„ქალაქ გორის მუნიციპალიტეტის 2015 წლის ბიუჯეტის დამტკიცების შესახებ" ქალაქ გორის მუნიციპალიტეტის საკრებულოს 2014 წლის 23 დეკემბრის №40 დადგენილებაში ცვლილების შეტანის თაობაზე

ა) დადგენილების 1-ლი მუხლი ჩამოყალიბდეს შემდეგი რედაქციით:

მუხლი 1. ქალაქ გორის მუნიციპალიტეტის ბიუჯეტის ბალანსი

განისაზღვროს ქალაქ გორის მუნიციპალიტეტის ბიუჯეტის ბალანსი თანდართული რედაქციით:

ბ) დადგენილების მე-2 მუხლი ჩამოყალიბდეს შემდეგი რედაქციით:

მუხლი 2. ქალაქ გორის მუნიციპალიტეტის ბიუჯეტის შემოსულობები, გადასახდელები და ნაშთის ცვლილება

განისაზღვროს ქალაქ გორის მუნიციპალიტეტის ბიუჯეტის შემოსულობები, გადასახდელები და ნაშთის ცვლილება თანდართული რედაქციით:

გ) დადგენილების მე-7 მუხლი ჩამოყალიბდეს შემდეგი რედაქციით:

მუხლი 7. ქალაქ გორის მუნიციპალიტეტის ბიუჯეტის ხარჯები

განისაზღვროს ქალაქ გორის მუნიციპალიტეტის ბიუჯეტის ხარჯები 14 320,6 ათასი ლარის ოდენობით, თანდართული რედაქციით:

დ) დადგენილების მე-8 მუხლი ჩამოყალიბდეს შემდეგი რედაქციით:

მუხლი 8. ქალაქ გორის მუნიციპალიტეტის ბიუჯეტის არაფინანსური აქტივების ცვლილება

განისაზღვროს ქალაქ გორის მუნიციპალიტეტის ბიუჯეტის არაფინანსური აქტივების ცვლილება 4795,0 ათასი ლარის ოდენობით, მათ შორის:

ა) განისაზღვროს ქალაქ გორის მუნიციპალიტეტის ბიუჯეტის არაფინანსური აქტივების ზრდა 5525,0 ათასი ლარის ოდენობით თანდართული რედაქციით:

ბ) განისაზღვროს ქალაქ გორის მუნიციპალიტეტის ბიუჯეტის არაფინანსური აქტივების კლება 730.0 ათასი ლარის ოდენობით, მათ შორის:

ე) დადგენილების მე-9 მუხლი ჩამოყალიბდეს შემდეგი რედაქციით:

მუხლი 9. ქალაქ გორის მუნიციპალიტეტის ბიუჯეტის ხარჯებისა და არაფინანსური აქტივების ზრდის ფუნქციონალური კლასიფიკაცია

განისაზღვროს ქალაქ გორის მუნიციპალიტეტის ბიუჯეტის ხარჯებისა და არაფინანსური აქტივების ზრდა ფუნქციონალურ ჭრილში, თანდართული რედაქციით:

ვ) დადგენილების მე-16 მუხლი ჩამოყალიბდეს შემდეგი რედაქციით:

„მუხლი 16. ქალაქ გორის მუნიციპალიტეტის ბიუჯეტის პროგრამები

1. თავდაცვა, საზოგადოებრივი წესრიგი და უსაფრთხოება (პროგრამული კოდი 02 00)

სტიქიური მოვლენების, უბედური შემთხვევების და სხვა საგანგებო სიტუაციების შემთხვევაში მოსახლეობისთვის დახმარების გასაწევად სულ უფრო დიდ მნიშვნელობას იძენს სამაშველო სამსახურის ოპერატიული მოქმედება, მათი მზადყოფნა დროული და სათანადო დახმარების აღმოსაჩენად.

ქვეყნის თავდაცვისუნარიანობის ხარისხის ამაღლების ხელშეწყობის მიზნით მერიაში ხორციელდება სამხედრო აღრიცხვის და გაწვევის, წვევამდელთა ტრანსპორტირების ღონისძიებები.

ა) საგანგებო სიტუაციების მართვა (პროგრამული კოდი 02 01)

პროგრამის ფარგლებში გათვალისწინებულია ქალაქ გორის მუნიციპალიტეტის მოსახლეობის, სახელმწიფო, მუნიციპალური და კერძო შენობა-ნაგებობების ხანძარსაწინააღმდეგო დაცვის ღონისძიებები.

ბ) ქვეყნის თავდაცვისუნარიანობის ამაღლების ხელშეწყობა (პროგრამული კოდი 02 02)

შეიარაღებული ძალების თავდაცვისუნარიანობის ამაღლების მიზნით ხორციელდება მოსწავლეთა პირველადი აღრიცხვა და წვევამდელთა გაწვევის პუნქტებამდე ტრანსპორტირება ასევე სარეზერვო ძალების მობილიზება.

2. ინფრასტრუქტურის მშენებლობა, რეაბილიტაცია და ექსპლოატაცია (პროგრამული კოდი 03 00)

მუნიციპალიტეტის ეკონომიკური განვითარებისათვის აუცილებელ პირობას წარმოადგენს მუნიციპალური ინფრასტრუქტურის შემდგომი გაუმჯობესება და აღნიშნული მიმართულება ბიუჯეტის ერთ-ერთი მთავარი პრიორიტეტია. პრიორიტეტის ფარგლებში გაგრძელდება საგზაო ინფრასტრუქტურის რეაბილიტაცია, განხორციელდება არსებული ინფრასტრუქტურის მოვლა შენახვა და დაფინანსდება მის ექსპლოატაციასთან დაკავშირებული ხარჯები.

განსახორციელებელი პროექტების ფარგლებში გათვალისწინებულია ქუჩების, გზების, სანიაღვრე არხებისა და ნაპირსამაგრი ნაგებობების მოწყობა-რეაბილიტაცია.

ა) საგზაო ინფრასტრუქტურის მშენებლობა-რეაბილიტაცია და მოვლა შენახვა (პროგრამული კოდი 03 01)

პროგრამის ფარგლებში განხორციელდება ქალაქ გორის მუნიციპალიტეტის საავტომობილო გზების მოვლა, ქალაქის დაზიანებული გზების ორმოული შეკეთება და რეაბილიტაცია, სიჩქარის შემზღუდველების მოწყობა, გზების დახაზვა, პირობითი საგზაო ნიშნების მოწყობა, დამატებით შუქნიშნების მოწყობა, ქუჩების მოვლა ზამთრის სეზონზე.

ა.ა) გზების მშენებლობის, რეკონსტრუქციისა და მოვლა-შენახვის ხარჯები (პროგრამული კოდი 03 01 01)

პროგრამის ფარგლებში განხორციელდება ქალაქ გორის მუნიციპალიტეტის საავტომობილო გზების მოვლა, ქალაქის დაზიანებული გზების ორმოული შეკეთება და რეაბილიტაცია, სიჩქარის შემზღუდველების მოწყობა, გზების დახაზვა, პირობითი საგზაო ნიშნების მოწყობა, დამატებით შუქნიშნების მოწყობა.

განსახორციელებელი პროექტების ფარგლებში დაგეგმილია ქალაქ გორში წმინდაწყლის დასახლებაში არსებული ქუჩების, შევჩენკოს და ლეონიძის ქუჩების, თამარ მეფის ქუჩის მონაკვეთის, ღამბარაულის ქუჩის, სადგურის დასახლებაში არსებული ქუჩათა ქსელის და სასაფლაოს მისასვლელი გზის რეაბილიტაცია.

ა.ბ) ქუჩების მოვლა ზამთრის სეზონზე (პროგრამული კოდი 03 01 02)

პროგრამის ფარგლებში ზამთრის სეზონზე გათვალისწინებულია ტრანსპორტისა და ფეხით მოსიარულეთა უსაფრთხო გადაადგილების და ქუჩებში შეუფერხებელი მოძრაობის უზრუნველსაყოფად ქუჩების დამუშავება.

