ადიგენის მუნიციპალიტეტის გამგეობის ზედამხედველობის სამსახურის შესაბამის სპეციალისტებზე ადმინისტრაციულ სამართალდარღვევათა შესახებ ოქმების შედგენის უფლებამოსილების მინიჭების შესახებ

საქართველოს ორგანული კანონის „ადგილობრივი თვითმმართველობის კოდექსი“ 24-ე მუხლის  მე-2 პუნქტის,  61-ე მუხლის მე-2 პუნქტის, საქართველოს კანონის ,,საქართველოს ადმინისტრაციულ სამართალდარღვევათა კოდექსის“ 239-ე მუხლის მე-14 პუნქტის, საქართველოს კანონის ,,ნარჩენების მართვის კოდექსის“, ,,ადიგენის მუნიციპალიტეტის გამგეობის ინფრასტრუქტურის, სივრცითი მოწყობის, არქიტექტურისა და მშენებლობის სამსახურის დებულების“ (2015 წლის 4 მარტის №11 დადგენილება)  მე-4 მუხლის საფუძველზე ადიგენის  მუნიციპალიტეტის საკრებულო  ადგენს:

საქართველოს ადმინისტრაციულ სამართალდარღვევათა კოდექსის 51³, 53³, 55-ე, 55², 119¹, 150-ე, 151-ე 153⁴, 159-ე, 159¹ მუხლებით, აგრეთვე საქართველოს ორგანული კანონის ,,საქართველოს საარჩევნო კოდექსი" მე-80 მუხლით გათვალისწინებულ ადმინისტრაციულ სამართალდარღვევებზე ადმინისტრაციულ სამართალდარღვევათა ოქმების შედგენის უფლებამოსილება მიენიჭოს ადიგენის მუნიციპალიტეტის გამგეობის ინფრასტრუქტურის, სივრცითი მოწყობის, არქიტექტურისა და მშენებლობის  სამსახურის ზედამხედველობის განყოფილების  წამყვან სპეციალისტებს ადმინისტრაციულ სამართალდარღვევათა ზედამხედველობის საკითხებში. 

საქართველოს ადმინისტრაციულ სამართალდარღვევათა კოდექსის 146¹, 148-ე მუხლის 1-ლი, მე-2 და მე-4 ნაწილებით, 150-ე, 152-ე, 152²  მუხლებით  გათვალისწინებულ ადმინისტრაციულ სამართალდარღვევებზე ადმინისტრაციულ სამართალდარღვევათა ოქმების შედგენის უფლებამოსილება მიენიჭოს  ადიგენის მუნიციპალიტეტის გამგეობის ინფრასტრუქტურის, სივრცითი მოწყობის, არქიტექტურისა და მშენებლობის  სამსახურის ზედამხედველობის განყოფილების  წამყვან სპეციალისტს არქიტექტურისა და კეთილმოწყობის საკითხებში.

საქართველოს ადმინისტრაციულ სამართალდარღვევათა კოდექსის 151-ე მუხლით, აგრეთვე საქართველოს კანონის „ნარჩენების მართვის კოდექსი"  31-ე, 32-ე, 33-ე, 34-ე, 35-ე, 36-ე მუხლის 1-ლი და მე-2 ნაწილებით, 39-ე და 43-ე მუხლებით გათვალისწინებულ ადმინისტრაციულ სამართალდარღვევებზე ადმინისტრაციულ სამართალდარღვევათა ოქმების შედგენის უფლებამოსილება მიენიჭოს ადიგენის მუნიციპალიტეტის გამგეობის ინფრასტრუქტურის, სივრცითი მოწყობის, არქიტექტურისა და მშენებლობის  სამსახურის ზედამხედველობის განყოფილების  წამყვან სპეციალისტს გარემოს დაცვისა და ბუნებრივი რესურსების საკითხებში.

დადგენილება  ამოქმედდეს გამოქვეყნებისთანავე.