„ხაშურის მუნიციპალიტეტის გამგეობის საბიუჯეტო სამსახურის დებულების დამტკიცების შესახებ“ ხაშურის მუნიციპალიტეტის საკრებულოს 2014 წლის 30 სექტემბრის №59 დადგენილებაში ცვლილების შეტანის თაობაზე

ა)  დადგენილებით დამტკიცებული დებულების  1-ლი მუხლის  1-ლი პუნქტი   ჩამოყალიბდეს შემდეგი  რედაქციით:

,, 1. გამგეობის საბიუჯეტო სამსახური (ტექსტში შემდგომ – სამსახური) არის მუნიციპალიტეტის გამგეობის  სტრუქტურული ერთეული, რომელიც უზრუნველყოფს მუნიციპალიტეტის ბიუჯეტის პროექტის მომზადებას, მუნიციპალური პროგრამების საფინანსო გაანგარიშება-დასაბუთებას, მიღებული ბიუჯეტის შესრულებას, საბიუჯეტო სახსრების მიზნობრივ, მიზანშეწონილ და ეფექტიან გამოყენებას, ბიუჯეტის შესრულების შესახებ ანგარიშგებას  და საბუღალტრო მომსახურებას.“ ;

ბ) დადგენილებით დამტკიცებული  დებულების  მე-2 მუხლი ჩამოყალიბდეს შემდეგი რედაქციით:

2. სამსახურის სტრუქტურული ქვედანაყოფია  ბუღალტრული აღრიცხვა - ანაგარიშგების განყოფილება.

3. სამსახურის საქმიანობას წარმართავს სამსახურის უფროსი, რომლის უფლებამოსილებები და სამსახურებრივი ფუნქციები განისაზღვრება გამგეობის დებულების მე-9  მუხლით და სამსახურის უფროსის სამუშაოთა აღწერილობით. უფროსის არყოფნის შემთხვევაში, გამგებლის ბრძანებით სამსახურის უფროსის უფლება-მოვალეობებს ახორციელებს სამსახურის  განყოფილების უფროსი.

4. სამსახურის განყოფილება შედგება განყოფილების უფროსისა და განყოფილების მოხელეებისაგან.

5. განყოფილების საქმიანობას წარმართავს განყოფილების უფროსი, რომლის უფლებამოსილებები და სამსახურებრივი ფუნქციები განისაზღვრება გამგეობის  დებულების  მე-13  მუხლით და შესაბამისი სამუშაოთა აღწერილობით. განყოფილების უფროსის არყოფნის შემთხვევაში, გამგებლის ბრძანებით განყოფილების უფროსის უფლება-მოვალეობებს ახორციელებს განყოფილების ერთ-ერთი მოხელე.

6. განყოფილების მოხელეების უფლება-მოვალეობები განისაზღვრება გამგეობის დებულების მე-17 მუხლით. განყოფილების მოხელეების ფუნქციები განისაზღვრება შესაბამისი სამუშაოთა აღწერილობებით.

7. სამსახურის მოხელეთა თანამდებობაზე დანიშვნა-გათავისუფლებისა და სამსახურებრივი კარიერის გავლის წესები განისაზღვრება გამგეობის  დებულებით, „საჯარო სამსახურის შესახებ" საქართველოს კანონის შესაბამისად.";

გ) დადგენილებით დამტკიცებული დებულების  მე-3  მუხლს დაემატოს   ,,წ“  პუნქტი   და ჩამოყალიბდეს  შემდეგი რედაქციით:

,,წ) მუნიციპალიტეტის საბუღალტრო აღრიცხვას;“;

დ) დადგენილებით დამტკიცებული დებულების  მე-3  მუხლს დაემატოს   ,,ჭ“  პუნქტი   და ჩამოყალიბდეს  შემდეგი რედაქციით:

,,ჭ) ბიუჯეტით გათვალისწინებული ასიგნებების შესაბამისად ხარჯის გაწევას, საფინანსო ოპერაციების წარმოებას;“;

ე) დადგენილებით დამტკიცებული დებულების  მე-3  მუხლს დაემატოს   ,,ხ“  პუნქტი   და ჩამოყალიბდეს  შემდეგი რედაქციით:

,,ხ) მუნიციპალიტეტის საბანკო ანგარიშების მართვას, ურთიერთობებს ხაზინასთან და საბანკო დაწესებულებებთან;“;

ვ) დადგენილებით დამტკიცებული დებულების  მე-3  მუხლს დაემატოს   ,,ჯ“  პუნქტი   და ჩამოყალიბდეს  შემდეგი რედაქციით:

,,ჯ) მუნიციპალიტეტის მიერ აღებული და გაცემული სესხების მართვას;“

ზ) დადგენილებით დამტკიცებული დებულების  მე-3  მუხლს დაემატოს   ,,ჰ“  პუნქტი   და ჩამოყალიბდეს  შემდეგი რედაქციით:

,,ჰ) საკრებულოს, მუნიციპალური სამსახურებისა და გამგებლის წარმომადგენლის სარგებლობაში არსებული ქონების აღწერა-ინვენტარიზაციას;“;

თ) დადგენილებით დამტკიცებული დებულების  მე-3  მუხლს დაემატოს   ,,ჰ¹“  პუნქტი   და ჩამოყალიბდეს  შემდეგი რედაქციით:

,,ჰ¹) მუნიციპალიტეტის საჯარო მოსამსახურეთა ხელფასების, სამივლინებო ხარჯების და სხვა გადასახდელების გაცემას;“.