„საქართველოს სახელმწიფო ახალგაზრდული პოლიტიკის განვითარების საკოორდინაციო საბჭოს შექმნისა და მისი დებულების დამტკიცების შესახებ“ საქართველოს მთავრობის 2013 წლის 17 მაისის №112 დადგენილებაში ცვლილების შეტანის თაობაზე

„მუხლი 1. „საქართველოს მთავრობის სტრუქტურის, უფლებამოსილებისა და საქმიანობის წესის შესახებ“ საქართველოს კანონის მე-6 მუხლის პირველი პუნქტისა და 29-ე მუხლის პირველი პუნქტის თანახმად, შეიქმნას საქართველოს სახელმწიფო ახალგაზრდული პოლიტიკის განვითარების საკოორდინაციო საბჭო (შემდგომში − საკოორდინაციო საბჭო) შემდეგი შემადგენლობით:

ა) რატი ბრეგაძე − საქართველოს სპორტისა და ახალგაზრდობის საქმეთა მინისტრის მოადგილე, საკოორდინაციო საბჭოს თავმჯდომარე;

ბ) საქართველოს განათლებისა და მეცნიერების მინისტრის პირველი მოადგილე ან მოადგილე, საკოორდინაციო საბჭოს თანათავმჯდომარე;

გ) საქართველოს შრომის, ჯანმრთელობისა და სოციალური დაცვის მინისტრის პირველი მოადგილე ან მოადგილე;

დ) საქართველოს იუსტიციის მინისტრის პირველი მოადგილე ან მოადგილე;

ე) საქართველოს კულტურისა და ძეგლთა დაცვის მინისტრის პირველი მოადგილე ან მოადგილე;

ვ) საქართველოს რეგიონული განვითარებისა და ინფრასტრუქტურის მინისტრის პირველი მოადგილე ან მოადგილე;

ზ) საქართველოს ეკონომიკისა და მდგრადი განვითარების მინისტრის პირველი მოადგილე ან მოადგილე;

თ) საქართველოს ფინანსთა მინისტრის პირველი მოადგილე ან მოადგილე;

ი) საქართველოს ოკუპირებული ტერიტორიებიდან იძულებით გადაადგილებულ პირთა, განსახლებისა და ლტოლვილთა მინისტრის პირველი მოადგილე ან მოადგილე;

კ) დიასპორის საკითხებში საქართველოს სახელმწიფო მინისტრის პირველი მოადგილე ან მოადგილე;

ლ) ევროპულ და ევროატლანტიკურ სტრუქტურებში ინტეგრაციის საკითხებში საქართველოს სახელმწიფო მინისტრის პირველი მოადგილე ან მოადგილე;

მ) შერიგებისა და სამოქალაქო თანასწორობის საკითხებში საქართველოს სახელმწიფო მინისტრის პირველი მოადგილე;

ნ) საქართველოს ენერგეტიკის მინისტრის პირველი მოადგილე ან მოადგილე;

ო) საქართველოს თავდაცვის მინისტრის პირველი მოადგილე ან მოადგილე;

პ) საქართველოს საგარეო საქმეთა მინისტრის პირველი მოადგილე ან მოადგილე;

ჟ) საქართველოს სოფლის მეურნეობის მინისტრის პირველი მოადგილე ან მოადგილე;

რ) საქართველოს სასჯელაღსრულებისა და პრობაციის  მინისტრის პირველი მოადგილე ან მოადგილე;

ს) საქართველოს შინაგან საქმეთა მინისტრის პირველი მოადგილე ან მოადგილე;

ტ) საქართველოს გარემოსა და ბუნებრივი რესურსების დაცვის მინისტრის პირველი მოადგილე ან მოადგილე.“.