„საქართველოს სასჯელაღსრულებისა და პრობაციის სამინისტროს პენიტენციური დეპარტამენტის დებულების დამტკიცების შესახებ“ საქართველოს სასჯელაღსრულებისა და პრობაციის მინისტრის 2015 წლის 30 ივნისის №61 ბრძანებაში ცვლილების შეტანის შესახებ

1. მე-15 მუხლის მე-3 პუნქტის „პ“ ქვეპუნქტი ჩამოყალიბდეს შემდეგი რედაქციით:

„პ) საქართველოს კანონმდებლობით დადგენილი წესით თანამდებობაზე ნიშნავს და თანამდებობიდან ათავისუფლებს ამ დებულების დანართით განსაზღვრულ მოსამსახურეებს მინისტრის წინასწარი წერილობითი თანხმობით, გარდა დეპარტამენტის მთავარი ინსპექტორისა (დეპარტამენტის დირექტორის თანაშემწე), რომელსაც თანამდებობაზე ნიშნავს და თანამდებობიდან ათავისუფლებს მინისტრის წერილობითი თანხმობის გარეშე;“.

2. მე-15 მუხლის მე-3 პუნქტს დაემატოს შემდეგი შინაარსის „პ¹“ ქვეპუნქტი:

„პ¹) მინისტრის წინასწარი წერილობითი თანხმობით, საქართველოს კანონმდებლობით დადგენილი წესით, ახორციელებს ამ დებულების დანართით გათვალისწინებული მოსამსახურეების სხვა თანამდებობაზე ან სხვა ადგილმდებარეობის სამუშაოზე გადაყვანას, აგრეთვე მათთვის დაკავებული თანამდებობით გაუთვალისწინებელი დავალების დაკისრებას;“.

3. დებულების დანართი ჩამოყალიბდეს თანდართული რედაქციით.