„ყვარლის მუნიციპალიტეტის საკრებულოს აპარატის დებულების დამტკიცების შესახებ" ყვარლის მუნიციპალიტეტის საკრებულოს 2014 წლის 25 ივლისის №17 დადგენილებაში ცვლილების შეტანის შესახებ

1.   ყვარლის მუნიციპალიტეტის   საკრებულოს   აპარატის   დებულებას   დაემატოს   შემდეგი  შინაარსის  3¹ მუხლი:

„მუხლი 3¹. აპარატის ელექტრონული საქმისწარმოება

ა) საკრებულოში ხორციელდება ელექტრონული საქმისწარმოება;

ბ) ელექტრონული დოკუმენტბრუნვა საკრებულოში ხორციელდება „სახაზინო (საბიუჯეტო) დაწესებულებებში  საქმისწარმოების  ავტომატიზებული  სისტემის მინიმალური სტანდარტის დამტკიცების შესახებ“ საქართველოს მთავრობის 2012 წლის 21 თებერვლის №64 დადგენილების შესაბამისად;

გ) ელექტრონული დოკუმენტბრუნვა ხორციელდება სსიპ „საჯარო რეესტრის ეროვნული სააგენტოს“ ავტომატიზებული პროგრამის მეშვეობით;

დ)  საკრებულოს  საქმისწარმოებაში  გამოყენებული  ელექტრონული  დოკუმენტების  სახეები,  მათი გაფორმების  სტანდარტები  განისაზღვრება  სსიპ „საჯარო რეესტრის ეროვნული სააგენტოს“ ავტომატიზებული  დოკუმენტბრუნვის  პროგრამით,  აგრეთვე  ავტომატიზებული  ელექტრონული პროგრამით „მუნიციპალიტეტების მართვის სისტემა“;

ე)      საკრებულოს      ელექტრონულ      საქმისწარმოებას      დადგენილი      სტანდარტების      შესაბამისად უზრუნველყოფს საკრებულოს აპარატი“.

2.  საკრებულოს აპარატის დებულებას დაემატოს  შემდეგი შინაარსის მე-10 მუხლი:

„მუხლი 10. ელექტრონული საქმისწარმოების დანერგვა

1.  საკრებულოს   რეგლამენტის   5¹   მუხლით   განსაზღვრული   საქმისწარმოების   დანერგვის   მიზნით საკრებულოს აპარატმა უზრუნველყოს:

ა)    სსიპ    „საჯარო     რეესტრის     ეროვნული     სააგენტოს“     ავტომატიზებული     დოკუმენტბრუნვის ელექტრონული სისტემის დანერგვა 2015 წლის 31 დეკემბრამდე;

ბ)  ავტომატიზებული  პროგრამის  „მუნიციპალიტეტების  მართვის  სისტემა“ დანერგვა  2016  წლის  30 აპრილამდე;

გ)  საკრებულოს  აპარატის  მოხელეთა  სწავლება  ელექტრონული  საქმისწარმოების  ავტომატიზებული პროგრამის ეფექტიანი გამოყენების მიზნით.

2. ელექტრონული  საქმისწარმოების  დანერგვამდე  საკრებულოს  აპარატის  საქმის წარმოება  დასაშვებია დადგენილი წესით ქაღალდზე შესრულებული ბეჭდური დოკუმენტების მეშვეობით“.