„საერთაშორისო ურთიერთობების დეპარტამენტის უფროსი სპეციალისტის ვაკანტური თანამდებობის დასაკავებლად კანდიდატებისათვის დამატებითი საკვალიფიკაციო მოთხოვნების, საკონკურსო თემატიკის, გასაუბრების შეფასების და შეფასების ჯამური ფორმების დამტკიცების თაობაზე“ საქართველოს ოკუპირებული ტერიტორიებიდან იძულებით გადაადგილებულ პირთა, განსახლებისა და ლტოლვილთა მინისტრის 2013 წლის 7 ნოემბრის N753 ბრძანებაში ცვლილებების შეტანის თაობაზე

2. საერთაშორისო ურთიერთობების დეპარტამენტის უფროსი სპეციალისტის ვაკანტური თანამდებობის დასაკავებლად კანდიდატებისათვის დადგენილია შემდეგი საკვალიფიკაციო მოთხოვნები:

ა) უმაღლესი  განათლება,  სასურველია სამართლის (დარგი/სპეციალობა - საერთაშორისო სამართალი) ან/და სოციალური მეცნიერებების (დარგი/სპეციალობა - პოლიტიკის მეცნიერება, საერთაშორისო ურთიერთობები)  მიმართულებით;

ბ) სამუშაო გამოცდილება - სასურველია სამუშაო გამოცდილება საერთაშორისო სამართლის,  საერთაშორისო ურთიერთობების ან/და ადამიანის უფლებათა დაცვის მიმართულებით;

გ) აუცილებელია ინგლისური ენის კარგი ცოდნა;

დ) საოფისე პროგრამების, კერძოდ Microsoft Office Word , Microsoft Office Excel, Microsoft Office Outlook, -  კარგი ცოდნა;

3. საერთაშორისო ურთიერთობების დეპარტამენტის უფროსი სპეციალისტის  ვაკანტური თანამდებობის დასაკავებლად კანდიდატებისათვის დადგენილია შემდეგი საკონკურსო თემატიკა:

       ა) საქართველოს კონსტიტუცია;

       ბ) ,,საჯარო სამსახურის შესახებ" საქართველოს კანონი;

 გ) ,,საქართველოს ოკუპირებული ტერიტორიებიდან იძულებით გადაადგილებულ პირთა, განსახლებისა და ლტოლვილთა სამინისტროს დებულების დამტკიცების შესახებ“ საქართველოს მთავრობის 2008 წლის 22 თებერვლის №34 დადგენილება;

დ) „საქართველოს ოკუპირებული ტერიტორიებიდან იძულებით გადაადგილებულ პირთა, განსახლებისა და ლტოლვილთა სამინისტროს საერთაშორისო ურთიერთობების  დეპარტამენტის დებულების დამტკიცების შესახებ“ საქართველოს ოკუპირებული ტერიტორიებიდან იძულებით გადაადგილებულ პირთა, განსახლებისა და ლტოლვილთა მინისტრის 2013 წლის 25 მარტის №62 ბრძანება;

 ე) „საქართველოს საერთაშორისო ხელშეკრულებების შესახებ” საქართველოს კანონი;

 ვ) საქართველოს ოკუპირებული ტერიტორიებიდან იძულებით გადაადგილებულ პირთა – დევნილთაშესახებ” საქართველოს კანონი;

 ზ) ,,ლტოლვილთა და ჰუმანიტარული სტატუსების შესახებ“ საქართველოს კანონი.