საქართველოს მთავრობას, სს „საქართველოს ნავთობისა და გაზის კორპორაციასა“ და Azerbaijan Gas Supply Company Limited-ს შორის დასადები ხელშეკრულების თაობაზე

საქართველოს მთავრობის

განკარგულება №1657

2015 წლის 30 ივლისი

ქ. თბილისი

საქართველოს მთავრობას, სს „საქართველოს ნავთობისა და გაზის კორპორაციასა“ და Azerbaijan Gas Supply Company Limited-ს შორის დასადები ხელშეკრულების თაობაზე

1. „უცხოელი კონტრაჰენტების მონაწილეობით ხელშეკრულებების გაფორმებასთან დაკავშირებულ ზოგიერთ ღონისძიებათა შესახებ“ საქართველოს მთავრობის 2010 წლის 11 მაისის №139 დადგენილების შესაბამისად, მოწონებულ იქნეს საქართველოს მთავრობას, სს „საქართველოს ნავთობისა და გაზის კორპორაციასა“ და Azerbaijan Gas Supply Company Limited-ს შორის დასადები ხელშეკრულების პროექტი.

2. ხელშეკრულების პროექტის შესაბამისად, დამატებითი გაზის ყიდვა-გაყიდვის შესახებ ხელშეკრულების მე-20 მუხლის აღიარების და დადასტურების მიზნით, ხელშეკრულებას, საქართველოს მთავრობის სახელით, ხელი მოაწეროს საქართველოს ენერგეტიკის მინისტრმა კახა კალაძემ.

3. პირველი პუნქტით გათვალისწინებული ინფორმაცია, საქართველოს ზოგადი ადმინისტრაციული კოდექსის 27² მუხლის მე-3 ნაწილის შესაბამისად, მიჩნეულ იქნეს კომერციულ საიდუმლოებად.

პრემიერ-მინისტრი ი. ღარიბაშვილი