შპს „ქართული ბოსტნეულის“ საქმიანობის ხელშესაწყობად რიგ ღონისძიებათა განხორციელების თაობაზე

საქართველოს მთავრობის

განკარგულება №10 95

2015 წლის 1 ივნისი

ქ. თბილისი

შპს „ქართული ბოსტნეულის“ საქმიანობის ხელშესაწყობად რიგ ღონისძიებათა განხორციელების თაობაზე

„სახელმწიფო ქონების შესახებ“ საქართველოს კანონის 49¹ მუხლის პირველი პუნქტის შესაბამისად, შპს „ქართული ბოსტნეული“ (ს/კ №404928469) გათავისუფლდეს საქართველოს ეკონომიკისა და მდგრადი განვითარების სამინისტროს სისტემაში შემავალი სსიპ − სახელმწიფო ქონების ეროვნულ სააგენტოსა და შპს „ქართულ ბოსტნეულს“ შორის 2012 წლის 12 დეკემბერს გაფორმებული ნასყიდობის ხელშეკრულების 3.1.2, 3.1.3, 3.1.4 და 3.1.8 მუხლებით ნაკისრი ვალდებულებების შეუსრულებლობისათვის, ამავე ხელშეკრულების5.2.2, 5.2.3 და 5.2.4 მუხლების საფუძველზე დაკისრებული პირგასამტეხლოს გადახდის ვალდებულებისაგან.

პრემიერ-მინისტრი                                                    ირაკლი ღარიბაშვილი