ქალაქ ფოთის მუნიციპალიტეტის ტერიტორიაზე იმ ზონების განსაზღვრის შესახებ, სადაც I კლასს დაქვემდებარებულ შენობა-ნაგებობათა გარკვეული სახეობების განთავსება/მშენებლობა აკრძალულია

საქართველოს ორგანული კანონის „ადგილობრივი თვითმმართველობის კოდექსის“ 24-ე მუხლის მე-2 პუნქტის, „ნორმატიული აქტების შესახებ“ საქართველოს კანონის მე-20 მუხლის, „მშენებლობის ნებართვის  გაცემის წესისა და სანებართვო პირობების შესახებ“ საქართველოს მთავრობის 2009 წლის 24 მარტის №57 დადგენილების 65-ე მუხლის 2¹ პუნქტის შესაბამისად, ქალაქ ფოთის მუნიციპალიტეტის საკრებულო ადგენს:

1. ქალაქ ფოთის მუნიციპალიტეტის  ტერიტორიაზე:

ა) საზოგადოებრივ-საქმიან ზონაში აიკრძალოს I კლასს დაქვემდებარებულ შენობა-ნაგებობათა, კერძოდ: ჯიხურის, კიოსკის, პავილიონის, კონტეინერის განთავსება/მშენებლობა;

ბ) საცხოვრებელ ზონაში აიკრძალოს I კლასს დაქვემდებარებულ შენობა-ნაგებობათა, კერძოდ: ჯიხურის, კიოსკის, პავილიონის, კონტეინერის განთავსება/მშენებლობა, საერთაშორისო და შიდა სახელმწიფოებრივი მნიშვნელობის საავტომობილო გზის ღერძულა ხაზიდან 20 მეტრის მანძილზე, ხოლო ადგილობრივი მნიშვნელობის საავტომობილო გზის კიდიდან   5 მეტრის მანძილზე.

2. ქალაქ ფოთის მუნიციპალიტეტის მერის ნებართვით, დასაშვებია ქალაქ ფოთის მუნიციპალიტეტის  ტერიტორიაზე  I კლასს დაქვემდებარებული  შენობა-ნაგებობების, კერძოდ: საგაზეთო და ლატარიის ან/და მომგებიანი თამაშების ბილეთების რეალიზაციის ჯიხურის განთავსება/მშენებლობა.

ეს დადგენილება ამოქმედდეს გამოქვეყნებისთანავე.