ბ) კომუნალური ინფრასტრუქტურის მშენებლობა-რეაბილიტაცია და ექსპლოატაცია (პროგრამული კოდი 03 02)

პროგრამის ფარგლებში დაგეგმილია გარე განათების ექსპლოატაცია, დასუფთავების ღონისძიებები, სანიაღვრე არხების მოწყობა-მოვლა, წყლის სისტემის რეაბილიტაცია, მუნიციპალური განვითარების სააგენტოს ხელშეწყობის, ინფრასტრუქტურული პროექტების, ბინათმესაკუთრეთა ამხანაგობების და ინდივიდუალური საცხოვრებელი სახლების მესაკუთრეთა გაერთიანებების თანადაფინანსება.

ბ.ა) გარე განათების მოწყობა, რეაბილიტაცია და ექსპლოატაცია (პროგრამული კოდი 03 02 01)

მოსახლეობის კომფორტული და უსაფრთხო გადაადგილების მიზნით პროგრამის ფარგლებში დაგეგმილია ქალაქის ქუჩების, შენობების, ხიდების, შადრევნების გარე განათებასა და დეკორატიულ განათებაზე დახარჯული ელექტროენერგიის ღირებულების ანაზღაურება.

ბ.ბ) დასუფთავების ღონისძიებები (პროგრამული კოდი 03 02 02)

მუნიციპალიტეტის ერთ-ერთ მთავარ ფუნქციას წარმოადგენს სანიტარული მდგომარეობის უზრუნველყოფა, შესაბამისად ქვეპროგრამის ფარგლებში დაგეგმილია ნაგვის ურნების შეძენა ქალაქის ქუჩებში განსათავსებლად.

ბ.გ) საკანალიზაციო სისტემის მოწყობა და რეაბილიტაცია (პროგრამული კოდი 03 02 03)

ქვეპროგრამის ფარგლებში გათვალისწინებულია გურამიშვილის ქუჩის სანიაღვრე არხის და სადგურის დასახლების საკანალიზაციო ქსელის მოწყობის (III ეტაპი) სამუშაოების დასრულება.

განსახორციელებელი პროექტების ფარგლებში დაგეგმილია ატენის ქუჩის და გვერდწითელის ქუჩის სანიაღვრე სისტემის მოწყობა-რეაბილიტაცია.

ბ.დ) წყლის სისტემის რეაბილიტაცია (პროგრამული კოდი 03 02 04)

პროგრამის ფარგლებში მუნიციპალიტეტის მერია უზრუნველყოფს სასმელი წყლის სოკოებზე და შადრევნებზე დახარჯული წყლის ღირებულების ანაზღაურებას და განხორციელდება დევნილთა დასახლებებში სასმელი წყლის ჭაბურღილების ფუნქციონირებისათვის საჭირო ელ.ენერგიის ღირებულების ანაზღაურება.

ბ.ე) მუნიციპალიტეტის განვითარების სააგენტოს ხელშეწყობა (პროგრამული კოდი 03 02 06)

მუნიციპალიტეტის მოსახლეობის სოციალური პრობლემების და მოთხოვნილებების შესწავლის, მუნიციპალიტეტის განვითარებისათვის განსახორციელებელი პროექტებისათვის თანხების მოძიების, დემოგრაფიულ, სოციალურ და ეკონომიკურ სკითხებზე გამოკითხვების ჩატარების, ხელისუფლების და ბიზნეს სექტორის მიერ საინვესტიციო შესაძლებლობების ანალიზის, უცხოურ ორგანიზაციებთან პარტნიორული ურთიერთობის დამყარების და განვითარების სხვა პროგრამების შემუშავების მიზნით დაგეგმილია სააგენტოს ადმინისტრაციული ხარჯების უზრუნველყოფა სუბსიდირების გზით.

ბ.ვ) ინფრასტრუქტურული პროექტების თანადაფინანსება (პროგრამული კოდი 03 02 07)

მუნიციპალიტეტის ტერიტორაზე ინფრასტრუქტურული მდგომარეობის გაუმჯობესების და შემდგომში პრობლემის გადაჭრის მექანიზმის შექმნის მიზნით მუნიციპალიტეტი აცხადებს მზადყოფნას გარკვეული თანადაფინანსებით წაახალისოს ყველა ის ორგანიზაცია (საბიუჯეტო, არასამთავრობო, სათემო, არარეგისტრირებული კავშირი, არასამეწარმეო და სხვა), რომელიც საკუთარი სახსრებით ან დონორი ორგანიზაციებიდან გრანტის მიღების გზით მოახდენს წილობრივ თანადაფინანსებას პროექტის განხორციელებისათვის.

ბ.ზ) ბინათმესაკუთრეთა ამხანაგობების და ინდივიდუალური საცხოვრებელი სახლების მესაკუთრეთა გაერთიანებების თანადაფინანსება (პროგრამული კოდი 03 02 08)

ქვეპროგრამის ფარგლებში დაგეგმილია ბინათმესაკუთრეთა ამხანაგობების თანადაფინანსება. თანადაფინანსების შემთხვევაში აღნიშნული პროექტი უნდა ითვალისწინებდეს მრავალსართულიანი სახლების, ორ ან ორზე მეტ მომიჯნავე მიწის ნაკვეთზე არსებული ინდივიდუალური საცხოვრებელი სახლების და მათი მიმდებარე ფართობების ინფრასტრუქტურის განვითარებას.

ბ.თ) ნაპირსამაგრი ნაგებობების მოწყობა (პროგრამული კოდი 03 02 09)

ქვეპროგრამის ფარგლებში დაგეგმილია მდინარე ლიახვის ნაპირსამაგრი ნაგებობის მოწყობა გორის კულტურისა და დასვენების პარკის მიმდებარედ და მდინარე მეჯუდაზე ნაპირსამაგრის მოწყობა გაბიონებით.

ბ.ი) ტურისტული ინფრასტრუქტურის მოწესრიგება (პროგრამული კოდი 03 02 10)

ქვეპროგრამის ფარგლებში დაგეგმილია ქალაქ გორში ტურისტული ინფრასტრუქტურის მოწყობა, კერძოდ სამების და რუსთაველის ქუჩებზე (თეატრის მიმდებარე ტერიტორია) შენობების რეაბილიტაცია და სანიტარული კვანძების მოწყობა-რეაბილიტაცია.

გ) კეთილმოწყობის ღონისძიებები (პროგრამული კოდი 03 03)

პროგრამის ფარგლებში განხორციელდება ქალაქის იერსახის გაუმჯობესების მიზნით მუნიციპალიტეტში არსებული ა(ა)იპ-ის „ქ.გორის მუნიციპალიტეტის მერიის გამწვანების“(საიდენტიფიკაციო კოდი-417878568) და ა(ა)იპ-ის „ქ.გორის მუნიციპალიტეტის მერიის გორის სანერგე მეურნეობის“ (საიდენტიფიკაციო კოდი-417878559) მიერ სკვერების და გაზონების გამწვანება, მოვლა-შენახვა და რეკონსტრუქცია. ასევე იგეგმება შადრევნების, მოსაცდელების, აბრების და მემორიალური დაფების, სპორტული მოედნების მოვლა-შენახვისა და რეკონსტრუქციის ღონისძიებები.

გ.ა) საახალწლოდ ქალაქის მორთვის ღონისძიებები (პროგრამული კოდი 03 03 01)

წინა საახალწლო ღონისძიებების განსახორციელებლად იგეგმება ქალაქის გაფორმების სამუშაოების უზრუნველყოფა კერძოდ: ხელოვნური ნაძვისხის მონტაჟი და დემონტაჟი, შენობებზე, ხის ვარჯებზე და ქუჩებში გაბმულ სადენებზე სხვადასხვა სახის დეკორატიული სანათების მოწყობა და დემონტაჟი.

გ.ბ) მრავალბინიანი საცხოვრებელი სახლების, სახურავების და ლიფტების რეაბილიტაცია და ეზოების კეთილმოწყობა (პროგრამული კოდი 03 03 05)

პროგრამის ფარგლებში გათვალისწინებულია გასული წლის ვალდებულების ფარგლებში ქალაქ გორში მოსკოვის ქუჩაზე №1-ბ საერთო საცხოვრებელი სახლის კანალიზაციის რეაბილიტაციის დაფინანსების დავალიანების დაფარვა.

