,,ლაგოდეხის მუნიციპალიტეტის მოსახლეობის ჯანმრთელობისა და სოციალური დაცვის 2015 წლის პროგრამისა და მისი ბიუჯეტის დამტკიცების შესახებ“ ლაგოდეხის მუნიციპალიტეტის საკრებულოს 2015 წლის 16 იანვრის №1 დადგენილებაში ცვლილების შეტანის თაობაზე

დოკუმენტის სტრუქტურა

განმარტებების დათვალიერება

დაკავშირებული დოკუმენტები

დოკუმენტის მონიშვნები

,,ლაგოდეხის მუნიციპალიტეტის მოსახლეობის ჯანმრთელობისა და სოციალური დაცვის 2015 წლის პროგრამისა და მისი ბიუჯეტის დამტკიცების შესახებ“ ლაგოდეხის მუნიციპალიტეტის საკრებულოს 2015 წლის 16 იანვრის №1 დადგენილებაში ცვლილების შეტანის თაობაზე
დოკუმენტის ნომერი	24
დოკუმენტის მიმღები	ლაგოდეხის მუნიციპალიტეტი
მიღების თარიღი	27/05/2015
დოკუმენტის ტიპი	მუნიციპალიტეტის საკრებულოს დადგენილება
გამოქვეყნების წყარო, თარიღი	ვებგვერდი, 01/06/2015
ძალის დაკარგვის თარიღი	04/05/2018
სარეგისტრაციო კოდი	010260040.35.167.016212

PDF გადმოწერა

,,ნორმატიული აქტების შესახებ“ საქართველოს კანონის მე-20 მუხლის მე-4 პუნქტის შესაბამისად, ლაგოდეხის მუნიციპალიტეტის საკრებულო ადგენს:

მუხლი 1

შეტანილ იქნეს ცვლილება ,,ლაგოდეხის მუნიციპალიტეტის მოსახლეობის ჯანმრთელობისა და სოციალური დაცვის 2015 წლის პროგრამისა და მისი ბიუჯეტის დამტკიცების შესახებ“ ლაგოდეხის მუნიციპალიტეტის საკრებულოს 2015 წლის 16 იანვრის №1 დადგენილებაში (www.matsne.gov.ge, 21/01/2015,010260040.35.167.016189).

მუხლი 2

1. ,,ლაგოდეხის მუნიციპალიტეტის მოსახლეობის ჯანმრთელობისა და სოციალური დაცვის 2015 წლის პროგრამისა და მისი ბიუჯეტის დამტკიცების შესახებ“ ლაგოდეხის მუნიციპალიტეტის საკრებულოს 2015 წლის 16 იანვრის №1 დადგენილებით დამტკიცებული დანართი №1-ის მე-5 მუხლის მე-10 პუნქტი ჩამოყალიბდეს შემდეგნაირად:

,,10. ოჯახის, რომლის სარეიტინგო ქულა არ აღემატება 100 000, რომლის წევრი საჭიროებს სასწრაფო სამედიცინო დახმარებას-სამედიცინო ჩარევას, კვლევას, მკურნალობას (გარდა ფიზიოლოგიური მშობიარობისა, გეგმიური საკეისრო კვეთისა და მედიკამენტური მკურნალობისა), დაფინანსება ან თანადაფინანსება.“

2. ,,ლაგოდეხის მუნიციპალიტეტის მოსახლეობის ჯანმრთელობისა და სოციალური დაცვის 2015 წლის პროგრამისა და მისი ბიუჯეტის დამტკიცების შესახებ“ ლაგოდეხის მუნიციპალიტეტის საკრებულოს 2015 წლის 16 იანვრის №1 დადგენილებით დამტკიცებული დანართი №1-ს მე-6 მუხლის მე-3 პუნქტი ჩამოყალიბდეს შემდეგნაირად:

,,3. ჯანდაცვის ღონისძიებების - სამედიცინო ჩარევის, კვლევის, მკურნალობის (გარდა მედიკამენტურისა) თანადაფინანსება.“.

3. ,,ლაგოდეხის მუნიციპალიტეტის მოსახლეობის ჯანმრთელობისა და სოციალური დაცვის 2015 წლის პროგრამისა და მისი ბიუჯეტის დამტკიცების შესახებ“ ლაგოდეხის მუნიციპალიტეტის საკრებულოს 2015 წლის 16 იანვრის №1 დადგენილებით დამტკიცებული დანართი №1-ს მე-10 მუხლის მე-12 პუნქტი ჩამოყალიბდეს შემდეგნაირად:

,,12. ოჯახზე, რომლის წევრი საჭიროებს სასწრაფო დახმარებას - გამოკვლევას ან სტაციონარული მკურნალობის, თანადაფინანსების სახით, ერთჯერადი ფულადი დახმარება არაუმეტეს - 700 ლარი.“

მუხლი 3

,,ლაგოდეხის მუნიციპალიტეტის მოსახლეობის ჯანმრთელობისა და სოციალური დაცვის 2015 წლის პროგრამისა და მისი ბიუჯეტის დამტკიცების შესახებ“ ლაგოდეხის მუნიციპალიტეტის საკრებულოს 2015 წლის 16 იანვრის №1 დადგენილებით დამტკიცებული დანართი №2 ,,ლაგოდეხის მუნიციპალიტეტის მოსახლეობის ჯანმრთელობისა და სოციალური დაცვის პროგრამის 2015 წლის ბიუჯეტი და რეალიზაციის ვადა“ დამტკიცდეს თანდართული რედაქციით:

