„საჯარო სამართლის იურიდიული პირის თბილისის მარიონეტების პროფესიული სახელმწიფო თეატრის დებულების დამტკიცების შესახებ“ საქართველოს კულტურისა და ძეგლთა დაცვის მინისტრის 2013 წლის 2 სექტემბრის N05/29 ბრძანებაში ცვლილების შეტანის შესახებ

„5. თეატრს აქვს განცალკევებული ქონება, დამოუკიდებელი ბალანსი, საანგარიშსწორებო, სავალუტო და სხვა ანგარიშები საქართველოსა და საზღვარგარეთის ქვეყნების საბანკო დაწესებულებებში, ბეჭედი საკუთარი დასახელებით, შტამპი, ბლანკი, ემბლემა და იურიდიული პირისათვის დამახასიათებელი სხვა რეკვიზიტები. თეატრს შეუძლია თავისი სახელით გამოვიდეს სამართლებრივ ურთიერთობებში, საკუთარი სახელით შეიძინოს ქონებრივი და პირადი არაქონებრივი უფლებები, იტვირთოს ვალდებულებები, უფლებამოსილია დადოს ხელშეკრულება-გარიგებები, გამოვიდეს მოსარჩელედ და მოპასუხედ სასამართლოში თავისი საქმიანობის განსახორციელებლად. თეატრს ასევე უფლება აქვს, სხვადასხვა საერთაშორისო თეატრალურ ფესტივალებზე, მათ უცხოელ ორგანიზატორებსა და პარტნიორებთან კომუნიკაციისას, თეატრის რეკლამირებისა და პოპულარიზაციის მიზნით, გამოიყენოს დასახელება „გაბრიაძის თეატრი.“.