შეზღუდული პასუხისმგებლობის საზოგადოება „ფოთის ამიაკის ტერმინალისათვის“ სახელმწიფო საკუთრებაში არსებული უძრავი ქონების აღნაგობის უფლებით და ხაზოვანი ნაგებობის იჯარის უფლებით გადაცემაზე თანხმობის მიცემის შესახებ

საქართველოს მთავრობის

განკარგულება №1621

2015 წლის 23 ივლისი

ქ. თბილისი

შეზღუდული პასუხისმგებლობის საზოგადოება „ფოთის ამიაკის ტერმინალისათვის“ სახელმწიფო საკუთრებაში არსებული უძრავი ქონების აღნაგობის უფლებით და ხაზოვანი ნაგებობის იჯარის უფლებით გადაცემაზე თანხმობის მიცემის შესახებ

1. „სახელმწიფო ქონების შესახებ“ საქართველოს კანონის 36-ე მუხლის მე-2 პუნქტის შესაბამისად, მიეცეს თანხმობა საქართველოს ეკონომიკისა და მდგრადი განვითარების სამინისტროს სისტემაში შემავალ სსიპ - სახელმწიფო ქონების ეროვნულ სააგენტოს:

ა) სახელმწიფო საკუთრებაში არსებული, ამ განკარგულების დანართში მითითებული არასასოფლო-სამეურნეო დანიშნულების მიწის ნაკვეთები, შესაბამისი ხელშეკრულების გაფორმებიდან 49 წლის ვადით, უსასყიდლო აღნაგობის უფლებით გადაეცეს შპს „ფოთის ამიაკის ტერმინალს“ (ს/კ 401991555);

ბ) ამ განკარგულების მე-4 პუნქტის „ბ“ ქვეპუნქტით გათვალისწინებული ხაზოვანი ნაგებობა - სარკინიგზო ჩიხი (ხაზი), სს „საქართველოს რკინიგზის“ მიერ ამავე ქვეპუნქტით განსაზღვრული პირობის შესრულებიდან არა უგვიანეს 1 (ერთი) თვის ვადაში, ამ პუნქტის „ა“ ქვეპუნქტით განსაზღვრულ უძრავ ქონებაზე შპს „ფოთის ამიაკის ტერმინალის“ აღნაგობის უფლების მოქმედების დარჩენილი ვადით, იჯარის უფლებით, სარგებლობაში გადაცემის წლიურ საფასურად - 155 000 (ას ორმოცდათხუთმეტი ათასი) ლარად გადაეცეს შპს „ფოთის ამიაკის ტერმინალს“ (ს/კ 401991555).

2. ამ განკარგულების პირველი პუნქტის „ა“ ქვეპუნქტით გათვალისწინებული უძრავი ქონების აღნაგობის უფლებით გადაცემის პირობად განისაზღვროს შესაბამისი ხელშეკრულების გაფორმებიდან არა უმეტეს 30 (ოცდაათი) თვის ვადაში პირადად ან/და მესამე პირ(ებ)ის მეშვეობით:

ა) ამ განკარგულების პირველი პუნქტის „ა“ ქვეპუნქტით გათვალისწინებულ უძრავ ქონებაზე ან/და მის ნაწილზე სასაწყობე მეურნეობის (მოცულობით არანაკლებ 30 000 ტონა თხევადი ტვირთის ტევადობის საცავ(ებ)ი/ავზ(ებ)ი) და ინფრასტრუქტურის შექმნა (რომელიც მოიცავს (მაგრამ არ შემოიფარგლება) ტერიტორიის შემოღობვას, სანიაღვრე გზ(ებ)ის გაყვანას, სამანქანე გზ(ებ)ის მოწყობას, წყლის, ბუნებრივი აირის და ელექტროენერგიის მომარაგების სისტემის გამართვას, სარკინიგზო ხაზ(ებ)ის მოწყობას);

ბ) ამ განკარგულების პირველი პუნქტის „ა“ ქვეპუნქტით გათვალისწინებულ უძრავ ქონებაზე ან/და მის ნაწილზე ნავმისადგომის შექმნა;