,,დანართი №2

ლაგოდეხის მუნიციპალიტეტის მოსახლეობის ჯანმრთელობისა და სოციალური დაცვის პროგრამის 2015 წლის ბიუჯეტი და რეალიზაციის ვადა

№	დასახელება	სოციალური დახმარების მოცულობა /ლარი/		რეალიზაციის ვადა
№	დასახელება	ერთ ბენეფიციარზე	სულ	რეალიზაციის ვადა
1	უფასო კვების ობიექტის დაფინანსება		50 000 ლარი	ბიუჯეტის გეგმის შესაბამისად
2	საზოგადოებრივი ჯანდაცვის დაფინანსება		90 000 ლარი	ბიუჯეტის გეგმის შესაბამისად
3	სოციალურად დაუცველი მოსახლეობის დახმარება, მათ შორის:		115 000 ლარი
	უკიდურესად გაჭირვებულთა ერთჯერადი ფულადი დახმარება	100 ლარი		წელიწადში ერთხელ
	სამედიცინო კვლევებისა და სტაციონარული მომსახურების თანადაფინანსება	არა უმეტეს 700 ლარი		პროგრამის შესაბამისად
	ჰემო-დიალიზზე მყოფ მოქალაქეთა სოციალური დაცვა	100 ლარი		ყოველთვიურად
	გაუსაძლის პირობებში მცხოვრები ან სტიქიის შედეგად და უსახლკაროდ დარჩენილ ოჯახთა საცხოვრებელი პირობების გაუმჯობესების ხელშეწყობა (ბინის ქირა)	არა უმეტეს 100 ლარი ყოველთვიურად		6 თვის განმავლობაში
	ობოლი და მარჩენალდაკარგული ბავშვთა ოჯახი რომელსაც ჰყავს ერთი არასრულწლოვანი შვილი	8 ლარი ყოველთვიურად		პროგრამის შესაბამისად
	ობოლი და მარჩენალდაკარგული ბავშვთა ოჯახი რომელსაც ჰყავს ორი და მეტი არასრულწლოვანი შვილი	12 ლარი ყოველთვიურად		პროგრამის შესაბამისად
	მარტოხელა მშობელი, რომელსაც ჰყავს ერთი ან მეტი არასრულწლოვანი შვილი	8 ლარი ყოველთვიურად		პროგრამის შესაბამისად
	100 წლის და მეტი ასაკის მქონე მოხუცთა ერთჯერადი ფულადი დახმარება	200 ლარი		წელიწადში ერთხელ
	უმწეო ხანდაზმულთა სოციალური რეაბილიტაციის პროგრამის თანადაფინანსება		38000 ლარი	ბიუჯეტის გეგმის შესაბამისად
4	შეზღუდული შესაძლებლობის მქონე პირთა და შეზღუდული შესაძლებლობის მქონე ბავშვთა ფულადი დახმარება.	8 ლარი ყოველთვიურად სადღესასწაულო საჩუქრები	20000 ლარი	პროგრამის შესაბამისად
5	მრავალშვილიანი ოჯახებისა და ბავშვების სოციალური დაცვა		80000 ლარი
	მრავალშვილიანი ოჯახები, რომელთაც ჰყავთ 4 და მეტი არასრულწლოვანი შვილი, ფულადი დახმარება	250 ლარი		წელიწადში ერთხელ
	მრავალშვილიანი ოჯახები, რომლებიც ცხოვრობენ საშიშ-გაუსაძლის პირობებში	არა უმეტეს 500 ლარი		წელიწადში ერთხელ
	ახალდაბადებულ ბავშვთა ოჯახების ერთჯერადი ფულადი დახმარება	100 ლარი		დაბადებიდან 6 თვის ვადაში
6	იძულებით გადაადგილებულ პირთა (დევნილთა) დახმარება		10000 ლარი	პროგრამის შესაბამისად
7	სამშობლოს დასაცავად მებრძოლთა ოჯახებისა და ვეტერანების ინტერესების დაცვა	დაკრძალვის სარიტუალო ხარჯებისათვის 250 ლარი	5000 ლარი	პროგრამის შესაბამისად
7	სადღესასწაულო ღონისძიებების დაფინანსება		5000 ლარი	პროგრამის შესაბამისად
8	უკიდურესად გაჭირვებული ოჯახის წევრის გარდაცვალებასთან დაკავშირებით, ფულადი დახმარება (სარიტუალო ხარჯებისათვის)	250 ლარი	3000 ლარი	პროგრამის შესაბამისად
9	სოციალურად დაუცველი მოსახლეობის სათბობით უზრუნველყოფა დადგენილი ლიმიტის ფარგლებში		20000 ლარი	პროგრამის შესაბამისად
	სულ:		436 000 ლარი

“

მუხლი 4

დადგენილება ამოქმედდეს გამოქვეყნებისთანავე.

ლაგოდეხის მუნიციპალიტეტის საკრებულოს თავმჯდომარე გოდერძი ბარბაქაძე