ხაშურის მუნიციპალიტეტის საკრებულოს 2014 წლის 25 დეკემბრის N78 დადგენილებაში „ხაშურის მუნიციპალიტეტის საკრებულოს წევრების (გარდა თანამდებობის პირებისა) უფლებამოსილების განხორციელებასთან დაკავშირებული ხარჯების ანაზღაურების შესახებ“ ცვლილების შეტანის თაობაზე

ა) დადგენილებით დამტკიცებული 1-ლი მუხლი ჩამოყალიბდეს შემდეგი რედაქციით:

„1. განესაზღვროს ხაშურის მუნიციპალიტეტის საკრებულოს წევრს (გარდა საკრებულოს თანამდებობის პირებისა) უფლებამოსილებათა განხორციელებისთვის საჭირო ხარჯების ანაზღაურებისათვის (ზღვრული ოდენობა) თვეში 700 (შვიდასი) ლარის ოდენობით:

ა) საკრებულოს სხდომებში მონაწილეობისათვის - 200  (ორასი) ლარი;

ბ) საკრებულოს კომისიაში მონაწილეობის მისაღებად -300  (სამასი) ლარი;

გ) მუნიციპალიტეტის ადმინისტრაციულ ერთეულში შემავალ სოფლის ამომრჩეველთა არანაკლებ სამი შეხვედრისათვის  - 200 (ორასი) ლარი;”;

ბ) დადგენილებით დამტკიცებული მე-2 მუხლი ჩამოყალიბდეს შემდეგი რედაქციით:

1. საკრებულოს თითოეული წევრისთვის ამ დადგენილების პირველი მუხლის „ა“ –„გ“ ქვეპუნქტებში მითითებული ასანაზღაურებელი ხარჯის გაცემა ხდება საკრებულოს თავმჯდომარის ბრძანებით, საკრებულოს აპარატის უფროსის მიერ ერთიანი სახით მიწოდებული ინფორმაციის (მოხსენებითი ბარათის) საფუძველზე.
2. ამ დადგენილების პირველი მუხლის „ა“ და „ბ“ ქვეპუნქტებით გათვალისწინებული საკრებულოს წევრის საქმიანობის აღრიცხვის წარმოებას ახორციელებს ხაშურის მუნიციპალიტეტის საკრებულოს აპარატი.
3. საკრებულოს თითოეული წევრისთვის ამ დადგენილების პირველი მუხლის  „გ“ ქვეპუნქტით გათვალისწინებული საკრებულოს წევრის საქმიანობის აღრიცხვისათვის საკრებულოს წევრები (გარდა თანამდებობის პირებისა), როგორც წესი, ყოველი მომდევნო თვის 5 რიცხვამდე (თუ შესაბამისი თვის 5 რიცხვი ემთხვევა საქართველოს კანონმდებლობით გათვალისწინებულ უქმე ან/და დასვენების დღეს - მომდევნო სამუშაო დღეს) საკრებულოს თავმჯდომარეს წარუდგენენ მოხსენებით ბარათს და ამომრჩეველთან შეხვედრის დამადასტურებელ ოქმს, რომელიც დამოწმებული უნდა იყოს არანაკლებ ორი ამომრჩევლის ხელმოწერით და ასახული უნდა იქნეს შეხვედრის დრო, ჩატარების დრო, ადგილი და თემატიკა.“.