„საქართველოს სასაზღვრო გამტარ პუნქტებში, აეროპორტებში, ნავსადგურებსა და საზღვაო სივრცეში ბირთვულ და რადიოაქტიურ ნივთიერებათა აღმოჩენისას განგაშზე ერთობლივი მოქმედების წესის დამტკიცების შესახებ“ საქართველოს მთავრობის 2010 წლის 24 დეკემბრის №397 დადგენილებაში ცვლილების შეტანის თაობაზე

1. მე-2 მუხლის პირველი პუნქტის:

ა) „გ“ ქვეპუნქტი ჩამოყალიბდეს შემდეგი რედაქციით:

„გ) სპეციალისტი – საქართველოს შინაგან საქმეთა სამინისტროს,  საქართველოს სახელმწიფო უსაფრთხოების სამსახურის უფლებამოსილი ორგანოს თანამშრომელი და საგადასა­ხადო ორ­განოს თანამშრომელი, რომელსაც გავლილი აქვს შე­სა­ბამისი სწავ­ლება რადი­ო­აქტიურ კონტროლს დაქვემდება­რე­ბულ საქონელთან მუშაობის მიმართულებით და აქვს მისი აღმომჩენი ხელ­საწყოსა და იდენტი­ფი­კა­ტორის მოხმარების შესაბამისი კვა­ლიფი­კაცია;“;       

ბ) „გ“ ქვეპუნქტის შემდეგ დაემატოს შემდეგი შინაარსის „გ¹“ ქვეპუნქტი:

„გ¹)  ცგს-ის ოპერატორი – საქართველოს შინაგან საქმეთა სამინისტროს უფლებამოსილი ორგანოს თანამშრომელი და საგადასახადო ორგანოს თანამშრომელი, რომელსაც გავლილი აქვს შესაბამისი სწავლება რადიოაქტიურ კონტროლს დაქვემდებარებულ საქონელთან მუშაობის მიმართულებით და აქვს მისი აღმომჩენი ხელსაწყოებისა და იდენტიფიკატორის მოხმარების შესაბამისი კვალიფიკაცია და რადიაციული განგაშის შემთხვევაში ახორციელებს კანონმდებლობით განსაზღვრულ ღონისძიებებს;“;

გ) „ზ“ ქვეპუნქტი ჩამოყალიბდეს შემდეგი რედაქციით:

„ზ) დროებითი სადგომი – სასაზღვრო გამტარი პუნქტის ტე­რი­ტო­რიაზე, საქართველოს საგადასახადო კოდექსით გათვა­ლის­წინებულ საბაჟო კონტროლის ზონაში, აეროპორტებსა და ნავსა­დ­გუ­რებში სპე­ციალურად გამოყოფილი ადგილი, სადაც შესაძლე­ბე­ლია რადი­ოაქტიურ კონტროლს დაქვემდებარებული საქონლის (მათ შორის, ბარგის, ხელბარგის) ან/და მისი გადამტანი ან შემც­ველი სატ­რანსპორტო საშუალებების დროებით უსაფრთხო გან­თავ­სება საქონლისა და სატრანსპორტო საშუალების შემდგომ იზო­ლირებამდე ან მათ მიმართ კანონმდებლობით განსაზღვრული სხვა შე­საბამისი ღონისძიებების გატარებამდე. დროებითი სადგო­მის ად­გილს განსაზღვრავს საქართველოს შინაგან საქმეთა სამი­ნის­ტროს, საქართველოს სახელმწიფო უსაფრთხოების სამსახურის უფლებამოსილი ორგანო საქართველოს გარემოს დაც­ვისა და ბუნებრივი რესურსების სამინისტროს ბირთვული და რა­დია­ციული უსაფრთხოების დეპარტამენტთან და საქართველოს ფი­ნანს­თა სამინისტროს საჯარო სამართლის იურიდიულ პირთან − შემოსავ­ლების სამსახურთან (შემდგომში – შემოსავლების სამსა­ხური) შეთანხმებით;“.

2. მე-3 მუხლის „ა“ ქვეპუნქტი  ჩამოყალიბდეს შემდეგი რედაქციით:

„ა) საქართველოს შინაგან საქმეთა სამი­ნის­ტროსა და საქართველოს სახელმწიფო უსაფრთხოების სამსახურის უფლება­მო­სილი დანაყოფები;“.

