„ქ.თბილისის მუნიციპალიტეტში სასაფლაოების მოწყობისა და მოვლა-პატრონობის წესის დამტკიცების შესახებ“ ქალაქ თბილისის მუნიციპალიტეტის საკრებულოს 2014 წლის 30 დეკემბრის N20-103 დადგენილებაში ცვლილების შეტანის თაობაზე

1. მე-6 მუხლის მე-2 პუნქტი ჩამოყალიბდეს შემდეგი რედაქციით:

,,2. საქალაქო სასაფლაოებზე ამ მუხლის 1-ლი პუნქტით გათვალისწინებული სტანდარტები შესაძლებელია შემცირდეს ისე, რომ არსებითად არ შეიზღუდოს საფლავებს შორის დაშორება.“ .

2. მე-6 მუხლს დაემატოს შემდეგი შინაარსის 2¹ და 2² პუნქტები:

,,2¹. საქალაქო სასაფლაოებზე მომიჯნავე საფლავების გაერთიანება, რომელთაგან ერთი გაცემულია, ხოლო სხვა (სხვები) - თავისუფალი (მიუხედავად მასზე არსებული ნაგებობების არსებობისა), შესაძლებელია განხორციელდეს მხოლოდ ადრე გაცემულ საფლავზე ადგილის დამატების საერთო წესის შესაბამისად.

2². 2¹ პუნქტში მითითებულ შემთხვევებში გაერთიანებულ საფლავში სამარეების საერთო რაოდენობა შესაძლებელია იყოს ექვსზე მეტი, მაგრამ არაუმეტეს ცხრა სამარისა.“.

3. მე-7 მუხლის მე-2 პუნქტი ჩამოყალიბდეს შემდეგი რედაქციით:

,,2. საფლავში, როგორც წესი, შეიძლება იყოს არა უმეტეს ექვსი სამარე. გამონაკლისის დაშვება შესაძლებელია:

ა) ოპერატორის გადაწყვეტილებით თბილისის მთავრობის თანხმობით;

ბ) ამ წესის მე-6 მუხლის 2² პუნქტში მითითებულ შემთხვევაში.“.