, სახელმწიფო ტყის ფონდით სპეციალური დანიშნულებით სარგებლობისთვის, საკომპენსაციო ღონისძიების სახით, სააგენტოს მართვას დაქვემდებარებულ სამეგრელო-ზემო სვანეთის სატყეო სამსახურის, ხაიშის სატყეო უბნის ხაიშის სატყეოს №25 კვარტლის №18 ლიტერში, სპეციალური დანიშნულებით სარგებლობას დაქვემდებარებულ ტოლფას ფართობზე (20 678 კვ.მ) 2015 წლის 15 ოქტომბრიდან 15 ნოემბრამდე უზრუნველყოს ტყის აღდგენის ღონისძიება − ბუნებრივი განახლების ხელშეწყობა (შეღობვით).

 პრემიერ-მინისტრი  ირაკლი ღარიბაშვილი