გ) №04.01.07.719 საკადასტრო კოდით რეგისტრირებული ჰიდროტექნიკური ნაგებობის (დამცავი მოლო) აღდგენის მიზნით, სარეკონსტრუქციო/სამშენებლო სამუშაოების განხორციელება;

დ) ამ პუნქტის „ა-გ“ ქვეპუნქტებით ნაკისრი ვალდებულების შესრულების მიზნით, არანაკლებ 20 000 000 (ოცი მილიონი) აშშ დოლარის ინვესტიციის განხორციელება;

ე) ამ განკარგულების მე-4 პუნქტის „ბ“ ქვეპუნქტით გათვალისწინებული ხარჯთაღრიცხვის მიღების დღიდან არა უგვიანეს 1 (ერთი) თვის ვადაში, ამავე პუნქტის „ა“ ქვეპუნქტით გათვალისწინებული სარკინიგზო ჩიხის (ხაზის) შესაქმნელად (მათ შორის პროექტირება და მშენებლობა) გაწეული დანახარჯების (არა უმეტეს 2 400 000 ლარის ოდენობით) სს „საქართველოს რკინიგზისათვის“ სრულად ანაზღაურება.

3. შპს „ფოთის ამიაკის ტერმინალი“ ვალდებულია, ამ განკარგულების მე-2 პუნქტით გათვალისწინებული სარგებლობის პირობების შესრულების უზრუნველყოფის მიზნით (მათ შორის ვალდებულებ(ებ)ის შეუსრულებლობისათვის შესაბამისი ხელშეკრულების საფუძველზე დაკისრებული პირგასამტეხლოს გადახდის უზრუნველსაყოფად), შესაბამისი ხელშეკრულების გაფორმებამდე წარადგინოს განსახორციელებელი ინვესტიციის არანაკლებ 5%-ის ოდენობის უპირობო და გამოუხმობი საბანკო გარანტია, რომლის ვადაც საინვესტიციო ვალდებულების შესრულების ვადას უნდა აღემატებოდეს არანაკლებ 4 (ოთხი) თვით.

4. ეთხოვოს სს „საქართველოს რკინიგზას“:

ა) ამ განკარგულების პირველი პუნქტის საფუძველზე, შესაბამისი ხელშეკრულების გაფორმებიდან არა უგვიანეს 8 (რვა) თვის ვადაში, კანონმდებლობით დადგენილი წესით, სახელმწიფო საკუთრებად რეგისტრაციის მიზნით, უზრუნველყოს ამ განკარგულების პირველი პუნქტის „ა“ ქვეპუნქტით გათვალისწინებულ უძრავ ქონებასთან (ობიექტთან) დასაკავშირებელი ხაზოვანი ნაგებობის - სარკინიგზო ჩიხის (ხაზის) პროექტირება და მშენებლობა;

ბ) ამ პუნქტის „ა“ ქვეპუნქტით გათვალისწინებული ხაზოვანი ნაგებობის - სარკინიგზო ჩიხის (ხაზის) მშენებლობის დასრულებიდან არა უგვიანეს 1 (ერთი) თვის ვადაში უზრუნველყოს სარკინიგზო ჩიხის (ხაზის) პროექტირებისა და მშენებლობისთვის გაწეული სამუშაოების დეტალური ხარჯთაღრიცხვის (რომელიც არ უნდა აღემატებოდეს 2 400 000 ლარს) წარდგენა სსიპ - სახელმწიფო ქონების ეროვნული სააგენტოსა და შპს „ფოთის ამიაკის ტერმინალისათვის“.

5. საქართველოს ეკონომიკისა და მდგრადი განვითარების სამინისტროს სისტემაში შემავალმა სსიპ - სახელმწიფო ქონების ეროვნულმა სააგენტომ, ამ განკარგულების შესრულების მიზნით, უზრუნველყოს კანონმდებლობით გათვალისწინებული ღონისძიების განხორციელება.

პრემიერ-მინისტრი ი. ღარიბაშვილი