საერთაშორისო დავების გადაწყვეტისა და ინვესტიციების სფეროში ტრენინგის მომსახურების სახელმწიფო შესყიდვის გამარტივებული შესყიდვის საშუალებით განხორციელების შესახებ

საქართველოს მთავრობის

 განკარგულება №1648

2015 წლის 30 ივლისი

 ქ. თბილისი

საერთაშორისო დავების გადაწყვეტისა და ინვესტიციების სფეროში ტრენინგის მომსახურების სახელმწიფო შესყიდვის გამარტივებული შესყიდვის საშუალებით განხორციელების შესახებ

„სა­ხელ­მწიფო შესყიდვების შესახებ“ საქართველოს კანონის 10¹ მუხ­­ლის მე-3 პუნქტის „დ“ ქვეპუნქტისა და „გამარტივებული შესყიდვის, გამარტივებული ელექტრონული ტენდერისა და ელექტრონული ტენდერის ჩატარების წესის დამტკიცების შესახებ“ სსიპ - სახელმწიფო შესყიდვების სააგენტოს თავმჯდომარის 2011 წლის 7 აპრილის №9 ბრძანებით დამტკიცებული წესის მე-19 მუხლის მე-12 პუნქტის საფუძველზე:

1. საქართველოს იუსტიციის სამინისტროს მმართველობის სფეროში მოქმედი სსიპ - საქართველოს იუსტიციის სასწავლო ცენტრის მიერ „Omnia Strategy LLP“-საგან საერთაშორისო დავების გადაწყვეტისა და ინვესტიციების სფეროში ტრენინგის მომსახურების სახელმწიფო შესყიდვა განხორციელდეს კანონმდებლობით ნებადართული შემოსავლებიდან გამარტივებული შესყიდვის საშუალებით.

2. საერთაშორისო დავების გადაწყვეტისა და ინვესტიციების სფეროში საქართველოს იუსტიციის სამინისტროს მმართველობის სფეროში მოქმედი სსიპ - საქართველოს იუსტიციის სასწავლო ცენტრის მიერ ორგანიზებული ტრენინგის მომსახურების სახელმწიფო შესყიდვა შემსყიდველმა ორგანიზაციებმა განახორციელონ „საქართველოს 2015 წლის სახელმწიფო ბიუჯეტის შესახებ“ საქართველოს კანონის შესაბამისად, მათთვის გათვალისწინებული ასიგნებიდან ან/და კანონმდებლობით ნებადართული შემოსავლებიდან გამარტივებული შესყიდვის საშუალებით.

3. ამ განკარგულების პირველი პუნქტით გათვალისწინებულ სახელმწიფო შესყიდვასთან დაკავშირებით, არ გავრცელდეს „გამარტივებული შესყიდვის, გამარტივებული ელექტრონული ტენდერისა და ელექტრონული ტენდერის ჩატარების წესის დამტკიცების შესახებ“ სსიპ - სახელმწიფო შესყიდვების სააგენტოს თავმჯდომარის 2011 წლის 7 აპრილის №9 ბრძანებით დამტკიცებული წესის მე-19 მუხლის მე-6, მე-7 პუნქტებითა და 21-ე მუხლით დადგენილი მოთხოვნები.

პრემიერ-მინისტრი ი. ღარიბაშვილი