გ.გ) სპორტული მოედნების მოწყობა და მოვლა-შენახვა (პროგრამული კოდი 03 03 06)

დაგეგმილია ახალი სპორტული მოედნის მოწყობა და არსებული სპორტული მინი მოედნების მოვლა-პატრონობის ღონისძიებების დაფინანსება.

გ.დ) დეფექტური აქტების, პროექტების და ხარჯთაღრიცხვების მომსახურების დაფინანსება (პროგრამული კოდი 03 03 07)

მუნიციპალიტეტში დაგეგმილი სამშენებლო-სარეაბილიტაციო სამუშაოების საფუძველს წარმოადგენს მოქმედი სამშენებლო ნორმებისა და წესის გათვალისწინებით შესაბამისი საპროექტო-სახარჯთაღრიცხვო დოკუმენტაცია, ასევე აუცილებელ შესრულებულ სამუშაოებზე ექსპერტიზის ჩატარება, რომლის ფარგლებშიც ხორციელდება სამუშაოების სახარჯთაღრიცხვო დოკუმენტაციასთან შესაბამისობის დადგენა. ქვეპროგრამების ფარგლებში დაგეგმილია ზემოაღნიშნული ღონისძიებების განხორციელებისათვის საჭირო ხარჯების დაფინანსება.

გ.ე) სივრცით მონაცემთა უზრუნველყოფის სამსახურის ხელშეწყობა (პროგრამული კოდი 03 03 08)

ქვეპროგრამის ფარგლებში დაგეგმილია მუნიციპალიტეტის ტერიტორიაზე შენობა-ნაგებობების სამგანზომილებიანი მოდელირება, მასზე არსებული ინფორმაციის მიმაგრება და ინტერნეტ სივრცეში განთავსება. გეოინფორმაციული ტექნოლოგიების დანერგვა. ასევე მუნიციპალიტეტის საკუთრებაში არსებული სასოფლო და არასასოფლო დანიშნულების მიწის ნაკვეთების და შენობა-ნაგებობების საჯარო რეესტრში რეგისტრაციის მიზნით მათი ექსპლოატაციისათვის აუცილებელი ტექნიკური დოკუმენტაციის მომზადების უზრუნველყოფა.

გ.ვ) სანერგე მეურნეობის განვითარების ხელშეწყობა (პროგრამული კოდი 03 03 09)

პროგრამის ფარგლებში გათვალისწინებულია გამწვანებისათვის და ქარსაცავი ზოლის მოწყობისათვის საჭირო ნერგების გამოყვანა, დაკალმვა, ნიადაგის მოვლა და დაზიანებული ხეების გასხვლა-გადაბელვის სამუშაოები.

გ.ზ) მუნიციპალიტეტის გამწვანების ხელშეწყობა (პროგრამული კოდი 03 03 10)

პროგრამის ფარგლებში გათვალისწინებულია სკვერების და გაზონების მოვლა, ახალი მწვანე ნარგავების შეძენა, დარგვა და გამწვანების ზოლებში სხვა დეკორატიული მცენარეების განაშენიანება.

გ.თ) აბრების და მემორიალების მოწყობა-რეაბილიტაცია (პროგრამული კოდი 03 03 11)

პროგრამის ფარგლებში გათვალისწინებულია მემორიალებისა და საცხოვრებელი მისამართების აბრების მოწყობა.

გ.ი) კეთილმოწყობის სამსახურის ხელშეწყობა (პროგრამული კოდი 03 03 12)

პროგრამის ფარგლებში გათვალისწინებულია ქალაქის ქუჩების დაგვა-დასუფთავება, მოსახლეობიდან, ორგანიზაციებიდან და სასაფლაოდან საყოფაცხოვრებო ნარჩენების გატანა, ურნების გათავისუფლება და სანიტარული დამუშავება (პერიოდულად); ქალაქის იერსახის შენარჩუნების და შემდგომი გაუმჯობესებისათვის ქალაქის ქუჩების, შენობების, ხიდების, შადრევნების გარე განათების სისტემის და შენობა-ნაგებობების დეკორატიული განათების მოწყობა-ექსპლოატაცია; ქალაქის სანიაღვრე არხების გაწმენდითი სამუშაოები; ქუჩების მოვლა ზამთრის სეზონზე; შადრევნების გაწმენდა და რეაბილიტაცია; ქალაქის ტერიტორიაზე განთავსებული ავტოსატრანსპორტო საშუალებების მოსაცდელების მოვლა-პატრონობა და რეაბილიტაცია; სკვერების და გაზონების მოვლა, მწვანე ნარგავების შეძენა, დარგვა და გამწვანების ზოლებში სხვა დეკორატიული მცენარეების განაშენიანება.

3. განათლება (პროგრამული კოდი 04 00)

მომავალი თაობების აღზრდის მიმართულებით დაწყებითი და ზოგადი განათლების გარდა, მნიშვნელოვანი როლი ენიჭება ასევე სკოლამდელ განათლებას, რაც თვითმმართველი ერთეულის საკუთარ უფლებამოსილებებს განეკუთვნება და შესაბამისად მუნიციპალიტეტის ერთ-ერთ პრიორიტეტს წარმოადგენს, რომლის ფარგლებში მომდევნო წლებში განხორციელდება საბავშვო ბაღების ფუნქციონირებისათვის საჭირო ხარჯების დაფინანსება და მათი რეაბილიტაცია.

ა) სკოლამდელი განათლების დაფინანსება (პროგრამული კოდი 04 01)

ქალაქ გორის მუნიციპალიტეტში ფუნქციონირებს 17 საბავშვო ბაგა-ბაღი, სადაც დაწყებით განათლებას იღებს საშუალოდ 2900 ბავშვი. სკოლამდელი დაწესებულებების დაფინანსება გათვალისწინებულია ვაუჩერული სისტემით, კერძოდ: იმ ბაგა-ბაღში სადაც ირიცხება 1-დან 30 ბავშვის ჩათვლით თითოეულ ბავშვზე 75 (სამოცდათხუთმეტი) ლარი თვეში, ხოლო იმ საბავშვო ბაგა–ბაღში, სადაც ირიცხება 30 ბავშვზე ზემოთ თითოეულ ბავშვზე 60(სამოცი) ლარი თვეში. იმ საბავშვო ბაგა–ბაღებში დაფინანსება, სადაც ირიცხება 10 და ნაკლები ბავშვი დაფინანსება მოხდეს არანაკლებ თვეში 800 (რვაასი) ლარით.

სუბსიდიის ფარგლებში გათვალისწინებულია №1, №2, №7, №12 და №18 სკოლამდელი აღზრდის დაწესებულებების ალტერნატიული ფართის საიჯარო ქირის გადასახადის დაფინანსება.

განსახორციელებელი პროექტების ფარგლებში დაგეგმილია საბავშვო ბაღების რეაბილიტაცია.

გათვალისწინებულია სუბსიდია სუხიშვილის ქუჩის მიმდებარე ტერიტორიაზე განთავსებული №20 საბავშვო ბაგა-ბაღის ინვენტარით აღჭურვისათვის 28 000 ლარის ოდენობით.

ბ) მოსწავლე ახალგაზრდობის წახალისებისა და სკოლებში კლასგარეშე აქტივობების თანადაფინანსების პროგრამა (პროგრამული კოდი 04 02)

პროგრამის ფარგლებში გათვალისწინებულია ქალაქ გორის მუნიციპალიტეტის საჯარო სკოლებში კლასგარეშე აქტივობების განხორციელების, აქტუალური თემებისა და პროექტების წარმოწევისა და მათი დაგეგმვა-პრეზენტაციის, მოსწავლე-ახალგაზრდობაში ცნობიერებისა და მოტივაციის ამაღლების ხელშეწყობა, ქალაქ გორის მუნიციპალიტეტის მერიისა და საჯარო სკოლების ურთიერთთანამშრომლობა და კოორდინაცია. აგრეთვე, დამამთავრებელი კლასების წარჩინებული მოსწავლეების ფინანსური წახალისება (ეროვნულ გამოცდების შედეგების გათვალისწინებით).

