„ქალაქ ქუთაისში პარკირების ორგანიზების უფლებით გადაცემის ნორმატიული საფასურის განსაზღვრის შესახებ“ ქალაქ ქუთაისის მუნიციპალიტეტის საკრებულოს 2015 წლის 25 თებერვლის №78 დადგენილებაში ცვლილებების შეტანის თაობაზე

საქართველოს ორგანული კანონის „ადგილობრივი თვითმმართველობის კოდექსი“ მე-16 მუხლის მე-2 პუნქტის „კ“ ქვეპუნქტის, „ნორმატიული აქტების შესახებ“ საქართველოს კანონის მე-20 მუხლის მე-4 პუნქტის, საქართველოს ზოგადი ადმინისტრაციული კოდექსის 63-ე მუხლისა და ქალაქ ქუთაისის მუნიციპალიტეტის საკრებულოს 2015 წლის 30 იანვრის N69 დადგენილების შესაბამისად, ქალაქ ქუთაისის საკრებულო ადგენს:

შეტანილ იქნეს ცვლილება „ქალაქ ქუთაისში პარკირების ორგანიზების უფლებით გადაცემის ნორმატიული საფასურის განსაზღვრის შესახებ“ ქალაქ ქუთაისის მუნიციპალიტეტის საკრებულოს 2015 წლის 25 თებერვლის №78 დადგენილების /www.matsne.gov.ge, 26.02.2015, №010250020.35.123.016288/ მე-2 მუხლში და ჩამოყალიბდეს შემდეგი რედაქციით: „მუხლი 2. ქალაქ ქუთაისში პარკირების ორგანიზების უფლებით გადაცემის ნორმატიული საფასური პარკირების ყველა სახეობის ადგილებისათვის განსაზღვრული 1 /ერთი/ კვადრატული მეტრი მიწის ნაკვეთისათვის განისაზღვროს ქალაქ ქუთაისის მუნიციპალიტეტის ტერიტორიულ ზონებსა და ქვეზონებში მოქცეული არასასოფლო-სამეურნეო დანიშნულების მიწის ნაკვეთების საწყისი საპრივატიზებო საფასურის არანაკლებ 7%-ის ოდენობით“.

დადგენილება ამოქმედდეს 2015 წლის 24 ივნისიდან.