მცხეთის მუნიციპალიტეტის სასარგებლო წიაღისეულის მოპოვების ლიცენზიისაგან გათავისუფლების თაობაზე

საქართველოს მთავრობის

განკარგულება №1285

2015 წლის 16 ივნისი

ქ. თბილისი

მცხეთის მუნიციპალიტეტის სასარგებლო წიაღისეულის მოპოვების ლიცენზიისაგან გათავისუფლების თაობაზე

1. „სასარგებლო წიაღისეულის მოპოვების ლიცენზიის გაცემის წესისა და პირობების შესახებ დებულების დამტკიცების თაობაზე“ საქართველოს მთავრობის 2005 წლის 11 აგვისტოს №136 დადგენილებით დამტკიცებული დებულების 7⁴ მუხლის საფუძველზე, სახელმწიფოებრივი და საზოგადოებრივი ინტერესების გათვალისწინებით, შიდა სასოფლო გზების სარეაბილიტაციო სამუშაოების განხორციელების მიზნით, მცხეთის მუნიციპალიტეტი, სამი თვის ვადით, გათავისუფლდეს სასარგებლო წიაღისეულის (ქვიშა-ხრეში) მოპოვების ლიცენზიისაგან მცხეთის მუნიციპალიტეტის ტერიტორიაზე, შემდეგ X და Y კოორდინატების საზღვრებში:

ა) სოფ. წილკნის (მდ. ნარეკვავი) მიმდებარე ტერიტორია − 600 მ³ ქვიშა-ხრეში

ბ) სოფ. აღდგომელაანთკარის (მდ. შირი-ხევი) მიმდებარე ტერიტორია − 15400 მ³ ქვიშა-ხრეში

2. ლიცენზიისაგან გათავისუფლებული პირი − მცხეთის მუნიციპალიტეტი ვალდებულია:

  ა) უზრუნველყოს საქართველოს გარემოსა და ბუნებრივი რესურსების დაცვის სამინისტროს სსიპ − გარემოს ეროვნული სააგენტოს შესაბამისი დასკვნებით (გეოსაინფორმაციო პაკეტები) განსაზ­ღვრული პირობების შესრულება;

  ბ) მოპოვებული სასარგებლო წიაღისეული გამოიყენოს მხოლოდ ამ განკარგულების პირველი პუნქტით განსაზღვრული მიზნისათვის;

  გ) სასარგებლო წიაღისეულის მოპოვების ლიცენზიისაგან გათავისუფლებისათვის, ამ განკარგულების ძალაში შესვლიდან ერთი თვის ვადაში, უზრუნველყოს საქართველოს სახელმწიფო ბიუჯეტში შემდეგი ოდენობების გადახდა:

  გ.ა) სოფ. წილკნის (მდ. ნარეკვავი) მიმდებარე ტერიტორიაზე − 600 მ³ ქვიშა-ხრეშის მოპოვებისთვის − 104 (ას ოთხი) ლარი;

  გ.ბ) სოფ. აღდგომელაანთკარის (მდ. შირი-ხევი) მიმდებარე ტერიტორიაზე − 15400 მ³ ქვიშა-ხრეშის  მოპოვებისთვის − 2678 (ორი ათას ექვსას სამოცდათვრამეტი) ლარი.

  3. მცხეთის მუნიციპალიტეტის მიერ ლიცენზიისაგან გათავისუფლების საფუძველზე მოპოვებული სასარგებლო წიაღისეულის მიზნობრივად გამოყენების ზედამხედველობა განახორციელოს საქართველოს გარემოსა და ბუნებრივი რესურსების დაცვის სამინისტროს სახელმწიფო საქვეუწყებო დაწესებულებამ − გარემოსდაცვითი ზედამხედველობის დეპარტამენტმა (შემდგომში − გარემოსდაცვითი ზედამხედველობის დეპარტამენტი).

  4. მცხეთის მუნიციპალიტეტმა სასარგებლო წიაღისეულის მოპოვების ვადის გასვლიდან ორი კვირის ვადაში გარემოსდაცვითი ზედამხედველობის დეპარტამენტში წარადგინოს ინფორმაცია მოპოვებული ბუნებრივი რესურსის ოდენობის შესახებ.

პრემიერ-მინისტრი                                  ირაკლი  ღარიბაშვილი