4. კულტურა, რელიგია, ახალგაზრდობის ხელშეწყობა და სპორტი (პროგრამული კოდი 05 00)

მუნიციპალიტეტის ინფრასტრუქტურული და ეკონომიკური განვითარების პარალერულად აუცილებელია კულტურული ტრადიციების დაცვა და ღირსეული გაგრძელება. ამასთანავე, ერთ-ერთი პრიორიტეტია ახალგაზრდების მრავალმხრივი (როგორც სულიერი, ისე ფიზიკური თვალსაზრისით) განვითარების ხელშეწყობა და მათში ცხოვრების ჯანსაღი წესის დამკვიდრება. შესაბამისად, მუნიციპალიტეტი განაგრძობს კულტურული პროექტების ფინანსურ მხარდაჭერას, წარმატებული სპორტსმენების ხელშეწყობას და შესაბამისი პირობების შექმნას, რათა ნიჭიერმა ბავშვებმა და ახალგაზრდებმა შეძლონ მათი სპორტული შესაძლებლობების გამოვლენა.

ა) სპორტის განვითარების ხელშეწყობა (პროგრამული კოდი 05 01)

პროგრამის ფარგლებში დაგეგმილია სპორტული სკოლების ფუნქციონირების ხელშეწყობა მომავალი სპორტული თაობის აღსაზრდელად. ასევე განხორციელდება სხვადასხვა სპორტული ორგანიზაციების ფინანსური მხარდაჭერა ნიჭიერი სპორტსმენების აღზრდისა და წახალისების მიზნით. გაიმართება სხვადასხვა სპორტული შეჯიბრებების დაფინანსება სპორტული ცენტრის მეშვეობით, რომელიც უზრუნველყოფს სპორტული შეჯიბრებების ორგანიზებას.

ა.ა) სპორტული ღონისძიებების დაფინანსება (პროგრამული კოდი 05 01 01)

მუნიციპალიტეტის ტერიტორიაზე მოღვაწეობს მრავალი წარმატებული ადამიანი, რომელთა საქმიანობა მიმართულია სპორტული ცხოვრებისაკენ. მუნიციპალიტეტი ახორციელებს წარმატებული სპორტსმენების ხელშეწყობას და შესაბამისი პირობების შექმნას, რათა ნიჭიერმა სპორტსმენებმა შეძლონ მათი სპორტული შესაძლებლობების გამოვლენა. ქვეპროგრამის ფარგლებში დაგეგმილია ჭიდაობის, კრივის და ფეხბურთის სფეროში წარმატებული სპორტსმენების და მწვრთნელების წახალისება.

ა.ბ) სპორტული სკოლების ხელშეწყობა (პროგრამულიკოდი 05 01 02)

ქვეპროგრამის ფარგლებში დაგეგმილია „ქ. გორის მუნიციპალიტეტის მერიის შოთა ჩოჩიშვილის სახელობის ცენტრალური სასპორტო სკოლის“, „ქ.გორის მუნიციპალიტეტის მერიის ავთანდილ შოშიაშვილის სახელობის კრივის სპეციალიზებული სპორტული სკოლის“ და „ქ. გორის მუნიციპალიტეტის მერიის გურამ პაპიტაშვილის სახელობის ჭიდაობის კომპლექსური სპორტული სკოლის“ ფუნქციონირების ხელშეწყობა, რათა მათ ქონდეთ შესაძლებლობა მომავალი სპორტული თაობის აღსაზრდელად. მოსწავლეები აქტიურად მონაწილეობენ კალენდარულ ტურნირებში და აღწევენ მაღალ შედეგებს.

ა.გ) საჭიდაო დარბაზის მშენებლობა (პროგრამული კოდი 05 01 03)

სპორტული ტრადიციებიდან გამომდინარე ქალაქში ჭალა-წყაროსუბნის დასახლების ტერიტორიაზე აშენდა საჭიდაო დარბაზი, რომელიც ხელს შეუწყობს არა მარტო ტრადიციების შენარჩუნებას, არამედ გაზრდის ამ სახეობის სპორტსმენთა რაოდენობას და სპორტულ შედეგებს. პროგრამის ფარგლებში გათვალისწინებულია საჭიდაო დარბაზის არაკომერციულ(არასამწარმეო) იურიდიულ პირად დაფუძნება და მისი ფუნქციონირებისათვის ფინანსური ხელშეწყობა.

ა.დ) ა(ა)იპ „ქ. გორის მუნიციპალიტეტის მერიის საცურაო აუზის“ (საიდენტიფიკაციო კოდი-218081625) შენობის რეაბილიტაცია და მოცურავე თანრიგოსან ბავშვთა ხელშეწყობა (პროგრამული კოდი 05 01 04)

ცურვის მიმართულებით გამორჩეული სპორტული მონაცემების მქონე მოზარდთა სპორტული წარმატებების გაუმჯობესების მიზნით დაგეგმილია თანრიგოსან მოცურავეთა ხელშეწყობა.

განსახორციელებელი პროექტების ფარგლებში დაგეგმილია საცურაო აუზის შენობის რეაბილიტაცია.

ა.ე) ა(ა)იპ „ქალაქ გორის მუნიციპალიტეტის მერიის თენგიზ ბურჯანაძის სახელობის საფეხბურთო კლუბი დილა GEORGIA Gori CITY HALL Municipality NLP Football Club DILA under Tengiz Burjanadze“-ს (საიდენტიფიკაციო კოდი-417874973) ხელშეწყობა (პროგრამული კოდი 05 01 05)

ქვეპროგრამის ფარგლებში დაგეგმილია კლუბთან არსებული საფეხბურთო სკოლის ადმინისტრაციის მიმდინარე ხარჯების სუბსიდირება. კლუბთან ფუნქციონირებს ბავშვთა და მოზარდთა საფეხბურთო სპორტული სკოლა და სტადიონი, რომელთა მიზანია ბავშვთა და მოზარდთა მაქსიმალური რაოდენობის ჩაბმა სპორტულ ცხოვრებაში, ინტელექტუალური და სპორტული დონის ამაღლება აღსაზრდელებში, პერსპექტიული სპორტსმენების მზადება ნაკრები გუნდებისათვის და სათამაშო სპორტული ღონისძიებების მომზადება და ჩატარება.

ა.ვ) სპორტული ცენტრის ხელშეწყობა (პროგრამული კოდი 05 01 06)

ქვეპროგრამის ფარგლებში დაგეგმილია სპორტული ცენტრის აღჭურვა საჭირო მატერიალურ-ტექნიკური ბაზით, რათა სრულად განახორციელოს სპორტული ღონისძიებების ხელშეწყობა და სპორტული შეკრებების ორგანიზება.

ა.ზ) ა(ა)იპ „ქ. გორის მუნიციპალიტეტის მერიის საცურაო აუზის“(საიდენტიფიკაციო კოდი-218081625) ხელშეწყობა (პროგრამული კოდი 05 01 07)

ქვეპროგრამის ფარგლებში დაგეგმილია სპორტსმენი მოცურავეების შეჯიბრებებში მონაწილეობის ორგანიზება.

ბ) კულტურის განვითარების ხელშეწყობა (პროგრამული კოდი 05 02)

ქვეპროგრამის ფარგლებში მუნიციპალიტეტი ახორციელებს სამუსიკო სკოლის და სამხატვრო სკოლის დაფინანსებას, რითაც ხელს უწყობს მოსწავლეთა მიერ მუსიკალური განათლების მიღებას სრული კურსით და უზრუნველყოფს მათი ფუნქციონირებისათვის საჭირო მატერიალური და ფინანსური ბაზის შექმნას. მუნიციპალიტეტი კულტურული ტრადიციების დაცვის მიზნით პროგრამის ფარგლებში აგრძელებს საჯარო ბიბლიოთეკის, კულტურულ-საგანმანათლებლო ცენტრის, ისტორიულ-ეთნოგრაფიული მუზეუმის, გორის სახელმწიფო დრამატული თეატრის, მუსიკალური კოლექტივების, მწერალთა და საგამომცემლო საქმიანობის და დასვენების ობიექტების ფინანსურ მხარდაჭერას, გეგმავს სხვადასხვა კულტურული ღონისძიებების ხელშეწყობას, მათ შორის სადღესასწაულო დღეებში სხვადასხვა გასართობი და სანახაობრივი ღონისძიებების დაფინანსებას.