3. მე-4 მუხლის:

ა) პირველი პუნქტი ჩამოყალიბდეს შემდეგი რედაქციით:

„1. საქართველოს შინაგან საქმეთა სამი­ნის­ტრო, საქართველოს სახელმწიფო უსაფრთხოების სამსახური, საგადასა­ხადო ორ­განო, აეროპორტების საავიაციო უშიშროებისა და ნავსა­­დგურების უსაფრთხოების დაცვის სამსახურები, თავიანთი კომპე­ტენ­­ციის ფარგ­ლებში, ახორციელებენ საქართველოს სასაზღვრო გამ­ტარ პუნქტებზე ბირთვული და რადიოაქტიური ნივთიერების აღმო­ჩენას, შე­ჩერებასა და რეაგირებისათვის საჭირო სხვა ღონის­ძიე­ბების გატა­რებას.“;

ბ)   მე-3 პუნქტი ჩამოყალიბდეს შემდეგი რედაქციით:

„3. რადიოაქტიური ნივთიერებების აღმომჩენი სისტემისა და აპარატურის გამართულ მუშაობასა და ტექნიკურ მომსახურებას უზრუნველყოფს საქართველოს სახელმწიფო უსაფრთხოების სამსახურის ოპერატიულ-ტექნიკური დეპარტამენტი და/ან სხვა შესაბამისი დანაყოფი.“;

გ) მე-4 პუნქტის „ა − გ“ ქვეპუნქტები ჩამოყალიბდეს შემდეგი რედაქციით:

„ა) საქართველოს სახელმწიფო უსაფრთხოების სამსახურის        უფლება­მო­სილი ორგანო ახორციელებს ბირთვული და რადიოაქტიური    ნივ­თიერებების აღმომჩენი სისტემებისა და აპარატურის კალიბრაციას და, საჭიროების შემთხვევაში, იწვევს ფიზიკის ინსტიტუტის ან სხვა შესაბამისი ორგანოს/დაწესებულების წარმომადგენლებს, ან მიმართავს შესაბამის ლაბორატორიას;

ბ) საქართველოს სახელმწიფო უსაფრთხოების სამსახური უზრუნველ­ყოფს რადიოაქტიური წყაროების შენახვასა და გამოყენებას,   საჭი­როების შემთხვევაში, იყენებს ფიზიკის ინსტიტუტის ან/და სხვა შე­საბამისი ორგანოს/დაწესებულების რესურსებს, რაზეც შესაბა­მის ზედამხედველობას ახორციელებს ბირთვული და რადია­ციული უსაფრ­თხოების სამსახური;

გ) ბირთვული და რადიაციული უსაფრთხოების დეპარტამენტი ვალ­დებულია, მიაწოდოს მონაცემები საქართველოს შინაგან საქმეთა სამი­ნის­ტროს, საქართველოს სახელმწიფო უსაფრთხოების სამსახურის უფლებამოსილ ორგანოსა და საგადასახადო ორგანოს ცალკეული კატეგორიის საქონლის რადიაციული ფონის ზღვ­რული სანიტარიული ნორმების თაობაზე, რომლებიც გამოთვ­ლილი იქ­ნება საქონლის სხვადასხვა მოცულობით (წონით) პარა­მეტ­რებზე გადაანგარიშებით;“.

4. მე-5 მუხლის მე-4 პუნქტი ჩამოყალიბდეს შემდეგი რედაქციით:

  „4. რადიოაქტიურ კონტროლს დაქვემდებარებული საქონლის აღ­­მოჩენის, შეფასების, რეაგირების, გაუვნებელყოფის, შეფუთვის, ტრანსპორტირების, იზოლირებისა და შენახვის საერთო მო­ნიტო­რინგს, კომპეტენციის ფარგლებში, ახორციელებს საქართველოს შინაგან საქმეთა სამი­ნის­ტრო და საქართველოს სახელმწიფო უსაფრთხოების სამსახური.“.

5. მე-8 მუხლის:

ა) მე-11და მე-12 პუნქტები ჩამოყალიბდეს შემდეგი რედაქციით:

„11. დროებით სადგომზე განთავსებული სატრანსპორტო საშუალება/საქონელი შემოსაზღვრულ უნდა იქნეს სპეციალური დამცავი ბარიერით ან ლენტით, საზღვრები მარკირებული უნდა იყოს რადიოაქტიურობის გამაფრთხილებელი ნიშნებით და იმყოფებოდეს დაცვის ქვეშ. ზონა უნდა იყოს შემოფარგლული იმგვარად, რომ მის გარეთ რადიაციული ფონი არ უნდა აღემატებოდეს ბუნებრივ რადიაციულ ფონს და, შეძლებისდაგვარად, განთავსებულ უნდა იქნეს აქტიური სამოქმედო ტერიტორიიდან მოშორებით. საჭიროების შემთხვევაში, შემმოწმებელი ჯგუფი უფლებამოსილია, მოითხოვოს საქონლისა და სატრანსპორტო საშუალების განთავსება ნებისმიერ ახლომდებარე ტერიტორიაზე ან საწყობში, მხოლოდ საქართველოს სახელმწიფო უსაფრთხოების სამსახურის და საქართველოს შინაგან საქმეთა სამინისტროს მმართველობის სფეროში მოქმედ საჯარო სამართლის იურიდიულ პირთან − საგანგებო სიტუაციების მართვის სააგენტოსთან წინასწარი შეთანხმებით.

 12. განგაშის დადასტურების შესახებ ინფორმაციას ცგს-ის ოპერატორი დაუყოვნებლივ აცნობებს საქართველოს სახელმწიფო უსაფრთხოების სამსახურის შესაბამის დანაყოფსა და საქართველოს შინაგან საქმეთა სამინისტროს საინფორმაციო-ანალიტიკური დეპარტამენტის შესაბამის დანაყოფს, საქართველოს შინაგან საქმეთა სამინისტროს მმართველობის სფეროში მოქმედ საჯარო სამართლის იურიდიულ პირს − საგანგებო სიტუაციების მართვის სააგენტოს, ბირთვული და რადიაციული უსაფრთხოების დეპარტამენტსა და ერთიან სატრანსპორტო ადმინისტრაციას.“;

ბ) მე-15 პუნქტი ჩამოყალიბდეს შემდეგი რედაქციით:

„15. ბირთვული და რადიაციული უსაფრთხოების დეპარტამენტის მიერ გატარებული ღონისძიებები, მათ შორის,  ბირთვული და რა­დი­ოაქტიური ნივთიერების გადაზიდვის მარშრუტის, მისი საბო­ლოო განთავსების ადგილისა და გაუვნებელყოფის შედეგების შე­სა­ხებ უნდა ეცნობოს საქართველოს  სახელმწიფო უსაფრთხოების სამსახურის შესაბამის დანაყოფსა და საქართველოს შინაგან საქმეთა სამინის­ტროს საინფორმაციო-ანალიტიკური დეპარტამენტის შესაბამის და­ნაყოფს.“.

6. მე-9 მუხლის მე-4 პუნქტი ჩამოყალიბდეს შემდეგი რედაქციით:

„4. იმ შემთხვევაში, თუ საქონლის გადამზიდავს (მფლობელს) არ გააჩნია I და II ჯგუფების რადიოაქტიური ნივთიერებების გა­და­­ტა­­­ნის/გადაზიდვის შესაბამისი დოკუმენტი (ნებართვა), მაშინ შემ­­მოწ­­მე­ბელი ჯგუფი შესაბამისი რეაგირებისთვის იძახებს დამხ­მარე პერ­სონალს ან/და საქართველოს შინაგან საქმეთა სამინის­ტროსა და საქართველოს სახელმწიფო უსაფრთხოების სამსახურის უფლებამოსილი ორგანოს წარმომადგენლებს, რაც ეცნობე­ბა  საქართველოს შინაგან საქმეთა სამინისტროს საინფორმაციო-ანალიტიკურ დეპარ­ტა­მენ­ტს შემდგომი რეაგი­რე­ბის მიზ­ნით.“.

7. მე-10 მუხლის მე-2 პუნქტი ჩამოყალიბდეს შემდეგი რედაქციით:

„2. ამ მუხლის პირველი პუნქტით გათვალისწინებული ნივ­თი­ერების/მასალის გადაზიდვის ლეგალურობის დამადასტურებელი   დო­კუმენტაციის წარუდგენლობის შემთხვევაში, შემმოწმებელი ჯგუ­ფი შემდგომი რეაგირებისთვის იძახებს დამხმარე პერსო­ნალს ან/და საქართველოს შინაგან საქმეთა სამინისტროსა და საქართველოს სახელმწიფო უსაფრთხოების სამსახურის უფლე­ბა­მოსილი ორგანოს წარმომადგენლებს, რაც ეცნობება საქართველოს შინაგან საქმეთა  სამინისტროს საინფორმაციო-ანალიტიკურ დეპარტა­მენ­ტს შემდგომი რეაგი­რე­ბის მიზ­ნით.“.