„სს „აკად. ნოდარ ყიფშიძის სახელობის თერაპიის ეროვნული ცენტრი“-ს სახელმწიფო საკუთრებაში არსებული 1 ლარიანი ნომინალური ღირებულების 1,103,372 ცალი აქციის (სახელმწიფო წილი კაპიტალში 100%) საჯარო აუქციონის (პირობებიანი) ფორმით პრივატიზების შესახებ“ საქართველოს ეკონომიკისა და მდგრადი განვითარების მინისტრის 2011 წლის 14 იანვრის №1-1/29 ბრძანებით განსაზღვრულისაგან განსხვავებული საპრივატიზებო პირობების დადგენის თაობაზე

საქართველოს მთავრობის

განკარგულება №1025

2015 წლის 25მაისი

ქ. თბილისი

„სს „აკად. ნოდარ ყიფშიძის სახელობის თერაპიის ეროვნული ცენტრის“  სახელმწიფო საკუთრებაში არსებული 1 ლარიანი ნომინალური ღირებულების 1,103,372 ცალი აქციის (სახელმწიფო წილი კაპიტალში 100%) საჯარო აუქციონის (პირობებიანი) ფორმით პრივატიზების შესახებ“ საქართველოს ეკონომიკისა და მდგრადი განვითარების მინისტრის 2011 წლის 14 იანვრის №1-1/29 ბრძანებით განსაზღვრულისაგან განსხვავებული საპრივატიზებო პირობების დადგენის თაობაზე

1. „სახელმწიფო ქონების შესახებ“ საქართველოს კანონის 49¹ მუხლის პირველი პუნქტის შესაბამისად, დადგინდეს, „სს „აკად. ნოდარ ყიფშიძის სახელობის თერაპიის ეროვნული ცენტრის“ სახელმწიფო საკუთრებაში არსებული 1-ლარიანი ნომინალური ღირებულების 1,103,372 ცალი აქციის (სახელმწიფო წილი კაპიტალში 100%) საჯარო აუქციონის (პირობებიანი) ფორმით პრივატიზების შესახებ“ საქართველოს ეკონომიკისა და მდგრადი განვითარების მინისტრის 2011 წლის 14 იანვრის №1-1/29 ბრძანების მე-3 პუნქტის „ბ“, „გ“ და „დ“ ქვეპუნქტებით განსაზღვრულისაგან განსხვავებული, შემდეგი საპრივატიზებო პირობები:

ა)  შპს „აკად. ნოდარ ყიფშიძის სახელობის თერაპიის ეროვნული ცენტრის“ (ს/კ 404882294) საკუთრებაში არსებულ,  ქ. თბილისში,  ჩაჩავას ქ. №3-ში (ნაკვ. 07/018) მდებარე 6267.00 კვ.მ არასასოფლო-სამეურნეო დანიშნულების მიწის ნაკვეთზე და მასზე არსებულ შენობა-ნაგებობებზე: №1 - საერთო ფართობით - 6760.51 კვ.მ, №2, №3, №4, №5 და №6 (მიწის (უძრავი ქონების) საკადასტრო კოდი:  01.13.02.007.018) ან/და  შპს „ინტელ მედის“ (ს/კ 404928147) საკუთრებაში არსებულ, ქ. თბილისში, ჩაჩავას №5-ში მდებარე 6488.00 კვ.მ არასასოფლო-სამეურნეო დანიშნულების მიწის ნაკვეთზე და მასზე არსებულ შენობა-ნაგებობებზე:  №1 (მშენებარე), №2, №3, №4, №5, №6 და №7  (მიწის (უძრავი ქონების) საკადასტრო კოდი:  01.13.02.007.024),  2018 წლის პირველ ივლისამდე, პირადად ან/და მესამე პირის მეშვეობით, სამედიცინო დაწესებულების მშენებლობა, ექსპლუატაციაში მიღება და შესაბამისი ნებართვის მოპოვება  შემდეგი გრაფიკის მიხედვით:

ა.ა) 2015 წლის ბოლომდე -  მშენებლობის ნებართვის მიღება;

ა.ბ) 2016 წლის პირველ  მაისამდე - მშენებლობის დაწყება;

ა.გ) 2018 წლის პირველ ივლისამდე - სამედიცინო დაწესებულების ექსპლუატაციაში მიღება, შესაბამისი ნებართვ (ებ)ის მოპოვება, მათ შორის, კადრების შერჩევა/ტრენინგი;

ბ) ამ პუნქტის „ა“ ქვეპუნქტით გათვალისწინებული პირობ(ებ)ის შესრულების მიზნით, პირადად ან/და მესამე პირის მეშვეობით, არანაკლებ 8 000 000 (რვა მილიონი) აშშ დოლარის ინვესტიციის განხორციელება;

გ) ამ პუნქტის „ა“ ქვეპუნქტით გათვალისწინებული სამედიცინო დაწესებულებისათვის , მისი ფუნქციონირებისათვის აუცილებელი ნებართვ(ებ)ის მოპოვებიდან 30 (ოცდაათი) წლის განმავლობაში,  ჯანდაცვის პროფილის შენარჩუნება.

2. ამ განკარგულების პირველი პუნქტის „ა“ და „ბ“ ქვეპუნქტებში მითითებული ვალდებულებების შესრულების, მათ შორის, ამავე ვალდებულებ(ებ)ის შეუსრულებლობისათვის დაკისრებული პირგასამტეხლოს უზრუნველსაყოფად,  ამ განკარგულების პირველი პუნქტის საფუძველზე, შპს „აკად. ნოდარ ყიფშიძის სახელობის თერაპიის ეროვნულმა  ცენტრმა“, შესაბამისი ცვლილების ხელშეკრულების გაფორმებამდე,  წარმოადგინოს 2018 წლის ბოლომდე მოქმედი 200 000 (ორასი ათასი) აშშ დოლარის ოდენობის უპირობო და გამოუხმობი საბანკო გარანტია.

3. საქართველოს ეკონომიკისა და მდგრადი განვითარების სამინისტროს სისტემაში შემავალმა საჯარო სამართლის იურიდიულმაპირმა- სახელმწიფო ქონების ეროვნულმა სააგენტომ, ამ განკარგულების შესრულების მიზნით, განახორციელოს კანონმდებლობით გათვალისწინებული შესაბამისი ღონისძიებები.

პრემიერ-მინისტრი                                                                 ი . ღარიბაშვილი