ბ.ა) კულტურული ღონისძიებების დაფინანსება (პროგრამული კოდი 05 02 01)

ქვეპროგრამის ფარგლებში გათვალისწინებულია საახალწლოდ ატრაქციონის ქირავნობა(ვალდებულების ფარგლებში).

ბ.ბ) სახელოვნებო სკოლების ხელშეწყობა (პროგრამული კოდი 05 02 02)

ქვეპროგრამის ფარგლებში მუნიციპალიტეტი ახორციელებს სამუსიკო სკოლის და სამხატვრო სკოლის დაფინანსებას, რითაც ხელს უწყობს მოსწავლეთა მიერ შესაბამისი განათლების მიღებას სრული კურსით და უზრუნველყოფს მათი ფუნქციონირებისათვის საჭირო მატერიალური და ფინანსური ბაზის შექმნას.

ბ.გ) საჯარო ბიბლიოთეკის ხელშეწყობა (პროგრამული კოდი 05 02 03)

ქვეპროგრამის ფარგლებში ხორციელდება მუნიციპალიტეტის მიერ ინტელექტუალური დონის ამაღლების, ბიბლიოთეკის კულტურულ ფასეულობათა შენარჩუნების, გამდიდრების და მათი საგანგებო რეჟიმით დაცვის ხელშეწყობა. ასევე მატერიალურ-ტექნიკური ბაზის განმტკიცება და არსებული წიგნადი ფონდის შევსება თანამედროვე ლიტერატურით.

ბ.დ) მოსწავლე-ახალგაზრდობის კულტურულ-საგანმანათლებლო ცენტრის ხელშეწყობა (პროგრამული კოდი 05 02 04)

ქვეპროგრამის ფარგლებში მუნიციპალიტეტი ახორციელებს ახალგაზრდებისათვის იმ ცოდნისა და ქცევის ნორმების შეძენას რაც უზრუნველყოფს მათ მზადყოფნას ყოველდღიური ცხოვრებისათვის, ხელს უწყობს მოზარდთა ინტერესების შესაბამისად სამეცნიერო-შემოქმედებითი, მოქალაქეობრივი და ესთეტიკური მიმართულებებით მოქნილი პროგრამების შემუშავება-განხორციელებას და აქტიური ინტელექტუალური ახალგაზრდების გამოვლენას. ასევე პროგრამა ხელს უწყობს მოსახლეობის სადღესასწაულო განწყობის ამაღლებას, ქართული კულტურისა და ტრადიციების შენარჩუნებას. ცენტრი უზრუნველყოფს სხვადასხვა სადღესასწაულო დღეებში გასართობი სანახაობრივი ღონისძიებების ორგანიზებას.

ბ.ე) გორის ისტორიულ-ეთნოგრაფიული მუზეუმის ხელშეწყობა (პროგრამული კოდი 05 02 05)

ქვეპროგრამის ფარგლებში დაგეგმილია გორის ისტორიულ-ეთნოგრაფიული მუზეუმის დაფინანსება, რომელიც უზრუნველყოფს ეროვნული საგანძურის დაცვას, სამუზეუმო ექსპონატების გამოფენას, მოძიებას, კვლევა-შენახვასა და სამეცნიერო შესწავლას.

ბ.ვ) ტურიზმის საინფორმაციო ცენტრის ხელშეწყობა (პროგრამული კოდი 05 02 06)

ქვეპროგრამის ფარგლებში გათვალისწინებულია ტურიზმის საინფორმაციო ცენტრის შენობის დაცვა.

ბ.ზ) ქ. გორის მუნიციპალიტეტის მერიის მწერალთა სახლის(საიდენტიფიკაციო კოდი-218079424) ხელშეწყობის ღონისძიებები (პროგრამული კოდი 05 02 07)

ქვეპროგრამის ფარგლებში ხორციელდება ლიტერატურული კონსულტაციების გაცემა, მწერალთა შემოქმედებითი საღამოების ორგანიზება, ლიტერატურული ნაშრომების პრეზენტაცია, მწერალთა შემოქმედების პოპულარიზაცია ბეჭდვითი და ელექტრონული გამოცემების მეშვეობით.

ბ.თ) მუნიციპალიტეტის გაზეთ „გორის მაცნეს“ საქმიანობის ხელშეწყობა (პროგრამული კოდი 05 02 08)

ქვეპროგრამის ფარგლებში მუნიციპალიტეტი უზრუნველყოფს ადგილობრივი საინფორმაციო გაზეთის „გორის მაცნეს“ ყოველკვირეული გამოცემის ხელშეწყობას, რომელიც მოსახლეობას აცნობს მუნიციპალიტეტის ტერიტორიაზე განვითარებულ მოვლენებს, მიღწეულ წარმატებებს და სიახლეებს სხვადასხვა სფეროში.

ბ.ი) გორის ციხის მიმდებარე ტერიტორიის დაცვა (პროგრამული კოდი 05 02 09)

ქვეპროგრამის ფარგლებში ხორციელდება მიმდებარე ტერიტორიაზე არსებული ნაგებობების დაცვა.

ბ.კ) კულტურული ღონისძიებების პროექტების ხელშეწყობა და თანადაფინანსების პროგრამა (პროგრამული კოდი 05 02 10)

ქვეპროგრამის ფარგლებში მუნიციპალიტეტი აცხადებს მზადყოფნას საქართველოში ან/და სხვა სახელმწიფოში არსებული: არასამთავრობო ორგანიზაციების და მოქალაქეთა საინიციატივო ჯგუფების მიერ წარმოდგენილი პროექტების თანადაფინანსების განსახორციელებლად, რომელიც ემსახურება კულტურული სფეროს გაუმჯობესებას.

ბ.ლ) გორის გიორგი ერისთავის სახელობის პროფესიული სახელმწიფო დრამატული თეატრის ხელშეწყობა (პროგრამული კოდი 05 02 11)

ქვეპროგრამის ფარგლებში ხორციელდება მსოფლიო და ეროვნულ ღირებულებათა განვითარების მიზნით მაღალხარისხოვანი სპექტაკლების დადგმა, მათი მეშვეობით თეატრალური ხელოვნების პროპაგანდა და მოსახლეობის ფართო ფენების მხატვრული აღზრდა, თეატრალური ხელოვნების განვითარება და ტრადიციების აღორძინება.

ბ.მ) მუსიკალური კოლექტივების ხელშეწყობა (პროგრამული კოდი 05 02 12)

ქვეპროგრამის ფარგლებში მუნიციპალიტეტში დაგეგმილია სიმღერისა და ცეკვის ფოლკლორული ანსამბლ „გორის“ და ქალთა კამერული გუნდის ფინანსური მხარდაჭერა, რადგან მათ მიერ ხდება ქართული სამუსიკო ტრადიციების პოპულარიზაცია, როგორც მთელ საქართველოში ისე მის ფარგლებს გარეთ ჩატარებული მრავალი წარმატებული კონცერტის მეშვეობით.

ბ.ნ) ა(ა)იპ ქალაქ გორის მუნიციპალიტეტის მერიის კულტურისა და დასვენების პარკ „ახალბაღის“ (საიდენტიფიკაციო კოდი-417873769) ხელშეწყობა (პროგრამული კოდი 05 02 13)

ქვეპროგრამის ფარგლებში გათვალისწინებულია სუბსიდია ა(ა)იპ-ქალაქ გორის მუნიციპალიტეტის მერიის კულტურისა და დასვენების პარკ „ახალბაღის“ ადმინისტრაციული ხარჯებისათვის, რომელიც ახორციელებს დამსვენებლების მომსახურებას სხვადასხვა გასართობი საშუალებებით.

