„საქართველოს რეგიონული განვითარებისა და ადგილობრივი თვითმმართველობის რეფორმის კომისიის შექმნისა და დებულების დამტკიცების თაობაზე“ საქართველოს მთავრობის 2014 წლის 30 ოქტომბრის №604 დადგენილებაში ცვლილების შეტანის შესახებ

1. მე-4 მუხლის პირველი პუნქტი ჩამოყალიბდეს შემდეგი რედაქციით:

„1. კომისია შედგება კომისიის თავმჯდომარის, კომისიის თავმჯდომარის მოადგილეების, კომისიის სამდივნოს ხელმძღვანელისა და კომისიის წევრებისაგან.“.

2. მე-4 მუხლის მე-2 პუნქტის შემდეგ დაემატოს 2¹ პუნქტი და ჩამოყალიბდეს შემდეგი რედაქციით:

„2¹. კომისიის თავმჯდომარეს ჰყავს ორი მოადგილე. კომისიის თავმჯდომარის მოადგილეებს განსაზღვრავს კომისიის თავმჯდომარე კომისიის შემადგენლობიდან.“.

3. მე-4 მუხლის მე-5 პუნქტი ჩამოყალიბდეს შემდეგი რედაქციით:

„5. კომისიის მუშაობაში მონაწილეობა ეთხოვოთ:

ა) საქართველოს პარლამენტის თავმჯდომარის მოადგილეს − ზვიად ძიძიგურს;

ბ) საქართველოს პარლამენტის რეგიონული პოლიტიკისა და თვით­მმართველობის კომიტეტის თავმჯდომარეს − ერეკლე ტრიპოლსკის;

გ) საქართველოს პარლამენტის რეგიონული პოლიტიკისა და თვით­მმართველობის კომიტეტის თავმჯდომარის პირველ მოა­დგილეს − კარლო კოპალიანს;

დ) საქართველოს პარლამენტის დარგობრივი ეკონომიკისა და ეკონომიკური პოლიტიკის კომიტეტის თავმჯდომარეს − ზურაბ ტყემალაძეს;

ე) საქართველოს პარლამენტის გარემოს დაცვისა და ბუნებრივი რესურსების კომიტეტის თავმჯდომარეს − გია ჟორჟოლიანს;

ვ) საქართველოს პარლამენტის აგრარულ საკითხთა კომიტეტის თავმჯდომარეს − გელა სამხარაულს;

ზ) საქართველოს პარლამენტის საფინანსო-საბიუჯეტო კომიტეტის თავმჯდომარის პირველ მოა­დგილეს − ნოდარ ებანოიძეს;

თ) არასამეწარმეო (არაკომერციული) იურიდიული პირის − საქართველოს ადგილობრივ თვითმმართველობათა ეროვნული ასოციაციის პრეზიდენტს.‘‘.

4. მე-5 მუხლის პირველი პუნქტი ჩამოყალიბდეს შემდეგი რედაქციით:

„1. კომისია საქმიანობას ახორციელებს სხდომების მეშვეობით. კომისიის სხდომა ტარდება სამ თვეში ერთხელ მაინც. კომისიის სხდომას იწვევს კომისიის თავმჯდომარე, საკუთარი ინიციატივით ან კო­მისიის წევრთა ერთი მესამედის მოთხოვნის საფუძველზე. სხდომას უძღვება კომისიის თავმჯდომარე, ხოლო მისი არყოფნის შემთხვევაში – მისი დავალებით, კომისიის თავმჯდომარის  ერთ-ერთი მოადგილე.“.

5. მე-7 მუხლის „დ“ ქვეპუნქტი ჩამოყალიბდეს შემდეგი რედაქციით:

„დ) კომისიის სამდივნოს ხელმძღვანელს მიმართონ წინადადებით ცალკეულ საკით­ხთა დამატებით შესწავლის ან კორექტირების საჭიროების თაობაზე;‘‘.