„ახალგაზრდული პროგრამების დაფინანსების მიზნით გამოყოფილი თანხიდან ჯილდოს გაცემის წესის დამტკიცების შესახებ“ ჭიათურის მუნიციპალიტეტის საკრებულოს 2015 წლის 27 თებერვლის №7 დადგენილებაში ცვლილების შეტანის თაობაზე

„დ) წარმატებული ახალგაზრდა:

დ.ა) მუნიციპალიტეტის სასწავლო-საგანმანათლებლო, კულტურულ-შემოქმედებითი დაწესებულებისა და სამუსიკო სკოლის მოსწავლე, ასევე ახალგაზრდა, რომელმაც დაიკავა I, II, III საპრიზო ადგილი საქართველოსა და საერთაშორისო კონკურსებში ან გამოცხადდა გამარჯვებულად;

დ.ბ) მედია-პროექტში გამარჯვებული, რომელიც მონაწილეობს ჭიათურის მუნიციპალიტეტის სახელით;

დ.გ) ჭიათურის მუნიციპალიტეტის სკოლის ვერცხლისა და ოქროს მედალოსანი მოსწავლე;

დ.დ) საერთაშორისო ოლიმპიადაში მონაწილე ჭიათურის მუნიციპალიტეტის სკოლის მოსწავლე.“

„ზ) წარჩინებული სტუდენტი – ჭიათურის მუნიციპალიტეტის სკოლის კურსდამთავრებული საქართველოს აკრედიტებული უმაღლესი სასწავლებლის სტუდენტი, რომლის შეფასება წინა სასწავლო სემესტრში თითოეულ საგანში არის 91 – 100 ქულა და რომელიც რეგისტრირებულია ჭიათურის მუნიციპალიტეტის ტერიტორიაზე.“

„6¹. საერთაშორისო ოლიმპიადაში მონაწილის დაჯილდოება

1. საერთაშორისო ოლიმპიადაში მონაწილის ფულადი ჯილდო განისაზღვრება 700 ლარის ოდენობით.

2. საერთაშორისო ოლიმპიადაში მონაწილემ/კანონიერმა წარმომადგენელმა მუნიციპალიტეტში უნდა წარმოადგინოს:

ა) წერილობითი განცხადება;

ბ) საერთაშორისო ოლიმპიადაში მონაწილის/კანონიერი წარმომადგენლის პირადობის მოწმობის დამადასტურებელი დოკუმენტი;

გ) საერთაშორისო ოლიმპიადაში მონაწილის დამადასტურებელი დოკუმენტი;

დ) საერთაშორისო ოლიმპიადაში მონაწილის/კანონიერი წარმომადგენლის ანგარიშის ნომრის ამონაწერი საბანკო დაწესებულებიდან;”.