გ) ახალგაზრდული პროგრამების დაფინანსება (პროგრამული კოდი 05 03)

პროგრამის ფარგლებში დაგეგმილია მომავალი თაობის ფიზიკური გაჯანსაღების მიზნით ტურისტული ლაშქრობების და ალპინიადების მოწყობა.

გ.ა) ა(ა)იპ ქ. გორის მუნიციპალიტეტის ტურისტული განვითარების სააგენტოს (საიდენტიფიკაციო კოდი-218071084) ხელშეწყობა (პროგრამული კოდი 05 03 01)

ქვეპროგრამის ფარგლებში გათვალისწინებულია მოსწავლე-ახალგაზრდობის ფიზიკური გაჯანსაღების მიზნით მოსწავლეთა მონაწილეობის ორგანიზება ტურისტულ ლაშქრობებში და ალპინიადებში.

5. მოსახლეობის ჯანმრთელობის დაცვა და სოციალური უზრუნველყოფა (პროგრამული კოდი 06 00)

მოსახლეობის ჯანმრთელობის დაცვის ხელშეწყობა და მათი სოციალური დაცვა მუნიციპალიტეტის ერთ-ერთ მთავარ პრიორიტეტს წარმოადგენს. მუნიციპალიტეტი არსებული რესურსების ფარგლებში განაგრძობს სოციალურად დაუცველი მოსახლეობის სხვადასხვა დახმარებებით და შეღავათებით უზრუნველყოფას. ერთიანი სახელმწიფო პოლიტიკის ფარგლებში გაგრძელდება საზოგადოებრივი ჯანმრთელობის დაცვის მიზნით ადგილობრივ დონეზე სხვადასხვა ღონისძიებების განხორციელება, რაც უზრუნველყოფს არა მხოლოდ მუნიციპალიტეტის, არამედ მთელი ქვეყნის მოსახლეობის ჯანმრთელობის დაცვას სხვადასხვა გადამდები და ინფექციური დაავადებებისაგან.

ა) საზოგადოებრივი ჯანდაცვის მომსახურება (პროგრამული კოდი 06 01)

პროგრამა ითვალისწინებს სახელმწიფო ბიუჯეტიდან გამოყოფილი მიზნობრივი ტრანსფერის ფარგლებში „საზოგადოებრივი ჯანმრთელობის შესახებ“ საქართველოს კანონით განსაზღვრული ფუნქციების დაფინანსებას, კერძოდ:

-არსებობის შემთხვევაში ცოფის კერის ლიკვიდაცია და დაკბენილი მოსახლეობის ზუსტი აღრიცხვა, სასწრაფო შეტყობინების სისტემის დახვეწა და გაუმჯობესება;

-დაავადებათა გავრცელების ეტაპობრივი შემცირება მისი კონტროლის გზით. ეპიდსიტუაციის გამწვავების დროული გამოვლენის ხელშეწყობა და მათზე სწრაფი რეაგირება, პროფილაქტიკურ ღონისძიებათა გატარება;

-მუნიციპალიტეტის მოსახლეობაში არაგადამდებ დაავადებათა პრევენციის და ჯანმრთელობაზე მავნე ფაქტორების ზემოქმედებაზე მოსახლეობის ინფორმირების გზით ჯანმრთელობის დაცვის ხელშეწყობა;

-სადერატიზაციო სამუშაოების ჩატარება საცხოვრებელი სახლების სარდაფებსა და ბუნკერებში (კერძო სექტორის გარდა) და ამის საფუძველზე ქალაქში ეპიდსიტუაციის გაუმჯობესება;

-ჯანმრთელობისათვის მნიშვნელოვანი ინფექციური და არაგადამდები დაავადებებისა და მასობრივი მოშხამვების, აგრეთვე პროფესიული დაავადებების თავიდან აცილება;

-მუნიციპალიტეტში არსებული სანიტარულ-ჰიგიენური მდგომარეობის მონიტორინგი, მოსახლეობისათვის ჯანსაღი გარემოს შექმნის ხელშეწყობის მიზნით მუნიციპალიტეტის დასახლებულ ტერიტორიებზე ადამიანისათვის საშიში და შხამიანი ცხოველების ცხოველმყოფელობის დადგენისა და გაუვნებელყოფის ღონისძიებები.

ბ) მიუსაფარ ცხოველთა თავშესაფარი (პროგრამულიკოდი 06 02)

მოსახლეობისათვის ჯანსაღი გარემოს შექმნის ხელშეწყობის მიზნით პროგრამის ფარგლებში იგეგმება მუნიციპალიტეტის დასახლებულ ტერიტორიებზე ადამიანისათვის საშიში და ცხოველების ცხოველმყოფელობის დადგენისა და გაუვნებელყოფის ღონისძიებები.

მიუსაფარი ცხოველების იზოლირება და სატრანსპორტო საშუალებების მიერ დაღუპული ცხოველის გვამების სპეციალურ ადგილებზე გატანა და დამარხვა.

გ) მოსახლეობის სოციალური უზრუნველყოფა (პროგრამული კოდი 06 03)

პროგრამის ფარგლებში დაგეგმილია მუნიციპალიტეტის ტერიტორიაზე მცხოვრები მოსახლეობის სხვადასხვა ფენებისათვის გარკვეული შეღავათებითა და სოციალური დახმარებებით უზრუნველყოფა, სახელმწიფო ბიუჯეტიდან გამოყოფილი მიზნობრივი ტრანსფერის ფარგლებში კანონმდებლობით გათვალისწინებული სარიტუალო მომსახურების ხარჯების ანაზღაურება, დემოგრაფიული მდგომარეობის გაუმჯობესების მიზნით მრავალშვილიანი ოჯახების დახმარება და სხვა სოციალური ღონისძიებები, რომლებიც მთლიანობაში უზრუნველყოფენ მუნიციპალიტეტის მოსახლეობის სოციალური მდგომარეობის გაუმჯობესებას.

გ.ა) ასი და მეტი წლის უხუცესთა დახმარების პროგრამა (პროგრამულიკოდი 06 03 02)

ქვეპროგრამის ფარგლებში გათვალისწინებულია ქალაქ გორის მუნიციპალიტეტის ადმინისტრაციულ საზღვრებში რეგისტრირებული 100 (ასი) და მეტი წლის ასაკის უხუცესების ერთჯერადი დახმარება 500 (ხუთასი) ლარის ოდენობით.

გ.ბ) დედ-მამით ობოლი ბავშვების დახმარება (პროგრამული კოდი 06 03 03)

ქვეპროგრამის ფარგლებში გათვალისწინებულია:

დედ-მამით ობოლ 0–დან 18 წლის ჩათვლით პაციენტის დახმარება ერთჯერადად სტაციონარული მკურნალობისათვის არაუმეტეს 700 (შვიდასი) ლარისა. დედ-მამით ობოლი ბავშვების დახმარება ერთჯერადად ყოველ ბავშვზე 800 (რვაასი) ლარის ოდენობით.

გ.გ) მრავალშვილიანი ოჯახების დახმარება (პროგრამული კოდი 06 03 04)

ქვეპროგრამის ფარგლებში გათვალისწინებულია:

ერთჯერადი დახმარება თითო ბავშვზე 100 (ასი) ლარის ოდენობით ოჯახებისათვის, რომელთაც ჰყავთ 4 და მეტი შვილი 0-დან 18 წლის ჩათვლით.

გ.დ) ცერებრალური დამბლით, დაუნის სინდრომით და აუტიზმით დაავადებული სოციალურად დაუცველი და დევნილი ბავშვების სამკურნალო-სარეაბილიტაციო და სოციალური დახმარება (პროგრამული კოდი 06 03 06)

ქვეპროგრამის ფარგლებში გათვალისწინებულია:

ცერებრალური დამბლით, დაუნის სინდრომით და აუტიზმით დაავადებული ბავშვების (0-დან 18 წლამდე) დახმარება: ოპერაციული მკურნალობის ამბულატორიული, სტაციონარული და სარეაბილიტაციო ღონისძიებებისათვის ერთჯერადად თანადაფინანსება არაუმეტეს 500 (ხუთასი) ლარის ოდენობით.

