„ევროპულ და ევროატლანტიკურ სტრუქტურებში ინტეგრაციის საკითხებში საქართველოს სახელმწიფო მინისტრის აპარატის დებულებისა და საშტატო ნუსხის დამტკიცების შესახებ“ საქართველოს მთავრობის 2014 წლის 22 იანვრის №100 დადგენილებაში ცვლილების შეტანის თაობაზე

1. დადგენილებით დამტკიცებული დებულების:

ა) მე-2 მუხლს დაემატოს შემდეგი შინაარსის „ღ¹ - ღ⁵“  ქვეპუნქტები:

„ღ¹) უზრუნველყოფს ევროპული და ევროატლანტიკური ინტეგრაციის საკითხებზე სტრატეგიული კომუნიკაციის  გრძელვადიანი პოლიტიკისა და მისი განხორციელების სამოქმედო გეგმის შემუშავებას, კოორდინაციასა და მონიტორინგს;

ღ²) ევროპული და ევროატლანტიკური ინტეგრაციის საკითხებზე კომუნიკაციის ეფექტიანი პოლიტიკის დაგეგმვის მიზნით, ახორციელებს ანალიტიკურ საქმიანობას, შესაბამის კვლევებსა და მათ საფუძველზე შეიმუშავებს კონცეფციას;

ღ³) უზრუნველყოფს ევროპული და ევროატლანტიკური ინტეგრაციის საკითხებზე სტრატეგიული კომუნიკაციის უწყებათაშორისი სამუშაო ჯგუფის ფორმირებასა და მისი საქმიანობის  კოორდინაციას;

ღ⁴) ახორციელებს ევროპული და ევროატლანტიკური ინტეგრაციის საკითხებზე  სახელმწიფო უწყებების, სამოქალაქო საზოგადოებისა და ბიზნესსექტორის, ასევე სტრატეგიულ კომუნიკაციაში ჩართული სხვა ორგანიზაციების ღონისძიებების ერთიანი გეგმის შემუშავებისა და განხორციელების კოორდინაციას;

ღ⁵) სტრატეგიული კომუნიკაციის გრძელვადიანი პოლიტიკის დაგეგმვის პროცესში უზრუნველყოფს საქართველოს მთავრობის ადმინისტრაციის, საქართველოს პარლამენტისა  და სხვა უწყებების შესაბამის სტრუქტურულ ერთეულებთან მჭიდრო თანამშრომლობას;“;

ბ) მე-3 მუხლი ჩამოყალიბდეს შემდეგი რედაქციით:

„მუხლი 3.  აპარატის სტრუქტურა

აპარატის სტრუქტურული ერთეულებია:

ა) ევროატლანტიკური ინტეგრაციის საკითხთა კოორდინაციის დეპარტამენტი;

ბ) ევროინტეგრაციის საკითხთა კოორდინაციის დეპარტამენტი;

გ) ევროკავშირის დახმარების კოორდინაციის დეპარტამენტი;

დ) სტრატეგიული კომუნიკაციის დეპარტამენტი;

ე) ადმინისტრაციული დეპარტამენტი;

ვ) საზოგადოებასთან ურთიერთობის დეპარტამენტი.“.

2. დადგენილებით დამტკიცებული საშტატო ნუსხა ჩამოყალიბდეს შემდეგი რედაქციით:

ევროპულ და ევროატლანტიკურ სტრუქტურებში ინტეგრაციის საკითხებში საქართველოს სახელმწიფო მინისტრის აპარატის საშტატო ნუსხა