,,აჭარის ავტონომიური რესპუბლიკის სოფლის მეურნეობის სამინისტროს საჯარო მოხელეთა დამატებითი საკვალიფიკაციო მოთხოვნების დამტკიცების შესახებ“ აჭარის ავტონომიური რესპუბლიკის სოფლის მეურნეობის მინისტრის 2013 წლის 15 ივლისის №125 ბრძანებაში ცვლილების შეტანის თაობაზე

  „აჭარის ავტონომიური რესპუბლიკის სოფლის მეურნეობის სამინისტროს საჯარო მოხელეთა დამატებითი საკვალიფიკაციო მოთხოვნების დამტკიცების შესახებ“ აჭარის ავტონომიური რესპუბლიკის სოფლის მეურნეობის მინისტრის 2013 წლის 15 ივლისის №125 ბრძანებით (საკანონმდებლო მაცნეს ვებგვერდი, 17.07.2013, სარეგისტრაციო კოდი: 010320000.33.058.016044) დამტკიცებულ აჭარის ავტონომიური რესპუბლიკის სოფლის მეურნეობის სამინისტროს საჯარო მოხელეთა დამატებით საკვალიფიკაციო მოთხოვნებში შეტანილ იქნეს ცვლილება და მე-7 თავის 24-ე მუხლი ჩამოყალიბდეს შემდეგი რედაქციით:

 

,,მუხლი 24

საინფორმაციო-საკონსულტაციო დეპარტამენტის უფროსის თანამდებობაზე განისაზღვროს შემდეგი საკვალიფიკაციო მოთხოვნები:

1. უმაღლესი განათლება;

2. მუშაობის არანაკლებ 3 წლის სტაჟი;

3. ძირითადი საოფისე კომპიუტერული პროგრამების (MS office Word, Excel) და Internet-ის სამომხმარებლო დონეზე ცოდნა.

4. შემდეგი სამართლებრივი აქტების ცოდნა:

ა) საქართველოს კონსტიტუცია;

ბ) აჭარის ავტონომიური რესპუბლიკის კონსტიტუცია;

გ) ,,საჯარო სამსახურის შესახებ” საქართველოს კანონი;

დ) ,,სასოფლო-სამეურნეო კოოპერატივის შესახებ“ საქართველოს კანონი;

ე) აჭარის ავტონომიური რესპუბლიკის მთავრობის 2007 წლის 3 აპრილის №32 დადგენილებით დამტკიცებული „აჭარის ავტონომიური რესპუბლიკის სოფლის მეურნეობის სამინისტროს დებულება“.

5. შემდეგი თემატიკის ცოდნა:

ერთწლიანი (პომიდორი, კიტრი, კარტოფილი) და მრავალწლიანი სასოფლო-სამეურნეო კულტურების (ციტრუსები, ვაზი, ხურმა, მოცვი, კივი) მოვლა-მოყვანის ტექნოლოგია; ნიადაგის ეროზიისაგან დაცვა; ნიადაგის ნაყოფიერების დონის ამაღლების ღონისძიებები; ბაზრის როლი აგრობიზნესის განვითარებაში; წარმოების დანახარჯები; სასოფლო-სამეურნეო წარმოების სპეციალიზაცია, კოოპერირების ფორმები.“.