თითოეულ ბავშვზე 12 საცურაო–გამაჯანსაღებელი პროცედურის დაფინანსება ქ. გორის მუნიციპალიტეტის მერიის საცურაო აუზზე.

ცერებრალური დამბლით, დაუნის სინდრომით და აუტიზმით დაავადებული ბავშვების სოციალური დახმარება ერთჯერადად 250 (ორასორმოცდაათი) ლარის ოდენობით.

ცერებრალური დამბლით და დაუნის სინდრომით დაავადებულ პაციენტებს (8 წლის ზევით), სოციალური დახმარება გაეწევათ ერთჯერადად 200 (ორასი) ლარის ოდენობით.

გ.ე) მიცვალებულთა სარიტუალო მომსახურება (პროგრამული კოდი 06 03 07)

ქვეპროგრამის ფარგლებში დაგეგმილია:

მუნიციპალიტეტში რეგისტრირებულ მეორე მსოფლიოს ომის მონაწილეთა, საქართველოს ტერიტორიული მთლიანობისათვის მებრძოლთა, ავღანეთის ომის მონაწილეთა და იძულებით გადაადგილებულ პირთა დაკრძალვის ხარჯების ანაზღაურება, თითოეულ ბენეფიციარზე 250(ორასორმოცდაათი) ლარის ოდენობით (მიზნობრივი ტრანსფერის ფარგლებში);

მუნიციპალიტეტის ტერიტორიაზე მცხოვრებ უპატრონო მიცვალებულთა დაკრძალვის ხარჯების ანაზღაურება, თითოეულ ბენეფიციარზე 250 (ორასორმოცდაათი) ლარის ოდენობით;

გ.ვ) სპორტსმენებისა და სტუდენტების დახმარება (პროგრამული კოდი 06 03 09)

ქვეპროგრამის ფარგლებში გათვალისწინებულია:

აკრედიტებული უმაღლესი სასწავლებლის სწავლის საფასურის თანადაფინანსება ერთჯერადად 500 (ხუთასი) ლარის ოდენობით სტუდენტებისათვის, რომლებიც არ სარგებლობენ სხვა სახელმწიფო პროგრამით, არ აქვთ მოპოვებული სახელმწიფო გრანტი, დედ-მამით ობოლი, მარჩენალდაკარგული და მრავალშვილიანი (4 და მეტი შვილი 18 წლის ჩათვლით) ოჯახებიდან, სოციალურად დაუცველი ოჯახებიდან, რომელთაც აქვთ მინიჭებული სარეიტინგო ქულა 0-დან 57 000-ის ჩათვლით.

გ.ზ) სოციალურად დაუცველი მოსახლეობის სამედიცინო დახმარება (პროგრამული კოდი 06 03 10)

ქვეპროგრამის ფარგლებში დაგეგმილია ერთჯერადი დახმარება:

სოციალურად დაუცველ მოქალაქეებს, რომელთაც ესაჭიროებათ სამედიცინო კვლევა, რაც არ არის გათვალისწინებული სხვა პროგრამით და გააჩნიათ 0-დან 70000-ის ჩათვლით სარეიტინგო ქულა, დაფინანსება განისაზღვროს 150 (ასორმოცდაათი) ლარის ოდენობით.

სოციალურად დაუცველ მოქალაქეებს, რომელთაც გააჩნია 0-დან 100 000-ის ჩათვლით სარეიტინგო ქულა, სამედიცინო დახმარების თანადაფინანსება განისაზღვროს პაციენტის მხრიდან გადასახდელი თანხით, არაუმეტეს 500 (ხუთასი) ლარით.

სოციალურად დაუცველ მოქალაქეებს, რომელთაც გააჩნია 0-დან 70 000-ის ჩათვლით სარეიტინგო ქულა, „C“ ჰეპატიტის ელიმინაციის პროგრამასთან დაკავშირებული სამედიცინო კვლევების თანადაფინანსება მერიის მხრიდან განისაზღვროს საწყისი ღირებულების 30%-ით.

იმ მოქალაქეებს, რომელთაც „C“ ჰეპატიტის ელიმინაციის პროგრამასთან დაკავშირებული სამედიცინო კვლევები უფინანსდებათ 30%-ით, თანადაფინანსება მერიის მხრიდან განისაზღვროს საწყისი ღირებულების 50%-ით.

გ.თ) ონკოლოგიური ავადმყოფების სამედიცინო დახმარება (პროგრამული კოდი 06 03 11)

ქვეპროგრამის ფარგლებში გათვალისწინებულია:

უფასო მედიკამენტებით დახმარება ონკოლოგიურ ავადმყოფებს გაეწევათ ერთჯერადად არა უმეტეს 300 (სამასი) ლარის ოდენობით.

ონკოლოგიური ავადმყოფების სამედიცინო კვლევა, რომელიც არ არის გათვალისწინებული სხვა პროგრამით, კვლევის თანადაფინანსება განისაზღვროს წარმოდგენილი ღირებულებით არაუმეტეს 300 (სამასი) ლარის ოდენობით.

ონკოლოგიური ავადმყოფების სამედიცინო სტაციონარული მომსახურების თანადაფინანსება განისაზღვროს არსებული სამედიცინო მომსახურების პაციენტის მხრიდან გადასახდელი თანხით, არაუმეტეს 500 (ხუთასი) ლარის ოდენობით.

გ.ი) სკოლიოზით დაავადებული ბავშვების სამკურნალო-სარეაბილიტაციო დახმარება (პროგრამული კოდი 06 03 12)

ქვეპროგრამის ფარგლებში გათვალისწინებულია:

II და III ხარისხის სკოლიოზით დაავადებული 18 წლამდე ბავშვების დაფინანსება, რომელთა ოჯახსაც გააჩნიათ 0-დან 100000-ის ჩათვლით სარეიტინგო ქულა, ამ დაავადებათა მკურნალობის ფარგლებში ერთჯერადად განსაზღვრულია თანადაფინანსება არაუმეტეს 500 (ხუთასი) ლარისა.

დაფინანსება საცურაო აუზზე II და III ხარისხის სკოლიოზით დაავადებული ბავშვებისა 18 წლამდე, რომელთა ოჯახსაც გააჩნიათ 0-დან 100000-ის ჩათვლით სარეიტინგო ქულა, თითოეულ ბავშვს დაუფინანსდეს ერთთვიანი საცურაო-გამაჯანსაღებელი კურსი გორის საცურაო აუზზე თვეში 12 პროცედურა (კვირაში 3 დღე).

გ.კ) სოციალური პროექტების თანადაფინანსება (პროგრამული კოდი 06 03 13)

ქვეპროგრამის ფარგლებში დაგეგმილია:

საბიუჯეტო, არასამთავრობო, არარეგისტრირებული კავშირების, არასამეწარმეო და სხვა ორგანიზაციების თანადაფინანსება, რომლებიც საკუთარი სახსრებით ან დონორი ორგანიზაციებიდან გრანტის მიღების გზით მოახდენენ წილობრივ თანადაფინანსებას და პროექტის განხორციელებით ხელს შეუწყობენ მუნიციპალიტეტის ტერიტორიაზე სოციალური მდგომარეობის გაუმჯობესებას. ასევე მუნიციპალიტეტის მონაწილეობა ჯანდაცვისა და სოციალურ სფეროში ჩატარებულ საქველმოქმედო ღონისძიებებში.

გ.ლ) უფასო მედიკამენტებით უზრუნველყოფა (პროგრამული კოდი 06 03 14)

ქვეპროგრამის ფარგლებში დაგეგმილია:

მუნიციპალიტეტში რეგისტრირებული ეპილეფსიით, პარკინსონიზმით, ბრონქიალური ასთმით დაავადებული; გულის იშემიური დაავადების მქონე სიღარიბის ზღვარს მიღმა მყოფი პაციენტების, რომელთაც გააჩნიათ 0-დან 57 000-ის ჩათვლით სარეიტინგო ქულა და შაქრიანი დიაბეტით, ტიპი II (ინსულინ-დამოუკიდებელი) ფორმით დაავადებული სიღარიბის ზღვარს მიღმა მყოფი პაციენტების, რომელთაც გააჩნიათ 0-დან 57000-ის ჩათვლით სარეიტინგო ქულა, ერთჯერადი დახმარება არაუმეტეს 100 (ასი) ლარის ოდენობით, ამ მუხლში აღნიშნულ დაავადებათა მკურნალობის ფარგლებში.

