„მარნეულის მუნიციპალიტეტის გამგეობის ეკონომიკური განვითარების და მუნიციპალური ქონების მართვის სამსახურის დებულების დამტკიცების შესახებ“ მარნეულის მუნიციპალიტეტის საკრებულოს 2014 წლის 16 ივლისის №23 დადგენილებაში ცვლილების შეტანის თაობაზე

მარნეულის მუნიციპალიტეტის საკრებულო ადგენს:

1. მე-2 მუხლის პირველი პუნქტი:

1. სამსახური შედგება სამსახურის უფროსისა და შემდეგი განყოფილებებისაგან:

ა) ეკონომიკური განვითარების დაგეგმვისა და სტატისტიკის განყოფილება;

ბ) მუნიციპალური ქონების მართვის განყოფილება;

გ) ადგილობრივი მოსაკრებლების განყოფილება.

2. მე-3 მუხლს დაემატოს ჯ¹ პუნქტი და ჩამოყალიბდეს შემდეგი რედაქციით:

„ჯ¹) ადგილობრივი მოსაკრებლების წესების შემუშავება, კონტროლი და შესაბამისი ღონიძიებების გატარება.".

3. დაემატოს მუხლი 6:

„მუხლი 6. ადგილობრივი მოსაკრებლების განყოფილების ფუნქციები:

ა) ადგილობრივი მოსაკრებლების პროგრამების შემუშავება;

ბ) ადგილობრივ მოსაკრებელს დაქვემდებარებული ფიზიკური და იურიდიული პირების სრული აღრიცხვა, მონაცემთა ბაზის შექმნა და მოსაკრებლების გადახდის კონტროლი შესაბამისი ნორმატიული აქტის საფუძველზე;

გ) მოსაკრებელს დაქვემდებარებული სუბიექტების აღრიცხვის მიზნით შესაბამისი აქტების შედგენა;

დ) ადგილობრივი მოსაკრებლის გადაუხდელობაზე ან დაგვიანებით გადახდაზე კანონმდებლობით დადგენილი წესით ღონისძიებების გატარება;

ე) ადგილობრივ მოსაკრებელთან დაკავშირებული წინადადებების შემუშავება და გამგებლისათვის წარდგენა.".