„საქართველოს ოკუპირებული ტერიტორიებიდან იძულებით გადაადგილებულ პირთა, განსახლებისა და ლტოლვილთა სამინისტროს ადმინისტრაციული დეპარტამენტის დებულების დამტკიცების შესახებ“ საქართველოს ოკუპირებული ტერიტორიებიდან იძულებით გადაადგილებულ პირთა, განსახლებისა და ლტოლვილთა მინისტრის 2013 წლის 28 მარტის №68 ბრძანებაში ცვლილების შეტანის შესახებ

1. დებულების მე-2 მუხლის პირველ პუნქტს დაემატოს შემდეგი შინაარსის „ლ) - ნ)“ ქვეპუნქტები:

„ლ) სამინისტროს სისტემაში ანალიტიკური საქმიანობის განხორციელება;

მ) სამინისტროს საქმიანობის  ანგარიშების მომზადება, სამინისტროს საქმიანობასთან დაკავშირებული სტატისტიკური ინფორმაციისა და მონაცემთა დამუშავება/განზოგადება და სისტემატიზაციის უზრუნველყოფა და სტრატეგიულ-პოლიტიკური დოკუმენტების შემუშავება;

ნ) სამინისტროს სისტემის განვითარების მიზნით სამოქმედო გეგმების შემუშავება;“.

2. დებულების მე-4 მუხლის პირველი პუნქტს დაემატოს შემდეგი შინაარსის „გ“ ქვეპუნქტი:

„გ) პოლიტიკისა და ანალიტიკის სამმართველო.“.

3. დებულების მე-4 მუხლს დაემატოს შემდეგი შინაარსის მე-8 პუნქტი:

„8. პოლიტიკისა და ანალიტიკის სამმართველოს ძირითადი ამოცანები და ფუნქციებია:

ა) სამინისტროს სისტემაში ანალიტიკური საქმიანობის განხორციელება;

ბ) სამინისტროს საქმიანობასთან დაკავშირებული სტრატეგიულ-პოლიტიკური დოკუმენტების შემუშავება;

გ) სამინისტროს საქმიანობასთან დაკავშირებული სტატისტიკური ინფორმაციისა და მონაცემთა დამუშავება/განზოგადება და სისტემატიზაციის უზრუნველყოფა;

დ) სამინისტროს სისტემის განვითარების მიზნით სამოქმედო გეგმების შემუშავება;

ე) სამინისტროს საქმიანობის ანგარიშების მომზადება და კანონმდებლობით დადგენილი წესით სახელმწიფო დაწესებულებების, ორგანიზაციებისა და დაინტერესებული პირებისათვის მიწოდება;

ვ) სამინისტროს წინაშე არსებული გამოწვევებისა და რისკების შესწავლა, ანალიზი, განზოგადება და სათანადო დასკვნების, წინადადებებისა და რეკომენდაციების მომზადება;

ზ) კომპეტენციის ფარგლებში, მინისტრის სამართლებრივი აქტების პროექტების მომზადება და მინისტრის ცალკეულ დავალებათა შესრულების უზრუნველყოფა;

თ) სხვა დავალებების შესრულება.“.