გ.მ) ხანძრებისა და სტიქიური მოვლენების შედეგად უსახლკაროდ დარჩენილი ოჯახების დახმარება (გარდა განზრახ და უხეში გაუფრთხილებლობით წარმოშობილი ხანძრისა) (პროგრამული კოდი 06 03 15)

ქვეპროგრამის ფარგლებში გათვალისწინებულია:   

ხანძრებისა (გარდა განზრახ და უხეში გაუფრთხილებლობით წარმოშობილი ხანძრისა) და სტიქიური მოვლენების შედეგად საცხოვრებელ ბინებზე მიყენებული ზარალისათვის დაზარალებული ოჯახების ერთჯერადი ფულადი დახმარება დამდგარი ზიანის მიხედვით, მაგრამ არაუმეტეს 1750 (ათასშვიდასორმოცდაათი) ლარისა.

გ.ნ) საქართველოს თავისუფლებისა და ტერიტორიული მთლიანობისთვის მებრძოლთა (ვეტერანთა) ოჯახების სოციალური დახმარება (პროგრამული კოდი 06 03 16)

ქვეპროგრამის ფარგლებში გათვალისწინებულია:

საქართველოს თავისუფლებისა და ტერიტორიული მთლიანობისათვის მებრძოლი შეზღუდული შესაძლებლობის მქონე პირების, ომის შედეგად გარდაცვლილთა ოჯახების, მეორე მსოფლიო ომის მონაწილეების დახმარება 200 (ორასი) ლარის ოდენობით.

სადღესასწაულო დღეებთან დაკავშირებით საქართველოს თავისუფლებისა და ტერიტორიული მთლიანობისათვის მებრძოლი შეზღუდული შესაძლებლობის მქონე პირების დახმარება 150 (ასორმოცდაათი) ლარის ოდენობით საქართველოს დამოუკიდებლობის დღისათვის - 26 მაისისათვის და მეორე მსოფლიო ომის მონაწილეების დახმარება 100 (ასი) ლარის ოდენობით ფაშიზმზე გამარჯვების დღისთვის - 9 მაისისთვის.

გ.ო) რეინტეგრაციაში მყოფი ბავშვების დახმარება (პროგრამული კოდი 06 03 17)

ქვეპროგრამის ფარგლებში გათვალისწინებულია:

ყოველთვიური დახმარება თითოეულ ბავშვზე 80 (ოთხმოცი) ლარის ოდენობით.

გ.პ) კრიზისულ მდგომარეობაში მყოფი მარტოხელა პენსიონერების დახმარება (პროგრამული კოდი 06 03 18)

ქვეპროგრამის ფარგლებში გათვალისწინებულია:

სიღარიბის ზღვარს მიღმა/ზღვარზე მყოფი (0-დან 70000 ქულის მქონე) და შეზღუდული შესაძლებლობის მქონე პირების(ბენეფიციარების) დახმარება გადაუდებელი საჭიროებების დაკმაყოფილების მიზნით საქონლის გადაცემის ფორმით ან ფულადი დახმარებით არა უმეტეს 100 (ასი) ლარის ოდენობით შემდეგ პირველად საჭირობაზე: საკვები, პირადი მომსახურების ნივთები, ჰიგიენის საშუალებები, საყოფაცხოვრებო ნივთები.

გ.ჟ) მარტოხელა დედების დახმარება (პროგრამული კოდი 06 03 19)

ქვეპროგრამის ფარგლებში გათვალისწინებულია:

გადაუდებელი საჭიროების დაკმაყოფილების მიზნით, ბენეფიციარებს ამ მუხლით დახმარება გაეწევათ საქონლის გადაცემის ფორმით, ან თანხობრივად - არაუმეტეს 100 (ასი) ლარის ოდენობით შემდეგ პირველად საჭიროებებზე: საკვები, პირადი მომსახურების ნივთები, ჰიგიენის საშუალებები, საყოფაცხოვრებო ნივთები.

გ.რ) სიღარიბის ზღვარს ქვემოთ მყოფი ოჯახებისათვის ზამთრის პერიოდში ფულადი დახმარება (პროგრამული კოდი 06 03 20)

ქვეპროგრამის ფარგლებში გათვალისწინებულია:

სოციალურად დაუცველი მოქალაქეების (0-დან 57000 სარეიტინგო ქულა) ზამთრის პერიოდში (4 თვე) ფულადი დახმარება 10 (ათი) ლარის ოდენობით.

გ.ს) მიუსაფარ პირთა და უკიდურესად მძიმე მდგომარეობაში მყოფი ოჯახების დახმარება (პროგრამული კოდი 06 03 21)

ქვეპროგრამის ფარგლებში გათვალისწინებულია:

განსაკუთრებულ შემთხვევებში, უკიდურესად მძიმე მდგომარეობაში მყოფი ოჯახების და მიუსაფარ პირთა დახმარება ურთჯერადი ფულადი ან საქონლის/მომსახურების გადაცემის გზით არაუმეტეს 1000 (ათასი) ლარისა.

გ.ტ) ბინათმესაკუთრეთა ამხანაგობების და ინდივიდუალური საცხოვრებელი სახლების მესაკუთრეთა გაერთიანებების თანადაფინანსება (პროგრამული კოდი 06 03 22)

სოციალურად დაუცველი ოჯახების (0-დან 70000-ის ჩათვლით), რომლებიც ინფრასტრუქტურულ პროექტში „ბინათმესაკუთრეთა ამხანაგობების და ინდივიდუალური საცხოვრებელი სახლების მესაკუთრეთა გაერთიანებების თანადაფინანსება“ მონაწილეობისას გადახდისუუნაროა, თანამონაწილეობის წილის დაფინანსებას სრულად უზრუნველყოფს მერია ამხანაგობის კავშირის მიერ გახსნილ საბანკო ანგარიშზე.

გ.უ) ოჯახში ძალადობის მსხვერპლთათვის (ბენეფიციარებისთვის) გადაუდებელი საჭიროების დაკმაყოფილების მიზნით დახმარების გაწევა (პროგრამული კოდი 06 03 23)

ქვეპროგრამის ფარგლებში დაგეგმილია ბენეფიციარების პირველადი დახმარება ეტაპობრივად შემდეგ პირველად საჭიროებებზე: საკვები, პირადი მოხმარების ნივთები, ჰიგიენის საშუალებები, ან ფულადი დახმარება არა უმეტეს 100 (ასი) ლარის ოდენობით.

გ.ფ) დასაქმებისა და ინვესტიციების მოზიდვის ხელშეწყობის მუნიციპალური პროგრამა (პროგრამული კოდი 06 04)

პროგრამა მიზნად ისახავს ხელი შეუწყოს როგორც მოქმედი მცირე მეწარმეების განვითარებას, ასევე ახალი, ნოვატორული ბიზნეს-იდეების განხორციელებას, რათა მათ სამომავლოდ თავად შეძლონ საკუთარი ბიზნესის განვითარება დამატებითი ინვესტიციების მოზიდვით.

პროგრამა ითვალისწინებს კონკურსის შედეგად გამოვლინდეს და დაფინანსდეს 6 საუკეთესო ბინზნეს-იდეა.

პროგრამით გათვალისწინებული იქნება პროექტებით დასაქმებულ ადამიანთა გადამზადება კვალიფიკაციის ამაღლების მიზნით და პროექტის ავტორის გადამზადება“.

ზ) დადგენილების მე-17 მუხლი ჩამოყალიბდეს შემდეგი რედაქციით:

მუხლი17. ქალაქ გორის მუნიციპალიტეტის ბიუჯეტის ასიგნებები

განისაზღვროს ქალაქ გორის მუნიციპალიტეტის ბიუჯეტის ასიგნებები საბიუჯეტო კლასიფიკაციის მიხედვით თანდართული რედაქციით: