,,ცაგერის მუნიციპალიტეტის გამგეობის დებულების დამტკიცების შესახებ'' ცაგერის მუნიციპალიტეტის საკრებულოს 2014 წლის 17 ივლისის №23 დადგენილებაში ცვლილების შეტანის თაობაზე

1. მე-11 მუხლის მე-4 პუნქტის „ე“ ქვეპუნქტი ჩამოყალიბდეს შემდეგი რედაქციით:

„ე) ეკონომიკისა და ქონების მართვის სამსახური“

2. მე-11 მუხლის მე-4 პუნქტს დაემატოს „ი“ ქვეპუნქტი და ჩამოყალიბდეს შემდეგი რედაქციით:

„ი)კეთილმოწყობისა და ინფრასტრუქტურის  განვითარების სამსახური“.

3. მე-12 მუხლის მე-3  პუნქტი  ჩამოყალიბდეს შემდეგი რედაქციით:

„3. ეკონომიკისა და ქონების მართვის  სამსახურის ძირითადი ფუნქციებია: მუნიციპალიტეტის ეკონომიკური განვითარების სტრატეგიების, მუნიციპალური პროგრამების პროექტების შემუშავება და დამტკიცებული დოკუმენტების განხორციელების კოორდინაცია,   ზედამხედველობის უზრუნველყოფა,  სტატისტიკური ინფორმაციის შეგროვება-დამუშავება, მუნიციპალიტეტის ქონების მართვა.‘‘.

4)  მე-12 მუხლს დაემატოს შემდეგი შინაარსის მე-9 პუნქტი:

„9. კეთილმოწყობისა და ინფრასტრუქტურის განვითარების  სამსახურის ფუნქციებია:  მუნიციპალური ინფრასტრუქტურის – ადგილობრივი მნიშვნელობის გზების, ხიდების, გარე განათების, სანიაღვრე მეურნეობის, მუნიციპალიტეტის გამგებლობაში არსებული კომუნიკაციების შექმნის, რეაბილიტაციისა და განვითარების დაგეგმვას, შესაბამისი პროგრამებისა და პროექტების მომზადებას, მათი განხორციელების კოორდინაციას; მუნიციპალური ინფრასტრუქტურის განვითარების პროექტების შემუშავებას და მათი განხორციელების მონიტორინგს; მუნიციპალური ინფრასტრუქტურის ობიექტების მოვლა-პატრონობას; წინადადებების, დასკვნებისა და რეკომენდაციების მომზადებას მუნიციპალური ტრანსპორტის ორგანიზების საკითხებზე, შესაბამისი მუნიციპალური პროგრამების შემუშავებასა და მათი განხორციელების მონიტორინგს“.

5.  39-ე მუხლის მე-2 პუნქტის „ბ“ ქვეპუნქტი ჩამოყალიბდეს შემდეგი რედაქციით:

„ბ) რეორგანიზაციის ვადა არ უნდა აღემატებოდეს ოთხ თვეს.“.