საქართველოს მთავრობის სარეზერვო ფონდიდან შერიგებისა და სამოქალაქო თანასწორობის საკითხებში საქართველოს სახელმწიფო მინისტრის აპარატისათვის თანხის გამოყოფის შესახებ

საქართველოს მთავრობის

განკარგულება №1616

2015 წლის 23 ივლისი

ქ. თბილისი

საქართველოს მთავრობის სარეზერვო ფონდიდან შერიგებისა და სამოქალაქო თანასწორობის საკითხებში საქართველოს სახელმწიფო მინისტრის აპარატისათვის თანხის გამოყოფის შესახებ

სამოქალაქო თანასწორობის და ინტეგრაციის სტრატეგიითა და 2015-2020 წლების სამოქმედო გეგმით განსახორციელებელი ღონისძიებების ფარგლებში, არაქართულენოვანი გაზეთების: „ვრასტანისა“ და „გურჯისტანის“ ფუნქციონირების ხელშეწყობის მიზნით, საქართველოს ფინანსთა სამინისტრომ „საქართველოს 2015 წლის სახელმწიფო ბიუჯეტის შესახებ“ საქართველოს კანონით გათვალისწინებული საქართველოს მთავრობის სარეზერვო ფონდიდან შერიგებისა და სამოქალაქო თანასწორობის საკითხებში საქართველოს სახელმწიფო მინისტრის აპარატს გამოუყოს 120 000 (ას ოცი ათასი) ლარი, მათ შორის:

ა) გაზეთ „ვრასტანის“ ფინანსური მხარდაჭერისათვის − 60 000 (სამოცი ათასი) ლარი;

ბ) გაზეთ „გურჯისტანის“ ფინანსური მხარდაჭერისათვის − 60 000 (სამოცი ათასი) ლარი.

პრემიერ-მინისტრი ი. ღარიბაშვილი