„ქ.თბილისის მუნიციპალიტეტში სასაფლაოების მოწყობისა და მოვლა-პატრონობის წესის დამტკიცების შესახებ“ ქალაქ თბილისის მუნიციპალიტეტის საკრებულოს 2014 წლის 30 დეკემბრის N20-103 დადგენილებაში ცვლილების შეტანის თაობაზე

1. მე-4 მუხლის მე-5 პუნქტის ,,ა“ ქვეპუნქტი ჩამოყალიბდეს შემდეგი რედაქციით:

,,ა) საქალაქო სასაფლაოებზე, ამ პუნქტის ,,გ“ ქვეპუნქტში მითითებული უფლების განხორციელებისას, ხელშეკრულების საფუძველზე უზრუნველყოს ზედამხედველობა,  წესრიგში იქონიოს და მოუაროს სასაფლაოს, საფლავს, ძეგლს და სხვა; აკრძალოს არასახელშეკრულებო ურთიერთობა, გარდა არაკომერციული, უსასყიდლო, ერთჯერადი საქმიანობის განხორციელების შემთხვევისა. “.

2. მე-7 მუხლის მე-10 პუნქტი ჩამოყალიბდეს შემდეგი რედაქციით:

„10. სამარის გათხრის უფლება აქვს მხოლოდ ოპერატორს. გამონაკლის შემთხვევებში:

ა) სამარის გათხრა შესაძლებელია განხორციელდეს ოპერატორის  მიერ საკუთარი ხარჯებით (ეპიდემიის გავრცელება, სტიქიური უბედურება და სხვა);

ბ) თბილისის მუნიციპალიტეტის მთავრობის მიერ განსაზღვრულ საქალაქო სასაფლაოებზე, სამარის გათხრა შესაძლებელია განხორციელდეს, ჭირისუფლის მიერ საკუთარი რესურსით, ოპერატორისადმი განცხადებით მიმართვისა და შესაბამისი გარდაცვალების მოწმობის ან გარდაცვალების დამდგენი სხვა დოკუმენტის  საფუძველზე.“.